صيانه 20.000 بيجو 301

**maio_do** · 02-04-2014 06:07 PM

علشان ارد عايز اعرف اسعار التوكيل فى الكيا والهيواندى

واية موضوع الشبكةا لامامية تقصد اللى فوق عند النمر ولا اللى تحت عند الفوج

**amrelsaqqa** · 02-04-2014 09:04 PM

ايه مياه خضراء عند 10 الاف
هى اه العربية فيها مية غريبة جدا ! بس انا ذنبى ايه ادفع سعر المية بعد 10 الاف كيلو !

**Hany Saad** · 02-04-2014 09:42 PM

طبعاً المصنعيات غالية جداً و فيه قطع ممكن تتنظف مش تتغير زى فلتر الهواء
معنديش خبرة فى العربيات الاسيوى و لكن كل الاوروبى بيغير نفس الأشياء دى فى صيانة ال 20 الف ما عدا طبعاً الميه الخضراء و دى بتتغير عند ال 60 الف او بعد 5 سنوات ايهما اقرب
فلتر الهوا المفروض يتنظف فقط و لكن بما ان العربيات فى الضمان فانت ملزم بجدول الصيانة بتاع الوكيل علشان تفضل العربية فى الضمان
البوجيهات للأسف لازم تتغير على ال 20 الف لانها راكبة على حاجة اسمها coil او ما يطلق عليها بوبينا فى السيارات القديمة و هى المسؤولة عن اعطاء الكهربا العالية للبوجيهات و لكن الفرق انه يوجد coil او بوبينا لكل بوجيه.....التأخير فى تغيير البوجيه عن 20 الف كيلو يزيد من فرصة بوظان ال coil علماً بان سعر ال coil الواحد حوالى 500 جنيه

طبعاً تيل الفرامل ده مش اجبارى يتغير فى ال 20 الف و لكن حسب استهلاكه بعد الكشف عليه التى تعتمد على طريقة السواقه

تحياتى

**J A G U A R** · 02-04-2014 10:51 PM

شغل استغلال وعبط .. لازم تشوفو حل مع حمايه المستهلك

**road_master** · 03-04-2014 04:09 AM

أنا عامل صيانة ٢٠٠٠٠ لل ٤٠٨ واتكلفت ١٦٠٠
وغيرت الحاجات دي كلها ( بس تقريبا من غير فلتر التكييف) وأظن الاسعار واحدة تقريبا او قريبة جدا لاني للاسف مش معايا الشيك دلوقتي
واكتر حاجة غاظتني المصنعية (٤٥٠ جنيه ) بس عموما هي دي نفس اسعار الصيانة اللي كنت بدفعها لل ٢٠٦ ده حتي في حاجات رخصت
طقم البوجيهات كان ب ٣٠٠ جنبه من ٩ سنين ف التوكيل
فهي دي اسعار بيجو برغم اني اشهد انهم نزلوا اسعارهم و بقي في حاجات كتير زي بره

**Mohamed GEMY** · 03-04-2014 10:06 AM

كلام حضرتك منطقي جدا لكن التوكيل برده مغالي في الاسعار كده والمصنعيه والضريبه بالذات,,,انا شايف لازم يكون في حل وكلنا مع بعض لمواجهه التوكيل ده

**Mohamed GEMY** · 03-04-2014 10:08 AM

المشاركة الأصلية كتبت بواسطة hany saad

طبعاً المصنعيات غالية جداً و فيه قطع ممكن تتنظف مش تتغير زى فلتر الهواء
معنديش خبرة فى العربيات الاسيوى و لكن كل الاوروبى بيغير نفس الأشياء دى فى صيانة ال 20 الف ما عدا طبعاً الميه الخضراء و دى بتتغير عند ال 60 الف او بعد 5 سنوات ايهما اقرب
فلتر الهوا المفروض يتنظف فقط و لكن بما ان العربيات فى الضمان فانت ملزم بجدول الصيانة بتاع الوكيل علشان تفضل العربية فى الضمان
البوجيهات للأسف لازم تتغير على ال 20 الف لانها راكبة على حاجة اسمها coil او ما يطلق عليها بوبينا فى السيارات القديمة و هى المسؤولة عن اعطاء الكهربا العالية للبوجيهات و لكن الفرق انه يوجد coil او بوبينا لكل بوجيه.....التأخير فى تغيير البوجيه عن 20 الف كيلو يزيد من فرصة بوظان ال coil علماً بان سعر ال coil الواحد حوالى 500 جنيه

طبعاً تيل الفرامل ده مش اجبارى يتغير فى ال 20 الف و لكن حسب استهلاكه بعد الكشف عليه التى تعتمد على طريقة السواقه

تحياتى

كلام منطقي جدا طبعا ...وشكرا بجد للاضافه..بس انا برده بتكلم ان التوكيل المفروض يكون عارف ان العربيه دي من ضمن السيارات الرخيصه بالنسبه له والي مش بنفس جوده وخامات السيارات الاخري بيجو
المفروض انه يتعامل باسعار ومصنعيه وضريبه ارخص ..لكن هو كده بيستغل فلازم ناخد موقف صح

**medori** · 03-04-2014 10:40 AM

بص هى قطع الغيار اسعارها عادية، المشكلة ان فى حاجات بتتغير من غير داعى زى فلتر الهوا و فلتر التكييف و المصنعيات غالية شوية، الضريبة دى مفيهاش كلام

إحمد ربنا ان التيل اعد معاك ل20،000، انا مغيرة مع ال10 و كانوا بيقولولى هو فاضل فية بتاع 2000 ولا حاجة بس احسن نغيرة عشان الطنابير و كدة و كمان انا كنت بسمع منة صفارة فقولت مش طالبة طنابير من اولها و خلتهم يغيروة وخلاص، فلتر التكييف بقى مكنش لية لازمة يتغير هما قعدوا يحوروا فى الصيف داخل و مليان تراب و كلام من دة بس انا كنت مفروض انفضلهم بصراحة. عامة انا دفعت 1200 جنية من غير الزيت اللى كنت جايبة من برا عشان كان فية شوية حاجات تانية عشان السروجى كسر كلبسات الكنبة و هو بيركب الفرش فكان فى تمن الكلبسين و مصنعيتهم. يعنى الصيانة اتكلفت بتاع 1500تقريبا.

عامة انا ناويلهم لو جيهم قالولى الصيانة اللى جاية تيل تانى همسك فيهم بصراحة، مش هينفع اعد اغير تيل كل 10 و كمان نفس الكلام فلتر التكييف برضة، فلتر الهوا لو مش نضيف بيأثر على العربية فعلا فمضطرين نمشى معاهم.