-
نصيحة لمن يريد شراء اوبترا 2014
-
للاسف هو بيقول ان السياره بتتجمع في مصانع gm في الصين ....و ليس ان السياره صينيه اصلا
-
الشيء المطلوب توضيح
هل العربيه شيفروليه تجميع الصين
ولا مجهوله النوعيه
ووضع علامه شيفيروليه
زي الايسوز النقل
او الفان ال7
-
اقتباس:
المشاركة الأصلية كتبت بواسطة د.عماد صلاح
للاسف هو بيقول ان السياره بتتجمع في مصانع gm في الصين ....و ليس ان السياره صينيه اصلا
الماركة دة فعلا بيتصنع في الصين بواسطة جنرال موتورز
http://media.gm.com/media/cn/en/baojun/news.html
GM China Video Portal - 《GM China: Partner of Champion Driver—Baojun 630》
اقتباس:
المشاركة الأصلية كتبت بواسطة hugan
الشيء المطلوب توضيح
هل العربيه شيفروليه تجميع الصين
ولا مجهوله النوعيه
ووضع علامه شيفيروليه
زي الايسوز النقل
او الفان ال7
ياباشا العربية صيني اصلا من 2011 وتم وضع علامة شيفرولية عليها راجع اول الموضوع
-
ماهو كده الاعتماديه و الثبات و العمر الافتراضي لقطع الغيار و التقفيل الداخلي من حيث جوده الخامات و العنايه بالتفاصيل هيبقي تعبان ...علي العموم نستني و نشوف وانا او منه انزل جنبها الشكل القديم سنه او اتنين جس نبض
-
صفحة شيفروليه علي الفيسبوك كانوا بيقولوا العربية متصنعة في مصنع جنرال موتورز في الصين طبقا لشيفروليه امريكا.العربية انا ركبتها في المعرض مشوفتش اوحش من كدة من حيث الخامات
-
شكرا ياباشا على النصيحه وتوضيح الصوره واسمح لى أوضح اكتر
العربيه اول مانزلت مانزلتش باسم شيفروليه اوبترا نزلت باسم Baojun 630 بقالها 3 سنين تقريبا وهى شركه صينيه حديثه مملوكه لجنرال موتورز
للتوضيح أكتر جنرال موتورز لها العديد من العلامات التجاريه غير العلامات المعروفه زى أوبل وشيفروليه
وتحديدا في الصين ليها أكتر من علامه نظرا لأهمية وحجم سوق السيارات الصينى فى الوقت الحالي
دى صفحة جنرال موتورز الصين بكل علاماتها وموديلاتها
通用汽车中国
أهمهم طبعا شيفروليه لمعظم عربيات شيفروليه الحديثه كروز وسونيك وكامارو وماليبو وغيرهم
وكاديلاك وأوبل
وبويك اللى بتبيع حاجات من شيفروليه وأوبل بس بعلامة بويك وبرضه بتبيع الأوبترا الحاليه بتاعتنا اللى لحد 2013 حتى وقتنا هذا واسمها Excelle
بجانب كل دا GM قررت انها تفتح بعض الشركات الجديده للموديلات اللى سعرها رخيص عشان تنافس وتزود حجم مبيعاتها في الفئه دى
منها Baojun اللى عملت ال 630 ( الأوبترا الجديده 2014 ) واللى تعتبر النسخه الأرخص من الأوبترا الصينى Excelle
بإختصار العربيه مبنيه على شاسيه الأوبترا اللى قبلها مع بعض التعديلات طولوا الشاسيه بس غيروا نظام التعليق الخلفى ل Torsion-Beam , وحطولها موتور وفتيس من GM وبتتعمل من الألف للياء في الصين
ومن شهرين GM قررت تسوقها تحت إسم شيفروليه أوبترا لبعض الأسواق منها احنا
شوفوا انتوا بقى عايزين تعتبروها صيني 100 % صيني نص نص كل واحد وتقديره :) العربيه اساسياتها GM بس كلو صيني
في النهايه انا مجرد باوضح الصوره مش بادافع عن العربيه وانا اخر واحد ممكن يشتريها بالسعر دا :)
-
كوبى بست كوبى بست مفيش ابتكار لا و كمان اسعار خيالية يا اخى ا----------------ا
-
والله يا استاذ حسام نستني و نشوف كفائتها واعتماديتها و نحكم .....
-
الصين دي هتعيشنا وتصرف علينا عد كده !!
-
توضيح ممتاز ومشاركة جميلة من الاعضاء ،، بس كده يبقي سعرها غالي 128 الف جنيه ،، طب ما الجيلي موجودة وفيها إمكانيات زي الشيفورليه الجدية بالظبط وارخص من رقم 128 الف جنيه ده
صيني صيني باه ونخلص
-
بس ياريت العضو إلي زارها في المعرض وركبها ،، يدينا اي معلومات عنها كده ،، اصل الصور مطلعها جامدة جدا
-
طبعا فرق ان الموتور تكنولوجي gm و فتيس استبترونك ...انا للاسف ماشفتهاش علي الطبيعه بس كل اللي شافها قال ان الشكل الخارجي جميل لكن مستوي الخامات تعبان بالنسبه لاهم حاجه الثبات والاعتماديه نستني و نشوف ...بالنسبه للسعر فعلا هو غالي
-
حسبنا الله ونعم الوكيل .. للأسف الشديد ، الجميع - أجانب ومصريين - يتعاملون مع الشعب المصري على أنه شعب درجة عاشرة .. على أحسن الأحوال !!
-
انا مش عارف الناس دي بتحط الاسعار دي على اي اساس ... طب مانا ب128 الف ازود 5000 واروح اخد البيجو 301 مثلا ... او برضه ازود 5000 واروح اخد الهيونداي اكسنت ار بي .. وممكن باقل من المبلغ ده في حاجات كتير ممتازه زي النيسان صني .. والانسر البومه .. ده احنا كل ده لسه ماتكلمناش عن العربيات الصيني .. انفي وايمجراند وبي واي دي وبريليانس ...الخ ... هو منصور كده ... فاشل ف تسعيرته للعربيات .. زي مانزل السونيك قبل كده ب 117 الف برضه وقت ماكانت كل العربيات اللي ذكرتها دي ياارخص منها يابنفس السعر يااغلى حاجه بسيطه ... والنتيجه كانت فشل السونيك .. وبعديها وقفها.... ههههههه
-
صيني بصيني يبقى الايمجراند 7 تكسب والبرليانس احسن وعليه العوض في شيفروليه والاوبترا القديمه سعرها هيطلع
-
-
-
طب الصين وتعمل كوبى ماشى تعدى
لاكن يتعمل من الصينى كوبى دى اللى لا ممكن تعدى ابدا
-
شكرا ع الموضوع يا عمرو
موضوع مهم فعلا هو منصور بيضحك علينا ولا هو نفسه مايعرفش ولا إيه؟؟
-
متستهونوش بصناعة الصين
90% من المركات العالمية الان تصنع فى الصين ولسة بقية ال 10% فى الطريق
الصين عاجلا ام اجلا ستسيطر على جميع الصناعات فى العالم كله خلال السنوات القليلة القادمة وكل العالم يعلم هذا
ومحدش هيقدر يوقفها عن تقدمها هذا ولا حتى امريكا وهى تعلم هذا جيدا
فالصينيون يصنعون بجميع انواع الجودة فهناك المنتجات ذات الجودة المنخفضة جدا ومنتجات ذات الجودة العالية جدا ومنتجات ذات الجودة المتوسطة حسب متطلبات السوق
فعلشان كدة متستهونوش بالصناعة الصينية الصناعة الصينيىة ستسيطر على العالم كله
تحياتى
-
انا مش عارف الناس ذعلانة لية !
العربية اساسيات gm و بتتجمع فى الصين.
حتي لو هى نفسها نفس الشكل باسم تاني صيني المهم الاساسيات ... وشركة gm بما انها مالكة لكل الماركات دى ليها الحق تسوقها تحت اى شعار في اي بلد
هى من الاخر تجميع صيني ... واعتقد ان كل العربيات اللى جاية بعد كدة حتتجمع فى الصين
كلة يلحق بقي يرفع سعر الاوبترا الكورى :)
-
اقتباس:
المشاركة الأصلية كتبت بواسطة ashouhdy
انا مش عارف الناس ذعلانة لية !
العربية اساسيات gm و بتتجمع فى الصين.
حتي لو هى نفسها نفس الشكل باسم تاني صيني المهم الاساسيات ... وشركة gm بما انها مالكة لكل الماركات دى ليها الحق تسوقها تحت اى شعار في اي بلد
هى من الاخر تجميع صيني ... واعتقد ان كل العربيات اللى جاية بعد كدة حتتجمع فى الصين
كلة يلحق بقي يرفع سعر الاوبترا الكورى :)
مبقاش فيه اوبترا كوري
-
اية دة اذاى ... امال الاوبترا الشكل القديم الزيرو دى اية !
-
-
-
اقتباس:
المشاركة الأصلية كتبت بواسطة abou-yahia
بواقي
معلش أنا مش فاهم! يعني إيه بواقي؟!
-
2014 ...نزل منها 300 عربيه بس و المعارض لعبت في السعر ولان غالبا الشكل ده مش نازل تاني فالسعر وصل ل 129 الف مع ان الرسمي ب 117 الف بس منصور مابقاش عنده خلاص
-
متابع جدا و باهتمام ............... يا خسارة بجد كنت بفكر فيها و الله الواحد تعب بجد خلاص و بقا محتار يشترى ايه
يعنى اروح للنيو تيجو و امرى لله مع انها مانول و انا عاوز اوتوماتيك انا كنت فاكر انها لسه 117 الف بس و غلت كمان لاء بقا حرام و الله الناس دى عاوزة مننا ايه
-
شفتها النهاردة بصراحة تقفيلها وحش قوى
-
العربية من اولها لاخرها صينى الفرق فى مصر بس هو وضع علامة شيفورلية
المصيبة بقى ان لما تروح التوكيل او احد المعارض يفضل يفتى بكلام غريب
انا مثلا كنت فى الطارق من قريب بالاسكندريه وروحت شوفت العربية فبتكلم مع الراجل هناك يقولى العربية كورى بالكامل ومتقفلة فقط فى الصين بس حظة الهباب انه بيكلم واحد عارف الخلاصة وعارف انها صينى وحظه الهباب ان كان معايا على التاب ور العربية بالعلامة الصينية الاصلية بتاعتها وبوريهاله الراجل جاله حالة ذهول واستاذن كان وراه عميل تانى ومشى
-
اقتباس:
المشاركة الأصلية كتبت بواسطة yahiaashraf
العربية من اولها لاخرها صينى الفرق فى مصر بس هو وضع علامة شيفورلية
المصيبة بقى ان لما تروح التوكيل او احد المعارض يفضل يفتى بكلام غريب
انا مثلا كنت فى الطارق من قريب بالاسكندريه وروحت شوفت العربية فبتكلم مع الراجل هناك يقولى العربية كورى بالكامل ومتقفلة فقط فى الصين بس حظة الهباب انه بيكلم واحد عارف الخلاصة وعارف انها صينى وحظه الهباب ان كان معايا على التاب ور العربية بالعلامة الصينية الاصلية بتاعتها وبوريهاله الراجل جاله حالة ذهول واستاذن كان وراه عميل تانى ومشى
فاتتك صفحة شيفروليه إيجيبت علي الفيسبوك
-
كل عام وانتم بخير
اتمني مراجعه الموضوع بعد كثره الاعلانات
وملاحظه انتشارها
ولما سالت احد الملاك اتضح مايعلمش اه حاجه عنها
انا لااهاجم ولاكني انوه
وعلي المشتري الاختيار
-
انا اتفرجت عليها في المعرض بصراحه ياجماعه عربيه زباله بمعني الكلمه
-
العربيه صينى 100% ..............وفيه ناس كتيره متعرفش الكلام ده ................والآعلانات شغاله الله ينور ...........
حسبى الله ونعم الوكيل
-
الغريب من شعبنا المبجل انه كان مقتنع جدا باللانوس وهى عليها علامه شيفورليه... ولما لا فالعربيه موديل 2000 تباع ب 50 الف جنيه وعجبى
-
-
يعني اللاسيتي لما جت مصر وإتقال عليها أوبترا محدش زعل !!!!!
واللاسيتي برضه لما جت مصر وإتقال عليها كروز ..برضه محدش زعل !!!!
إشمعنى يعني ؟؟؟..ولا عشان اللاسيتي من دايو كوريا والتانيه من الصين ...
خلاصة الخلاصه بقى
الراجل بيروح الصين ..ينقي أي عربية تعجبه ..ويقوم شاريها لحسابه ...وبيدي شركة شيفروليه نسبه من أرباحه ..ويقوم لاطع عليها لوجو شيفروليه على أساس إن هو واخد توكيل شيفروليه ..
عادي جدا ...
طيب ما الإسبرانزا أصلا بتنزل في الصين بإسم شيري ..وشركة شيري الصينيه دي أصلا مفضوحه فضيحة السنين لإنها معرفتش تدخل عربيتها أي دولة من دول الإتحاد الأوربي
قام جاي أبو الفتوح واخد العربيات الشيري دي ومنزلها مصر وقام مسميها قال إيه ..إسبرانزا ..
هو بيزنس مفتوح ..كسبني وأكسبك ..اللانوس إتوقف إنتاجها من سنة كام في شركة دايو..وبتنزل مصر وعليها لوجو شركة شيفروليه ..عادي ..شركة شيفروليه ممكن تديك اللوجو بتاعها تحطه على عربيه 128 لو عاوز ..بس أهم حاجه تدفع ..إيه المشكلة يعني ؟؟!!! ..وفي ناس كتير ما تعرفش إن شركة دايو لسه شغاله وبتنزل عربيات ..بس ما بتجيش بإسم دايو ..بتجيلنا بقى إما أوبترا أو كروز ..أو ياعالم باسماء إيه تاني
أنا بصراحه مش شايف أيتها مشكلة ..
-
العيب لما تكون العربية لم تلاقي نجاحا بالخارج
تجيبها وتحط عليها اسم شركه تانية وتبيع علي ذلك
ايه المشكله لو قال انها صيني بس تحت اشرافي
ساعتها كان حيكون توبها في السوق. 80 الف بحد اقصي
-
العيب لما تكون العربية لم تلاقي نجاحا بالخارج
تجيبها وتحط عليها اسم شركه تانية وتبيع علي ذلك
ايه المشكله لو قال انها صيني بس تحت اشرافي
ساعتها كان حيكون توبها في السوق. 80 الف بحد اقصي