الموضوع: صيانه 20.000 بيجو 301

المشاركة الأصلية كتبت بواسطة Hany Saad

طبعاً المصنعيات غالية جداً و فيه قطع ممكن تتنظف مش تتغير زى فلتر الهواء
معنديش خبرة فى العربيات الاسيوى و لكن كل الاوروبى بيغير نفس الأشياء دى فى صيانة ال 20 الف ما عدا طبعاً الميه الخضراء و دى بتتغير عند ال 60 الف او بعد 5 سنوات ايهما اقرب
فلتر الهوا المفروض يتنظف فقط و لكن بما ان العربيات فى الضمان فانت ملزم بجدول الصيانة بتاع الوكيل علشان تفضل العربية فى الضمان
البوجيهات للأسف لازم تتغير على ال 20 الف لانها راكبة على حاجة اسمها coil او ما يطلق عليها بوبينا فى السيارات القديمة و هى المسؤولة عن اعطاء الكهربا العالية للبوجيهات و لكن الفرق انه يوجد coil او بوبينا لكل بوجيه.....التأخير فى تغيير البوجيه عن 20 الف كيلو يزيد من فرصة بوظان ال coil علماً بان سعر ال coil الواحد حوالى 500 جنيه

طبعاً تيل الفرامل ده مش اجبارى يتغير فى ال 20 الف و لكن حسب استهلاكه بعد الكشف عليه التى تعتمد على طريقة السواقه

تحياتى

هندسة، بما إنك نورتنا هنا فى البيجو، لازم نستغلك بقى

اولا مبروك انك بقيت المنسق good choice من الإدارة بصراحة
ثانيا، انا كنت فاكر انى شفت كذا موضوع فى الميجان عن النتشة بتاعت الفتيس اللى ما بين الاول و التانى او ما بين التانى و التالت مش فاكر اوى الصراحة عشان الميجان اللى معايا كانت مانوال، المهم التوكيل كان بيظبطها سوفت وير، مش كدة و لا اية؟ انا سوقت كام مرة الميجان الاتو و كانوا تمام و كانت النتشة دى مش موجودة نهائى تقريبا.
توكيل بيجو لحد دلوقتى محلوش النقطة دى و معتقدش انهم هيعرفوا يحلوها، فى واحد صاحبى معاة ال307 موديل 2008 و صياناتة كلها فى التوكيل من ساعتها حتى بعد ما خرج من الضمان و لحد دلوقتى النتشة دى موجودة و هو متعايش معاها و خلاص، لما ركب الميجان حس بالفرق! انا عارف انها مش هتأثر على اى حاجة و مش مضيقانى فى الطلعة بس بتضايقنى لما احسها مع الفرملة لأنها بتهز العربية هزة مش لطيفة بصراحة و مش حاببها فهل تعرفلنا طريقى نظبط بيها الموضوع دة عندنا

المشاركة الأصلية كتبت بواسطة kar!m

هو تيل الفرامل كان لحق اتاكل أصلا؟!

تيل الفرامل فعلا خلص ويمكن ده هو الي علي ثمن الصيانه شوبه برده بس برده ثمن المصنعيه و الضريبه عالي جدا

الاسعار عالية فعلا

الاسعار فعلا عالية

استفسار .. هى الناتشه موجوده فى الاتوماتيك البيجو ال 301 والا مش موجوده وهل لو موجوده التوكيل بيحلها والا لا ؟؟