مبدئيا انا جديد فى سيارة اسكودة فياريت حضرتك متزهقش من طول الموضوع
اولا : انا بحب ركوب العربيات وكل شوية لو العربية جابت سعر حلو ببيعها و اشتري بدالها و انا معايا سكودا 2004 اوتوماتيك ماشية 220000 كم شاريها من اسبوع المشكلة رقم
1- ان لما بمشيى بالعربية مشوار طويل يعنى زى سفر او حاجة زى كدة بلاحظ ان لما بقف بالعربية و امشي تانى على الغيار الاول العربية بتبقى تقيل جدااااااااا( زى ما تكون طالع بعربية مانوال على الغيار التالت) و ال rpm بيعلى جدااا وصوت الموتور طبعا بيعلى و افضل اسايس فيها واحدة واحدة لغاية ما العربية تغير لنقلة اعلى لكن بحس بتغييرالنقلة جامد زى مايكون حد زق العربية من ورا ( العربية تنط لقدام ) و بعد ما بخلى العربية تستريح بلاحظ انها رجعت تبقى تمام والفتيس يبقى ناعم فى غياراته وعمرى ما لاحظ المشكلة دية فى المشاوير اللى جوة البلد يعنى بحس بيها فقط لما بسافر مشاوير طويلة حواللى 200 كم و انا فى العودة بحس بالمشكلة دية .
ملحوظة هامة : عداد الحرارة ثابت فى النص و من يوم ما اشتريتها ما حستش ابدا برزع فى الفتيس او اى نقلة فى الغيارات !!!!!
1- هذة اعراض بداية لتلف حساس g38 او g68 وهو فصل النقلات و المشي علي emergency system ووقتها بتطلع علي التالت فقط و بعدين مع راحة العربية بيرجع يشتغل تاني و هوضح لحضرتك اماكنهم في الفتيس و صور للحساسات نفسها . و موضوع انها لما بتبقي ماشي بيها مسافرة طويلة أحتمال كبير يكونفية جزء من أنسداد مبرد زيت الفتيس فمبيوصلش مياه تبريد الفتيس كويس فبعد مدة من المشي علية فبيبتدي يخرف و برضو هرفق لك صورة من المبرد و مكانة بالفتيس
g68 g38 صورة لمحتويات الفتيس
صورة لمبرد الفتيس
2- وانا مسافر على طريق الجيش و كنت عايز اعرف اخر سرعة قصوى للعربية و خصوصا عدادها 240 كم و دوست بنزين و حدة وحدة لغاية ما وصلت الى سرعة 180 كم و العربية بتستجيب و دواسة البنزين لسه فيها لكن فجأة لاقيت ان عداد السرعة نزل و العربية بدأت تهبط لوحدها ( رغم رجلى على دواسة البنزين زى ماهى ) ولاقيت دخانة جامدة جدااااااااا طالعة من الشكمان فوقفت العربية على طول وفتحت الكبوت لاقيت كله تمام و بعد كدة دورت العربية و كملت سفري و العربية ماشية تمام و جبت بيها سرعة 160 و العربية بتستجيب جدااااااا للسرعة بس خوفت ازود عن كدة تحصل نفس المشكلة
2 - بعض سيارات سكودا بها نظام امان عدم تعدي سرعة 180
و عند طلبك لفتح السرعة بالتوكيل بيخلوك تمضي أقرار تحمل المسئولية علي نفسك
3- انا ما اعرفش الرجل اللى اشتريت منه العربية هو غير زيت فتيس ولا لأ لانى مش واثق فى كلامه خالص وعايز اعرف طريقة تغيير زيت فتيس وبتاخد كام كيلو وايه افضل نوع ؟؟؟ بس خايف من تغيير زيت الفتيس لان سمعت ان الفتيس لو مش بيتغير كل 60000 كم من يوم شراء العربية زيرو و صاحب العربية طنش و بعد فترة كبيرة من الميعاد الاصلي حد غيرالزيت و نزل زيت الفتيس كله تحصل مشكلة وينزل الرايش بتاع الفتيس والافضل فى هذه الحالة هو تزويد الزيت وليس انزاله كامل هل ده صحيح ولا و لأ ؟؟؟؟
3 - من المفترض عند شرائك سيارة أسكودا تقوم بتغير الاتي :
طقم كاتينه ( بلية + سير ) الاصلي
سير دينامو ( الاصلي )
شداد دينامو ( الاصلي )
زيت محرك+فلتر ( نفضل كاسترول أو شل )
زيت فتيس+فلتر ( الاصلي )
طقم بوجيهات ( الاصلي )
فلتر بنزين ( الاصلي )
فلتر هواء ( الاصلي )...
فلتر تكييف ( الاصلي )
منظف لتنظيف البوابه ( ال gunk أصفر او أزرق )
تغير زيت الفرامل ( توتال 3 او dot 4 )
تغير المياه الاصلي للسيارة ( الاصلي - أو الهيبو أو الوكي مولي )
ملحوظ هامة : انا كشفت على العربية عند المهندس خالد اسماعيل اللى الاخوة هنا شكروا فيه و هو فعلا راجل قمة فى الذوق والاحترام و كشف على العربية بالجهاز و قاللي ان الفتيس كويس وكل شيء تمام الموتور بس الجهاز مسجل ان فيه مشكلة حساس حرارة ( انا مسألتوش هلى حساس الحرارة بتاع الفتيس ولا الموتور ) و قاللى انا هكشف على العربية تانى بعد اسبوع عالشان لازم اتأكد 300 % ان فيه مشكلة فى حساس الحرارة و بعد كدة طلع معايا و جرب العربية و قاللى ان الفتيس مش تمام و فيه مشاكل ( انا مافهمتش منه ازاى الجهاز قال ان الفتيس تمام وهو بعد ماجرب العربية بنفسه قال ان فيه مشاكل ) و قاللى لو تعرف تبيع العربية يبقى افضل
وانا سمعت كتير عن المهندس خالد اسماعيل وانه كان شغال فى التوكيل بتاع اسكودا
و دلوقتى انا فى حيرة جامدة مش عارف اعمل ايه الموتور تمام والعفشة جديدة بس خايف من الفتيس بعد كدة و بصراحة العربية عجبانى جدااا و اول مرة اركب حاجة المانى بعد الالنترا والميتسوبيشى !!!!
ارجوا من حضرتك التوضيح بالتفصيل و تحليل للثلاث مشكلات السابقين و بعد كدة تحليل كلام المهندس خالد اسماعيل ؟؟؟؟؟ عالشان الغلطة فى الاسكودا بتمن تقيل !!!!!!!!! ( النهاردة انا ركبت العربية اكتر من مرة و كله تمااااااااااااام مافيش مشاكل بس الخوف من السفر )
عاجز عن الشكررررررررر
جزاك الله كل خيرررررررررررر