بسم الله الرحم الرحيم



العنوان واضح لحضراتكم , خايف الاكصدام يتحك منك مش من غيرك , لأنك مش هتقدر تتحكم في سلوك الناس و تهورهم .
علي الاقل تبقي كفيل بنفسك و متحكش عربيتك و تقعد تزعل عليها و ربنا ميزعل حد علي عربيته ابدا .

اليكم بعض الصور اللي ممكن غصب عنك وانت بتركن او مش شايف الرصيف او بتطلع من الركنة لو ضيقة او لأي سبب كان ممكن يحصلك كدة , و مين منا محكش عربيته بالشكل ده :






طبعا حاجة توجع القلب , لما واحد عربيته تبقي جديدة لنج و تلاقي كحتات فيها ولو تلاحظو انا حاطت صور كلها من الاكصدام الامامي مش الخلفي !!!!

طب ليه مش حاطت صور من الخلفي ؟

عشان في عربيات كتيرة بتنزل بباركينج سنسور خلفي و كمان ممكن تركبه عند اي حد عادي يعني .
اللي مش منتشر هو الباركينج سنسور الامامي و الجانبي و هي دي الميزة الجميلة والمريحة و تحس كدة وانت بتركن انك واثق من نفسك و انسي بقي انك لما تركن بوشك مثلا تنزل تقعد كل شوية تبص قربت من الرصيف و لا لأ وترجع تاني تطلع قدام و تنزل تشوف الرصيف فين وهكذا , انت هتبقي زي الباشا و هو هيقولك كل اللي انت عاوزه .

السر يكمن في هذا الزر العظيم :


زرار تفعيل الباركينج سنسور , لما بتدوس عليه بيفعل عدد 10 سنسورز بالتمام و الكمال توزيعهم 4 خلفي و جانبي , 6 امامي و جانبي يعني الامامي اكتر من الخلفي , كالتالي :

2 خلفي و 2 خلفي جانبي :


2 جانبي امامي شمال و زيهم اليمين :



2 امامي :


علي الشاشة الامامية يتظهرلك العربية من جميع الجهات ايه اللي محاوطها بمسافة قد ايه عن طريق 3 شرط في جميع الاتجاهات بتبينلك بعدك عن الحواجز الخارجية مع صوت تنبيهي متقطع بيزيد تردده و الميزة بقي ان صوت الباركينج سنسور الامامي مختلف عن الخلفي فتقدر تحدد انت قربت من قدام قد ايه و من ورا قد ايه.


جمال الخاصية دي انك بتقلل شوية من احتمالية الكحتات و ده ميمنعش ان ممكن حد يحكلك عربيتك بس علي الاقل بتشيل 100% من احتمالية الحك الناتجة عن سوء تقديرك او عدم تركيزك و الباقي بقي علي ربنا.

طبعا لو مش عاوزه ممكن تدوس علي الزرار و تقفله , بس مين يكون عنده الاوبشن ده و يلغيه ؟
و لا ايه يا ملاك كورولا 2014 ؟