خصم على السيارات المستعملة كل اكتوبر

**SaLM!Na** · 05-10-2008 01:39 AM

السلام عليكوا

في جريدة الاهرام للسيارات كاتبين :

تبدأ نسبة الخصم على السيارات اعتبارا من اول اكتوبر من كل عام حيث تمنح السيارة خصم استعمال 10% عن السنة الاولى و 5 % عن السنوات التالية بحد اقصى 50%

هوا الخصم ده على سعر العربية لما صاحبها اشتراها و لا على سعر البيع
طب بالنسبة للعربيات اللي عدا عليها 30 سنة زي البيجو بتاعتنا كده لو فكرنا نبيعها نبيعها ببلاش!!!

ياريت اللي عنده معلومات عن الموضوع ده يفيدنا
و هل تعتقدوا ان الموضوع ده هيمشي و ان الشعب المصري هيخضع للقانون ده؟
شـــكـــرا

**OlaOsman** · 05-10-2008 01:49 AM

طيب مين اللي هايعوض أصحاب السيارات المستعملة لما ييجوا يبيعوها عن الخصم اللي اتعمل ده؟

**Mohamed-Saoud** · 05-10-2008 01:59 AM

اللي فهمته بعد حساب الجمارك لموديل 2009 يتم خصم نسبة الاستعمال دي...

**SaLM!Na** · 05-10-2008 02:01 AM

ما هو ده اللي انا بسأل فيه يا علا
يعني ايه وجه الاستفاده لما واحد يبيع عربيته برخص التراب ما يخليها مركونة احسن اهي ع الاقل تنفعه في يوم من الايام

**Mohamed-Saoud** · 05-10-2008 02:07 AM

الكلام ده على جمارك العربيات المستعمله و المستورده من الخارج... هي النقطة دي واضحة عندكم ؟!! و لا أنا اللي مش فاهم وجهة نظركم؟؟

**Ahmed Samy** · 05-10-2008 02:09 AM

مش فاهم
يعني هم اللي هايحددوا سعر عربيتي لما اجي ابيعها مستعملة ؟؟

**SaLM!Na** · 05-10-2008 02:10 AM

طيب يا محمد انا مافهمتش ان الموضوع على الجمارك
بس لو تعرف عنه حاجات زيادة ياريت تقولنا

**Mohamed-Saoud** · 05-10-2008 02:15 AM

الموضوع ان لو الجمارك بتاعه كورولا مثلا 2009 ب100000 تبقي الجمارك بتاعه موديل 2006 ب20000-100000 يعني 80000 و ال20000 الخصم دي هي ال10%+5%+5% خصم على الجمارك لأنها أستعمال تلات سنيين لأننا عدينا أكتوبر 2008 و بالتالي دخلنا في سنة 2009 جمارك :)

و أي خدمة :)

**Nader** · 05-10-2008 02:18 AM

الكلام دة بالنسبة للجمارك

يعني موديل 2009 بيبداً من شهر اكتوبر 2008

ومع مرور كل عام يتم خصم 5% من الجمارك المستحقة

على السيارة الزيرو بحد اقصى 50% مع مرور السنين.

**مصراوي جدا** · 05-10-2008 04:45 PM

بوضوح اكتر

الموضوع ده خاص بالمصريين العاملين في الخارج وعايزين ينزلوا عربياتهم معاهم لمصر

اول حاجه المفروض يعملها المصري اللي عاوز ينزل عربيته المستعملة لمصر انه يكون المالك الأول لها يعني شاريها زيرو مش حتى كسر زيرو ولا حتى موديل السنة

ثم ياخدها بعد شراءها مباشرة زيرو ويطلع على السفارة المصرية ويسجل العربية عندهم انه المالك الأول لها

بعد كده بأه ينزل وقت ما ينزل بعد سنه بعد اتنين بعد عشر سنين (نفترض هينزل بيها بعد 10 سنين نهائي لمصر)

الجمارك هتحاسبه على العشر سنين دول السنة الأولى 10% خصم والتسع سنوات التانية 9 * 5 = 45% + 10% = 55% (لأ كفاية عليه 50% خصم حد أقصى)

فالقصة كلها متعلقة بانزال عربية من الخارج مع ضرورة الشرط الأساسي انه يكون المالك الأول للعربية ومسجلها اول ما اشتراها في السفارة المصرية

الموضوع: خصم على السيارات المستعملة كل اكتوبر

LinkBack

أدوات الموضوع

عرض

العرض المتطور

خصم على السيارات المستعملة كل اكتوبر - انشر الموضوع فى :

-

-

-

-

-

-

-

-

المواضيع المتشابهه

أسعار السيارات المستعملة

مواقع بيع السيارات المستعملة

اخر أسعر السيارات المستعملة

أين تذهب السيارات المستعملة؟

بيع السيارات المستعملة في المانيا

الكلمات الدلالية لهذا الموضوع

المفضلات

المفضلات

ضوابط المشاركة