النهاردة كان يوم هدم العفشة بالكامل و البناء من الالف الى الياء لانها كانت جابت اخرها وكنت بسمع صوت طقطقة وتخبيط وعومان وحاجات كتير
توكلت على الله ونزلت على عم عبدة العفشجى واتصدمت لما كتبلى لستة طويلة بقطع الغيار
ونزلت على التوفيقية المركز الروسى ناس محترمة و اسعارهم كويسة
و الاسعار كالتالى
العفشة الامامية
1- طقم بيض تركى 150ج
2- طقم بارات قصيرة 70ج
3- طقم بارات طويلة 80ج
4- مناول دركسيون على بلى 80ج
5- طقم جلب مقص 60ج ( ودى كانت اسوا حاجة اشتريتها من عندهم لانه الجلب طلعت ضيقة وقرفت العفشجى وكان عاوز يغيرها)
6-مقص سفلى 90ج
7- مساعدين امامى روسى 170ج
8- طقم كاوتش ميزان 10ج
العفشة الخلفية
1- مساعدين خلفى يابانى 200ج ( من عند الهوارى لانة احسن من الروسى وفية نوع امريكى ب 250ج )
2- شدادات خلفية طويلة 140ج

وكمان غيرت علبة الدركسيون لانها كانت مبوشة جامد وبتعوم العربية جبتها من عزبة شلبى ب 250ج
بس العزبة بقت مقرفة جدا مليانة حوارات و يقولك انها استيراد وتتطلع متوضبة ومفيش بضاعة استيراد كتير زى الاول يعنى تخلى بالك من الاشتغالات و تاخد معاك حد بيعرف يتعامل

وطبعا اليوم طار فى شراء الحاجات دى و الراجل هيشتغل ويخلص بكرة
و الحمد لله طلعت مفلس من بعد عمرة العفشة دى و ربنا يسهل و العربية تخلص وتطلع النتيجة مرضية