غيرانين منك يا فيفي

**verna2008auto** · 02-04-2014 08:58 AM

الي الفيرناويه وغير الفيرناويه
ومن هذا المنبر اعلن التالي وعلي مسؤليتي الشخصيه دون ادني مسؤليه علي اي شخص

انا عاوز اعرف ..
ايه سر الهجوم الرهيب علي الفيرنا والفيرنا الاوتو عموما
رغم ان من 2008 الي الان الحمد لله الفيرنا الاوتو معايا زيرو وتمام وصحتها بخير

من زمان قبل ما اجيبها ..
اوعي الفيرنا - بلاش الفيرنا-اشمعنا الفيرنا بالزات اللي عاوزها-هات لوجان-هات مش عارف ايه احسن

وبعد ما جبتها .. والحمد لله ( رغما عن انف كل الناس الغيرانين من شياكت الفيرنا وحلاوه الفيرنا وطعامت سواق الفيرنا )
الفيرنا لسواقها .. تحترمها وتصينها وماتهينهاش تمشي معاك تمام التمام وتبقي سبع البرونبه
معاك برادس قليله روقها وهندمها ومازيكها وفايمها .. تاخد احلي شغل

*** قطع غيار علي قد اليد ( خلي بالك من المضروب اشتري الاصلي )
*** سهوله في الصيانه ( روح لناس فاهمه ومراكز محترمه وماتخليش ميكانيكي رصيف يدب فيها مفك )

*** الناس كلها بتحبها وبيحسدوها علي شياكتها
واخيرا .. غيرانين منها عشان بياعه ومابتخسرش
فيرنا فيرنا تاحيا فيرنا
فيرنا فيرنا حتي ( نستغيث )
اقول قولي هذا بدون ادني مسؤليه بيعيه او تصليحيه علي الفيرناويه والتوكيل وهيونداي الشركه الام والاب كمان
ويجعله عامر

**AHMEDCAR** · 02-04-2014 09:07 AM

معندكش حده معاه حته 2008 اوتوماتيك بتكلم جد و الله

**EngAhmedSayed** · 02-04-2014 09:15 AM

ماشى يا
فيرناوي
كلام زى الفل

**verna2008auto** · 02-04-2014 11:02 AM

المشاركة الأصلية كتبت بواسطة engahmedsayed

ماشى يا
فيرناوي
كلام زى الفل

شكرا مومبيك .. اخجلتم تواضعنا

الفيرناويه كلهم بيحيوك ..3 مرات يوميا وقبل كل اشارت مرور

ويجعله عامر

**a7medsh3rawi** · 02-04-2014 11:38 AM

انا جربت الفيرنا بس ما فيش اللى حضرتك بتقوله دا
غير ان قطع غيارها متوافره وصيانتها سهله وموتور قوى
فى المقابل صاج ضعيف ومفيش ثبات فى الملفات او الغرز وبتزحف لما تضرب فرامل جامد

انما الاكسنت ثابته عنها وانعم فى السواقه منها مع ان موتورها اضعف من الفيرنا
واللانوس تعتبر منافسه ليها فى قطع الغيار والصيانه
بس بعد ما اتحولت من دايو لشيفروليه بفت تعبانه للاسف

ربنا يبارك لحضرتك ويحفظهالك ويبعد عنك كل شر
دا رأى الشخصى وممكن يكون صواب او خطأ

**lanos2004** · 02-04-2014 11:52 AM

خضتنى فكرتك بتكلم عن فيفى الى بالى بالك
طب غيرانين منك يا لوسى
فيفى ولوسى -فضحتونا حرام عليكوا

**Samir Elshahawy** · 02-04-2014 12:11 PM

باشمهندس / عاصم

انا رديت عليك في الموضوع الاصلي اللي خلاك تعمل الموضوع ده

عاوز بس أضيف حاجة صغيرة أحنا لازم نغير ثقافتنا و أسلوبنا في التعامل مع التجار و السوق
أحنا اللي نتحكم فيهم مش هما اللي يتحكموا فينا

مش معني أن الفيرنا حلوة و عليها أقبال أن التوكيل يزود سعرها كل شوية و يضحك علينا بشوية تغييرات بتلات تعريفة , ياراجل فيرنا أيه اللي ب 90 ألف جنيه و لا حتي ب 80 ألف

لحد أمتي التوكيلات هاتضحك علينا ؟
و الله أنا رأيي أن لو وصلت أننا نقاطع كل العربيات كام شهر و أهي فرصة في ظل موجة الغلاء و الاستغلال و الركود الاقتصادي الوكلاء مش هايستحملوا و هايخفضوا أسعارهم أو هايضغطوا علي الحكومة (الفاشلة) لأتخاذ أجراءات تساعد علي حركة بيع السيارات و تحسين مواصفاتها

شوف الفيرنا بره و شوفها هنا
الفيرنا بره (أسمها أكسنت بالمناسبة) فيها :
- طارة مالتي
- 2 أيرباجز
- فرامل مانعة للانغلاق

ده أقل حاجة هناك و نفس الكلام شوفته في اللانوس بالمناسبة
لكن هنا شايلين كل الكلام ده و نازلة بسعر أغلي