الموضوع: تقرير شراء واستخدام لانسر 90 ل 1200كيلو

السلام عليكم

الحمد لله ربنا وفقني لعربية لانسر عيون صفية 1990 ليفت باك اتوماتيك استعمال خارج وده تقرير الشراء والاستخدام

الشراء :

اولا دي ثالث عربية امتلكها ( 128 - 127 ) دة غير عربية الحاج ( لانوس 2004) وعربيات اخواتي

انا بحكم شغلي بسافر كتير برة اسكندرية لمدة شهر على الاقل ومن عادتي قبل السفر اني برروح اركن العربية عند والدي يسخنها او يطلع بيها وكدة بس هي كانت خلاص جابت اخرها (موديل 1986) وعايزة كل حاجة - سمكرة ودوكو وموتور وعفشة - المهم وديت العربية وسافرت يوم والتاني لقيت ابويا بيقوللي البطارية نامت وانا مش عارف اعمل اية ؟ اقولتله سيبها لما اجي - لايوجدنية تغيير 127 - اقولت اظبطها وامشي بيها وبعدين لقيت عمي بيكلمني على عربية لادا 1988 بحالة حلوة قولت ماشي وكلمت مراتي تروحلو بالفلوس - انا عارف العربية دي وكاشف عليها قبل كدة - بس ماحصلش نصيب
قولت الحمدلله المهم على اخر الوردية بدور على النت لقيت اعلان لعربية لانسر 1990 اتوماتيك معوقين
بشوف النمرة لقيتة واحد جارنا روحت مكلمه من غير ما اشوف العربية كمشتري وقاللي مبروك عليك
بعد المكالمةدي بحوالي اسبوعين نزلت اسكندرية ورحت شوفت العربية وبعت ال127

الحالة العامة للسيارة وقت الشراء :

العربية بسم الله ما شاءالله فابريكة بكل ما تحمله الكلمة -دخلت مصر2009 -وجارنا ركوبه للعربية قليل جدا
اللون فضي - اتوماتيك - ازازعادي - مرايات كهرباء - باور -لايوجد كاسيت

العربية واسعة جدا الصاون والشنطة

تقرير الاستخدام :

دي اول عربية اتوماتيك اركبها -الموضوع دة كان عامللي قلق شوية -بس الحمدلله

العربية ناعمة جدا الثبات ممتاز - العزل ممتاز -

استهلاك البنزين 300 كيلو \ 20 لتر بنزين 92 - 1500 سم 3

طبعا عايزة صيانة اولية من زيوت وفلاتر وسيور

بعض الاشياء الناقصة :

مرايات الجنب ............. منين في اسكندرية وبكام وهل في اي موديل تاني يركب عليها

المساعدين اللي ورا خفاف شوية ................ الاسعار ؟

اسف على الاطالة

ارجو الدعاء
السلام عليكم