موضوع صيانة شامل عن أعطال سـكـــــــودا أوكتافيا ( A4 - A5 - Fantasia )وكيفية أصلاحها

**aminyassien** · 19-04-2014 08:27 AM

المشاركة الأصلية كتبت بواسطة skoda service

أمين باشا ازيك يا رب تكون بخير

اولا انا مفهمتكش يعني اية العربية بتتنطط

ثانيا بخصوص الزيت أفضل كاستورال او موبيل . لان شيل بعد وقف الشركة بقي قليل في السوق .

امشي شوية بتوتل و شوفة بيبخر ولا لا

تحياتي لك بدوام الصحة و العافية

الحمد لله
ازيك يا باش مهندس طارق
بالنسبه للزيت حمشي بيه شويه و اغيره

العربيه المفروض انها بتقفش فى الارض. اللى بيحصل انها ثباتها بيختفى بعد لما اعدى ال١٢٠ و بتفضل تنط

**ibrahimssh** · 19-04-2014 01:00 PM

السلام عليكم ورحمة الله وبركاته انا عندى عربية a5 موديل 2006 عاملة 130 الف كيلو و لسة مغير زيت الفتيس و كنت عايز اغير زيت الكرونة ( اللى خارج منها الكبالن الداخلية ) و السؤال هل يوجد غرفة زيت منفصل للكرونة و لا هى بتاخد من زيت الفتيس نفسة علما بانة يوجد تحت الكرونة طبة تصفية زيت و عند فتحها نزل زيت لونة احمر شبيه زيت الفتيس و لو فى اى امكانية لتغيرة برجاء شرحة الطريقة المثلى و فتحات التصفية و الملىء ونوع الزيت و شكرا مقدماً

**Eng.Tarek Eladwy** · 19-04-2014 05:10 PM

المشاركة الأصلية كتبت بواسطة aminyassien

الحمد لله
ازيك يا باش مهندس طارق
بالنسبه للزيت حمشي بيه شويه و اغيره

العربيه المفروض انها بتقفش فى الارض. اللى بيحصل انها ثباتها بيختفى بعد لما اعدى ال١٢٠ و بتفضل تنط

لو مركب علايات شيلها يا أستاذ امين خلفي او امامي و استبدلهم بصدادات

**Eng.Tarek Eladwy** · 19-04-2014 05:14 PM

المشاركة الأصلية كتبت بواسطة ibrahimssh

السلام عليكم ورحمة الله وبركاته انا عندى عربية a5 موديل 2006 عاملة 130 الف كيلو و لسة مغير زيت الفتيس و كنت عايز اغير زيت الكرونة ( اللى خارج منها الكبالن الداخلية ) و السؤال هل يوجد غرفة زيت منفصل للكرونة و لا هى بتاخد من زيت الفتيس نفسة علما بانة يوجد تحت الكرونة طبة تصفية زيت و عند فتحها نزل زيت لونة احمر شبيه زيت الفتيس و لو فى اى امكانية لتغيرة برجاء شرحة الطريقة المثلى و فتحات التصفية و الملىء ونوع الزيت و شكرا مقدماً

أستاذ أبراهيم .. اهلا بحضرتك
زيت الكرونة الافضل لية مبيتغيرش لانة مبينزلش مع تغير الزيت.. و بيتم تغيرة عند لا قدر الله مشكلة في الكرونة ومن الافضل متلعبش في الكرونة . و الزيت برضو بيكون زيت الفتيس atf
الاصلي .

تحياتي لك

**Eng.Tarek Eladwy** · 20-04-2014 02:51 PM

المشاركة الأصلية كتبت بواسطة dambels

السلام عليكم و رحمة الله

انا عندى مشكلة فى اوكتافيا A5 موديل 2008 .
زرار الزجاج اليمين مش شغال على الرغم انو شغال من باب السائق .
فكت الزراز و ركبتو فى الباب الى ورا اشتغل .
رحت لميكانيكى عندو جهاز كشف مديلو error in driver door
كشفنا على السلك سليم .
بس مش عارفيين المشكلة فين
ممكن تدلنا على حد ممكن يصلح العطل دة
و شكرا

error in driver door معني عطل في وحدة الابواب و هذا ناتج عن وحدة رفع الزجاج

**Eng.Tarek Eladwy** · 20-04-2014 02:54 PM

المشاركة الأصلية كتبت بواسطة wellwell

اشتريت العربية من المالك الاول وكان الزجاج لو هتفتح بالريموت الاربعة ينزلوا بالكامل ولما تقفل بالريموت كلهم يترفعوا بالكامل ماعدا يمين أمامي يقف بالنصف تقريبا مهما حاولت ولكن ازرار الزجاج الاربعه بباب السائق كانت تعمل طبيعي لحد ما عملت صيانة 120 عند مهندس شاطر عنده مركز وكان شغال في توكيل فولكس واشتكيتله من العيب ده وبالاضافه لباب السائق اللمبة الداخلية بالباب اوقات تعمل والاغلبية لا وعندما لا تعمل لا تظهر على الشاشة ان باب السائق مفتوح فقام الكهربائي عنده بفك الفرش لباب السائق وبالنهاية قال اني محتاج كالون جديد وربط الفرش فقمت بتجربة الازرار للتاكد منها فحصل التالي ينزل اليمين عادي بالكامل ولما يطلع اول مره يطلع 20سم ويزل تاني والمره التانية يحدث نفس الشئ والثالثة يطلع 20سم ويقف سيب الزرار ودوس تاني يطلع 20سم تقريبا ويقف وهكذا لحد ما تقفله بالكاملوكل مره اركب العربية يتكرر الخطوات بالترتيب وعند استخدام الريموت ينزل وميطلعش اصلا فقلتله متفكش الباب اليمين والمهندس قالي محتاج مكنه زجاج يمين فبرجاء المساعده حاسس ان المسالة بسيطة بس عايزة خبره مع العلم ان كابل البطارية اتفك اثناء الصيانه واسف للاطالة

بالنسبة للزجاج فهو عطل في مكنة رفع الزجاج , و بالنسبة لعدم تعليم الباب قي الشاشة فهو بسبب الكالون . و يمكنك شرائهم استيراد من حد واثق فية جدا و اذا حبيت اسالك غليهم من عنية