300 جنيه التكلفه كلها بالتركيب ( تقصد التيل الامامي و الخلفي ) ؟؟؟
عرض للطباعة
التيل الاستيراد
جامد جدا جدا فكيته من عربيه استيراد والميكانيكى بتاعى هو الى راح جابه وكان شاريه ب 200 ج
مشيت بيه 6 شهور حوالى 30 الف كيلو وفكيته وهو لسه فيه
حاولت اجيبه تانى ملقتهوووووش
روحت الحرفين ملقتش غير تيل ب 120 ج امامى وبصراحه يعنى معفن معفن معفن من اول ما ركب وهو بيصفر وعاملى فضيحه على الطريق ولسه مركبه من اسبوع
الى يعرف نجيب البوش الالمانى منين يبلغنا يا جماعه او ايه البديل الالمانى الكويس
يا جماعة محدش يركب تيل مستعمل من الحرفيين . (التيل جزء مستهلك انا مش عارف أزاي تروح تحط فلوسها في حاجة زي دي مستعملة - و أن وقعت في حاجة حلوة دي صدفة بحتة مش هاتلاقيها كتير إلا من عربية خارجة من حادثة مثلا و عاملة كيلومتر قليل في أستهلاكها )
البديل
أنا مركب بوش أيطالي من عند و صفا و ادائه زي الأصلي بالظبط .
و ناس تانية ركبت حاجات تانية ادائها برضه زي الأصلي بالظبط
بس هاتكلم عن اللي أنا ركبتها و جربتها بنفسي
البوش الأيطالي انا حاطط صوره في بداية الموضوع ......... الأداء من ناحية الفرامل ممتاز و زي الأصلي حتى الآن .
معلش أنا آسف لصاحب الموضوع
الحاجات الأستهلاكية ............ أبعد أنك تشتريها مستعملة ....... زي اللمبات و زي التيل و الزيوت و التيول .
أي حاجة تانية ماشي زي الرفارف و الحاجات اللي مش مستهلكة
و في النهاية كل واحد حر يعمل اللي هو عايزه ........ أنا قلت اللي أعرفه فقط .
و تحياتي للجميع .
أنا عايز أقول كدة من أول الموضوع ... بس لاقيت صاحب الموضوع متحمس جدا ما مارضتش أتكلم وخصوصا إني ما جربتش التيل اللى هو مركبه
بس فعلا التيول والسيور والكلام اللى زي كدة كله ماينفعش أشتريه مستعمل
التيل بالذات بييجي عليه وقت وبيحجّر فجأة من عوامل الزمن .. وانت ماتعرفش اللحظة اللى ممكن يحجّر فيها .. ولأن ده تيل مستعمل وجاي من بلاد برة والله أعلم بظروف تخزين العربيات المتقطعة دي على المراكب بيكون عامل إزاي في وسط البحر لمدة كذا شهر
ده ساعات بتيجي عربيات جديدة متخزنة صح ومشحونة صح لكن الاتيال بتاعتها بتكون بايظة من البحر وتتغير وهي لسة عاملة ألف ولا كام ألف كيلو
ولأن ده جزء من عوامل الأمان في العربية فأكيد الواحد مش عايز يمشي بيه وهو شاكك في أمره
البوش الإيطالي الناس اللى هنا كلهم أجمعوا على إن أداءه زي الأصلي بالضبط
وبرضه في النهاية كل واحد حر وعنده دماغه
ألف شكر أخي توت على المبادرة بالكلام
كل الاحترام والتقدير لكم
انا مش ممكن اثق الا فى تيل بوش الالمانى فقط لسفرى الدائم
والله التيل المستعمل دا فكرة الميكانيكى
وانا كنت مش مع التيل المستعمل
لكن جزا الميكانيكى كل خير على عمله معايا وجميل مش ممكن انسهوله ابدا
انا اتميت الان 7600كم بالتيل البوش الالمانى
والتقييم
ولا اروع
ولا صوت
ولا اقوى من كده مكابح مطمأنه مع استجابة وقوف ولا اسرع
اللى معندوش ميكانيكى ميشتريش لوحده تيل مستعمل واللى قلبه ضعيف فيه البوش الايطالى
حلو
وغالى
وممتاز
وبيتاكل بسرعة
مش زى البوش الالماتى بيعيش كتير ولو مستعمل و ب300ج بالمصنعية امامى وخلفى
التيل البوش الألماني الأصلي اللي نازل في العربية
قعد مع ناس 10 ألف كم
و ناس تانية 15 ألف كم
و ناس تانية 20 ألف و 30 ألف كم و ناس تانية 40 ألف
علشان له علاقة بالأستهلاك
أنا أعرف ناس شخصيا بتغير تيل كل 10 الاف كم في الجين بسبب طبيعة سواقتها العنيفة . (و بوش ألماني كمان)
كلام حضرتك له منى كل تقدير
المشكلة اننا مش ممكن نتفق فى التيل الجديد والمستعمل
البوش الاسبانى مناسب لحضرتك جدا لان سواقتك هادية ومبتستعملش الفرامل زينا قوى
اهم حاجة بالنسبه للى بيجروا وبيسافروا كتير هى الفرامل لازم تكون ممتازة وبتعيش والاهم مطمئنة
ومفيش غير البوش الالمانى ولو
مستعمل
نمرة واحد
كل الاحترام والتوفيق لسيادتكم اخ كريم
هو غريب ان ارد على تعليقك بعد فترة طويلة بس اعذرني انا مدخلتش لبروتون هنا من فترة طويلة ..
بالنسبة ليا اي تيل غيرته كان بيطلع منه سفارة في الاول حتى البوش الايطالي و بعد فترة اختفت .. الفترة دي كم كيلو بقى مثلا ,, مش عارف بس مكنتش اكتر من شهر ..
اكس باد في رئيي كان افضل تيل غيرته للعربية الجين 2 .