تسعير لانسر 98 اوتوماتيك

**egawady** · 05-10-2008 03:04 AM

ارجو من أعضاء المنتدى تسعير سيارتى :
انا معايا لانسر 1300 موديل 1998 اوتوماتيك جميع الكماليات جنوط سبور - فتحة سقف كهرباء - سبويلر خلفى ( الموديل الجامبو ) - راديو سى دى وMp3 بالاضافة إلى الكاسيت الميتسوبيشى الأصلى (غير مركب) ، العداد عامل 98000 كم ، الحالة بصفة عامة ممتازة ، دوكو المصنع بالكامل ما عدا الكبوت والرفرف الخلفى يمين ( لكثرة الخدوش ... انتو عارفين طبعاً لعب العيال منهم لله ) الحمد لله مفيش أى حادثة ... انا بفكر ابيعها حالياً بس لسه مخدتش القرار النهائى بالبيع .... بفكر أجيب حاجة تانية اوتوماتيك برضو .. الواحد عايز يركب عربية أحدث شوية بس المشكلة انى مش عايز أدفع فرق سعر كبير ...
يعنى بفكر مثلاً فى بروتون واجا 2006 أو 2007 اوتوماتيك ، أو هيونداى الانترا 2006 ( الشكل القديم ) اوتوماتيك ... او ما شابه ذلك ، عشان انا مش عايز أدفع فرق كبير .

فيا ترى عربيتى لو بعتها .. تجيب كام ؟؟

وشكراً

**ferfsh** · 05-10-2008 04:35 PM

انا كان معايا واحدة مانيوال 98 تكييف و بوور و انزار و زجاج عادة مانيوال (موتورها كان خفيف شوية ) بس دواخلها نضيفة .بعتها ب 44 ألف .بس طبعا دى حاجة و دى حاجة .عربيتك من اللى بشوفه ى السوق اعتقد تجيبلك 50 .ربنا يحسن سوقها