الموضوع: خريج علوم قسم الرياضيات وعلوم الحاسب وأحتاج مساعدة في البحث عن عمل .. شارك من فضلك

ربنا معاك
لو بايدي كنت ساعدتك بس بتمنالك التوفيق

المشاركة الأصلية كتبت بواسطة Amr_tika88

ربنا معاك
لو بايدي كنت ساعدتك بس بتمنالك التوفيق

شكراً جزيلاً على اهتمام حضرتك وده يكفي والله .. أنا عارف في ناس محترمة كتير زي حضرتك لو بإيديهم يعملو حاجة مش هيتأخروا :)

انا عايز اوضح حاجة صغيرة بالنسبة لنقطة الكورس دي ... انا خريج جامعة بني سويف بس انا من القاهرة - من فيصل .. عشان ما حدش يعتقد اني من بني سويف وان التواصل بيننا هيكون صعب ولا حاجة

وبالنسبة لإني عايز الكورس Private .. ده برضه ليه أسباب ... لأن منحة وزارة الاتصالات بالكامل خدتها في Yat وطبعاً مراكز يات معروفة لأغلب رواد المنتدى ... فرع الدقي ... لكن بكل أسف كان الـ Instructors اللي بيدونا المنحة سيئين جداً جداً جداً جداً .... وكل ما ييجي حد يكون عندنا أمل انه يبقا كويس ... لكن يخيب ظننا ونطلب تغييره ... وفي النهاية مدير السنتر جابهالنا على بلاطة انها مسألة امكانيات .. ان عشان حد يكون كويس بالقدر اللي احنا عايزينه هياخد مبلغ وقدره لان المنحة كانت بتشتغل 6 أيام في الاسبوع 7 ساعات في اليوم ... فواحد قوي في المجال ده عشان يشتغل عدد الساعات ده هياخد مبلغ فلكي كل شهر .. وعشان كده هما بيجيبو ناس تعبانين لأنهم هيرضو بأي مرتب

وانا نفسي بعد ما اتخرجت اشتغلت Instructor Office, and ICDL في كذا مكان ومنهم New Horizons وللأسف لقيت ان مسألة اختيار الـ Instructor بتتم بشكل محبط ومخيب للآمال بالنسبة للناس اللي بتاخد الكورس ... يعني الاختبارات اللي بتتعمل مش كافية إطلاقاً عشان توضح اذا كان الشخص ده ملم بالمنهج اللي هيدرسه بالقدر الكافي انه يتلقى أي سؤال من أي طالب ويقدر يجاوب عليه

وللأسباب دي وغيرها أنا عايز الكورس من حد يكون بيشتغل في مجال الـ IT بالبرامج اللي بتكلم عنها ويكون ملم بيها بالقدر الكافي انه يديلي الكورسات دي في وقت فراغه .. لكن مش عايز اخاطر بفلوسي واروح اجرب اي Learning Center وما اطلعش من الكورس بحاجة ويبقا رميت فلوسي في الأرض وضيعت وقتي

وشكراً جزيلاً لكل من اهتم ...

المشاركة الأصلية كتبت بواسطة meeezooo

السلام عليكم ورحمة الله وبركاته

اخواني انا خريج كلية العلوم - جامعة بني سويف - قسم الرياضيات وعلوم الحاسب - دفعة 2009

دخلت منحة وزارة الاتصالات وتكنولوجيا المعلومات مع نهاية 2010 وخلصت مع نهاية 2011

معايا 6 certificates من ميكروسوفت في مجال المنحة اللي هو:
Microsoft sql server 2008 database administration and development

وواخد 2 titles في الشهادات دي والحمد لله:
Mcitp : Microsoft certified it professional
mcts : Microsoft certified technology specialist

من ساعة ما اتخرجت وانا بدور على شغل ولسه ما اشتغلتش لحد النهارده :(

يا إما يكونو عايزين حد معاه خبرة 2 - 3 سنوات على الأقل ... وعشان اخدها لازم الاقي مكان يقبلني وأنا fresh .. Zero experience والمكان ده يكون عايز إجادة تامة لمجموعة من البرامج عادة زي: Ms sql , oracle, java, c sharp ده بالاضافة لإجادة العمل في بعض المجالات عموماً المتعلقة بالوظيفة

والدراسة اللي خدتها في الكلية او في الكورس بصراحة مش كفاية خالص للإجادة دي

فدلوقتي اللي انا محتاجه حاجة من الاثنين:

يا إما مكان يقبلني بخبرتي الحالية .. اللي هي تقريباً صفر .. تحت التمرين لمدة معينة ولو بدون مرتب ... ودي أفضل طريقة لإجادة المجال اللي هشتغل فيه طبعاً الممارسة العملية

يا إما حد يكون شغال في المجال ده فعلاً وعنده خبرة كويسة اوي في الحاجات اللي كتبتها في الموضوع وعنده استعداد يديني كورسات private ونتحاسب زي ما هو عايز .. بالحصة بالساعة بالكورس ............. أي حاجة .. المهم انا عايز اشتغل

انا متخرج من 2009 واحنا دلوقتي في 2014 .. لو كنت شغال من ساعتها كان زماني دلوقتي حاجة تانية والعمر بيجري وانا بقيت 28 سنة دلوقتي ولسه ما اشتغلتش :(

أتمنى أي حد يقدر يساعدني بأي شكل يساهم برده في الموضوع وشكراً جزيلاً لكل من اهتم

[overline]
لو حضرتك من سكان القاهره ممكن اساعدك [/overline]