رجاءا انا محتاج اغير تيل الفرامل لل جين2 يوم الجمعة ان شاء الله
فرجاءا افضل نوع تيل ايه اجمعتوا عليه ملاك جين2
وصورة علبته ان امكن
شاكرا لكم مجهودكم
عرض للطباعة
رجاءا انا محتاج اغير تيل الفرامل لل جين2 يوم الجمعة ان شاء الله
فرجاءا افضل نوع تيل ايه اجمعتوا عليه ملاك جين2
وصورة علبته ان امكن
شاكرا لكم مجهودكم
http://i43.tinypic.com/2v80gwj.jpg
ده النوع الوحيد اللي غيرته في الصيانة عند عصام و صفا و ثمنه 350 جنيه (تيل أمامي )
فيه أنواع تانية مجرتهاش
فيه المصري و فيه الماليزي
الماليزي تقريبا عامل 250 جنيه و المصري عامل 170 جنيه (تقريبا )
شوف بقى الناس اللي غيرت المصري و الماليزي هايقولوا ايه
بالنسبة للي غيرته
مش بيصفر خالص و أدائه كويس زي الأصلي مع العلم أن الأصلي قعد معايا لغاية 30 ألف كم .
حاجة تانية
أنا حاسس أن ده مش هايقعد زي الأصلي ... و تقريبا كمان أنا أستخدامي للفرامل زاد ..
ال 30 الف الأولى للعربية كان أغلبهم سفر .
اين تفاعل الاعضاء
انا جربت الريمسا الاسبانى فوق الممتاز امامى بــ 190 جنيه تقريباً على ما اذكر لانه بقاله اكتر من سنتين
الحمد لله تم تغيير تيل الفرامل امس
نوع التيل بوش المانى الصنع امامى وخلفى
السعر للامامى زى الخلفى وحاجة ممتازة جدا بجد
الفرامل اختلفت 360 درجة وبقى الواحد مطمن واستجابة الفرملة بقت ممتازة بعد ما جربت ورحت بيها
مشوارين واحد منهم كنت بدوس فيه فرامل كتير شوية لآ حاسس بفرق كبير فعلا والحمد لله
حضرتك أشتريت منين ؟؟ و ممكن صور للعلبة لو سمحت .
الميكانيكى بتاعى نزل معايا بعد مفك جنب تيل امامى و خلفى ونقالى من الوكالة طقم امامى وخلفى ماركة
بوش المانى BOSCH Made in Germany
كأن الطقم جديد والله يا استاذ توت
والتكلفة كلها 300ج بالتركيب ومشيت النهاردة 225ك تقريبا والحمد لله مفيش مقارنة بين التيل
اللى كان راكب واللى ركبته مع الميكانيكى
على فكرة هو صاحب فكرة التيل الاستيراد لانه معجبوش اى تيل فرامل جديد من التوفيقية
اول مره الاقى حد بصراحه يركب تيل استيراد عموما شكرا لنقل التجربه ورجاء خلى بالك من اى صفاره تسمعها لان التيل فى ظروف التخزين الغير مناسبه بيحجر وبيبوظ الطنابير
اولا شكرا لمشاركتك الغالية ونصيحتك القيمة
ثانيا الميكانيكى بتاعى وهو صديق وعميل عندى مركب من عندى جهازين تكييف وهو اللى اصر على التيل
الاستيراد وانا كنت خايف وقلقان اكتر من قلق سيادتك لاضيع وقت وفلوس عالفاضى وقلت له تيل استيراد
طب ازاى
قال لى يعنى نركب جديد يزهقك فى عيشتك ويكرهك تضرب فرامل من صوته وسوء نوعية خاماته وقالى
متقلقش حتحمل مسئوليته لو وحشين
دا اللى حصل والتيجة مبهرة فعلا بقولك الفرامل اتغيرت للاحسن 360 درجة
ولا صوت ولا صفارة ونعومة فعلا
البوش الالمانى فعلا محترم ولو استيراد شرط ميكانيكى بيفهم ينقيه
مبروك التيل وان شاء الله يستمر كده
أنا جبت التيل البوش الإيطالي بس لسة ما ركبتوش لأن الأصلي بتاعها لسة كويس وفيه نفس عامل دلوقتي حوالي 29 ألف
التيل اللى خلص من غير ما أكون عامل حسابي عليه الخلفي ... فنزلت جبت الماليزي .. بس لسة ما ركبتوش برضه .. إن شاء الله أركبه بكرة ولا حاجة
وأصلا التيل الأصلي الفابريكا بتاعها بيصفر معايا بطريقة مزعجة قليلا
انا اشنريت انهاوده تيل امامي brembo...
هبقى اعرفكم الاخبار اول مركبه ان شاء الله
كده انا تميت الف كيلو واداء الفرامل البوش الالمانى اكتر من ممتاز الحمد لله
رغم انى تعرضت لوقوف اضطرارى مفاجئ وقلت هتحصل مصيبة لكن العربية كلبشت فى الارض بسلام
لان البيه اللى قدامى وقف بشكل مفاجئ والحمد لله مكنش ورايا حد ستر ربنا
النتائج
صوت مفيش
صفارة مفيش
نعومة فيه
كلبشة وقوف اضطرارى فيه
طمأنينة بمكابح قوية فيه
ايام ما كان معايا الجين تو , استخدمت التيل بتاع التوكيل وكان سيء جدا , بعدها ركبت البوش الايطالي وكان جميل . ونصحني صاحب محل مكة اللي في شارع دمشق بان استخدم تيل اسمه (اكس باد) وكان ثمنه حوالي 180 جنيه و بصراحة كان رائع
حد يعرف الفيشه الي موجوده في النيل ده لازمتها ايه؟؟
ولازم الويل الي اجيبه يكون فيه الفيشه ده؟؟
3400كم والحمد الفرامل بنزداد حلاوة
الواحد كل ما يفتكر التيل القديم يحمد ربنا اللى كرمنى بالتيل البوش الالمانى دا
السلام عليكم
انا ركبت امامي تيل فرامل بتاع فيات بترا الماني وماشي لحد دلوقتي 40 الف وممتاز بيمسك كويس ومافيش صفاره نهائي اما الخلفي ركبت ماليزي بي كي اف ( تقريبا ) موش فاكر اسمه اوي كويس لكن احيانا بيعمل صفاره وانا راجع للخلف فقط
انا شاري تيل جديد امامي اسمه يوروجولد بس لسه ماركبتوش
تقييم للتيل البوش الأيطالي (اللي غيرته على 30 ألف )
زيه زي الأصلي بعد المشي عليه 10 الاف كيلومتر .
التيل مش بيصفر ........ و ادائه ممتاز .
أهم حاجة أنك مبسوط من فراملك و ده شئ كويس .
بالنسبة لوجهة النظر الخاصة بحاجة المصنع (دي بتختلف من شخص لآخر )
أنا بالنسبة لي أهم حاجة ان القطعة المتغيرة ...... تناسب المكان اللي هاتركب فيه من حيث المواصفات و الاداء .
تيل الفرامل لازم يكون كالتالي :
بيمسك في الفرامل .
مش بيصفر .
عمر معقول .
مش بيأكل الديسكات بالفرملة العادية .
و ده لحتى الآن ...... مع التيل البوش الأيطالي متحقق .
يبقى أيه لزمتها (بالنسبة لي ) أني أروح أدفع 800 جنيه و فيه ناس بتقول أنه ب 1200 جنيه في تيل !!
مادام فيه تيل تاني بيعمل نفس الغرض و نفس الوظيفة .
تحياتي الحارة لحضرتك و للجميع .
سؤال بس من غير ما حد يضحك عشان انا لسه جديد
هو انا اعرف منين انى مفروض اغير تيل؟ ^^
بتعرف بسهولة
تحس ان الفرامل بتصفر (لو التيل أصلا مكنش بيصفر )
الفرملة بقت ضعيفة عن الأول .
و ممكن تبص عليه ...... بتلاقيه متاكل شوية .أو متاكل نصه أو متاكل خالص .
و لو مش بتفهم في الموضوع قوي
ممكن تشوف أي ميكانيكي يبصلك عليه و يقولك هو محتاج تغيير و لا لاءة .
عزيزي
موش معني كلامي اني بقول ان التيل المايلي احسن من البوش ولا اسوأ من البوش
انا اللي اقصده اني وعن تجربه اؤكد ان التيل مايلي ممتاز وانه لايفرق عن التيل البوش اللي كان نازل مع العربيه لما كنت شاريها زيرو ( وده رأيي الشخصي ) عموما هدف المشاركه اتاحه اكثر من نوع امام الزملاء ولهم حريه الاختيار
والحمد لله انه اصبح في بدائل واختيارات كثيره واتزكر انه عام 2006 لما كانت لسه العربيه نازله مصر جديد ماكنش حد عارف بديل غير الريمسا وعيوبه ولكن يرجع الفضل للزميل م\ عبد الرحمن انه بدأ بحث في موضوع تيل الفرامل وظهر انواع كتيره بديله
واكرر ان الهدف المصلحه العامه وليس الهجوم علي التيل بوش
اولا شكرا على نقل تجربتك المفيده لكثير منا من مالكى جين2 وبيرسونا
واحنا الان بقى عندنا ماركة تيل محترمة طبقا لتجربتك اسمها مايلى
لكن
المقصود ان التيل البوش الالمانى قصة تانية خالص فى ادائه المطمئن
للى بيجرى
للى لازم يقف فجأه
لأقل زحف
للأهدء
للأنعم اداءآ
والاهم الاطول عمرا
انا اهم حاجة عندى الفرامل سيادتك لانى بمشى وبسافر كتير شوية بسرعات
نريد نقاش اكثر من باقى الاعضاء الكرام لنستفيد
من خبراتهم واستفساراتهم وماركات تيل الفرامل اللى جربوها
السلام عليكم
ممكن اعرف الاماكن اللي اقدر اجيب منها التيل البوش الايطالي؟؟؟
كل واحد يقول تجربته مع تيل الفرامل اللى مستخدمه
وعيوب ومميزات التيل اللى معاه وماركته