الموضوع: خايف الاكصدام يتحك منك ؟

المشاركة الأصلية كتبت بواسطة mustafa_zain

أنا سعيد قوي إنك حطييت الصورة دي ههههههههههههههههه
بما انك فتحت الموضوع ده خد عندك السؤال ده عالسريع...

حيث أن العربية لازم حتتحك حتتحك (باذن الله طبعا) فلازم نشوف حل للموضوع ده.

هل ممكن نشتري علبه بويية صغيرة بلون العربية ونغطي الحكات دي بالفرشة ولا لأ خصوصا في الحكات اللي في جسم العربية عشان الصدا؟

تنبيه وتحذير
أحيانا بركن جنب رصيف عالي وأفتح الباب وأنا مش واخد بالي وطبعا حافة الباب من تحت بيحك جامد في الرصيف وخصوصا كمان لو الباب فتح عادي وركبت العربية بتلاقي احيانا الباب بيرشق في الرصيف. أنا خايف قوي يجي لي بارومة في حواف الباب لأن الموضوع ده حصل معايا في معشوقتي اللادا...
ودمتم للنضال...

بصراحة يا باشا الصورة بتاتك منورة المنتدي هههه.

سيبك من اللي يقولك بارومة و الكلام ده , العربيات الجديدة معالجة ضد البارومة والكورولا 2014 ضد الصدأ و البارومة متخفش من الموضوع ده .

اما بالنسبة للبويا فهي اقتراح جميل , انا فعلا طبقته في عربيتي القديمة رحت لواحد بتاع حدايد و بويات و ضربلي اللون و انا واقف في 5 دقايق علي العربية علبة ضغيرة ب 10 جنيه و معاها فرشة بلقط بيها و كانت عملية جدا جدا و دارت خدوش في الاكصدام بسيطة .
بس كل لما اعمل يجي واحد ابن حلال يحكها , مع ان الواحد والله بياخد باله و بيتقي ربنا في عربيات الناس لكن نعمل ايه بقا .

و عشان تطمن , عربيتي القديمة يوم الثورة اترمي عليها طوبة في الباب بتاعي و كحتت البويا تماما و ظهر بوضي العربية الحديد و فضل كدة 3 سنين مع العلم العربية بتتغسل يوميا بالمياه عشان مش بحب الفوطة الزفرة ولا الهوا و مفيش صدأ ولا بارومة .