اقتباس:
المشاركة الأصلية كتبت بواسطة ahmad fattoh
ازيك يا باشا وكل سنة وانت طيب
العربية عندي بافتح الكابوت ملقيتش غطا الأربة ،، تقريبا وقع مني اخر مرة قست الميه او زودتها ،، انا غالبا باشغل التكييف ومتاكد (ان شاءالله) ان الحرارة مازادتش عن النص خالص اللي هو 90 والميه مانقصتش
المهم بعد كام يوم الرادياتير ضرب،، غيرته وحطيت ميه عادية اجربه يعني
مشيت عليها اسبوعين وبعد كده حطيت ميه حمرا من توتال ،، بدات الميه تقل كل شوية ،، ولاحظت ان الميه بتغلي في القربة ،، روحت مركز صيانة قاللي القصة ان العربية خدت هوا واحنا غيرنا الميه بس لسه فيه شوية هوا في الموتور بس قليلين
ابقى سيبهالنا يوم لحد الصبح واحنا هنعمل حاجة كده ونسحب باقؤ الهوا
انا قلقان ليكون جوان وش السلندر ضرب فقست كبس الموتور لقيته 85% وقلقت من طرومبة الميه فمسكت الخرطوم اللي داخل القربة لقيته جايب ميه بضغط كويس ولما بازود بنزين بيضغط ميه كويس
سؤالي هل فيه حاجة معينة اقلق منها واتطمن ازاي ،، وازاي اقدر اسحب الهوا اللي باقي في الموتور الصبح والعربية باردة
وعذرا على الاطالة
السلام عليكم
و حضرتك طيب
اما بالنسبة اليي قالك سيبهالو يوم عشان يسحب الهواء دة للاسف مش صنايعي اصلا يا اما بيوزعك ياما مشغول و تفريغ الهواء مبياخدش خمس دقايق
بالنسبة لتفريغ الهواء دة اي صبي ميكانيكي يعرف ازاي ياخد هواء .. و بالنسبة لوش السليندر دة سهل معرفتة من خلال ملاحظة اكتر من حاجة .. العربية مع تزويد البنزين و انت واقف بتجيب ماية من الشكمان . او مطحنة في القربة او غطاء الزيت مطحن . مع نقص الماية المستمر
.. نصيحتي اعمل كابس ماية عند بتاع ريداتير كويس يمكن يكون فية تسريب من كوعة او ريداتير او قربة او غطاء القربة .ز ومتنساش تغير الميكانيكي
تحياتي لك م. طارق العدوي