السلام عليكم ورحمه الله
ازيكو يا رجاله تويوتا سلامات
انا الحمد لله عملت اول 5300 كيلو والمفروض اغير الزيت وكنت مشغول فملحقتش احجز صيانه وبصراحة متردد برضه عشان صيانه ال 5000 يدوب تغيير زيت بس وتشييك علي الفرامل وانا بصراحه لاقيت ناس كتير بتشتكي من موبيل 1 مع ان انا طول عمري بحط منه وكان معايا زي الفل بس عايز اغير عشان اشوف فعلاً في فرق ولا لا وطبعاً لازم فلتر معاه كمان فكان في واحد صحبي في التوكيل النهارده قلتله يسألي علي الفلتر بكام وهل ياباني ولا صيني وهل هو بتاع نفس الموديل اللي قابله مع ان ده البديهيوكانت المفاجئه
الفلتر مختلف عن الموديلات اللي فاتت وبيتباع حشو فقط ولا ينصح بالتغيير خارج التوكيل بسبب ان الفنيين في البنزيمات لسه مش متعودين عليه في الفك و التركيب واحتمال مايبقاش معاهم المفتاح بتاعه.... حاولت اشوف علي النت لاقيت الصوره دي ومكتوب كود الموتور 1ZR-FE
http://www.japan-parts.eu/GR/1/151516.png
ولاقيت النظام ده موجود في بعض العربيات التويوتا زي الكامري و البريوس من زمان يعني احتمال يبقي زيهم وبيقبي شبه الصور دي
http://i653.photobucket.com/albums/u...o/P4090592.jpg
http://2014toyota.motoimages.biz/di-...67c3432cd5.jpg
وده فديو توضيحي
https://www.youtube.com/watch?v=u0xW_zDGez4
طبعاً المعلومه بالنسبالي لسه مش مؤكده 100% عشان كده غصب عني اضطريت اني احجز صيانه عشان اشوف بيعيني الفرق الاول قبل ما اعمل اي حاجه وحبيت الكل يعرف عشان محدش يروح يجيب فلتر ويروح ينزل الزيت عند حد مش فاهم وبعدين يكتشف ان الفلتر مش هو
لو حد عمل صيانه وغيره ياريت ينورنا اكتر
وبالمره بقي ايه احسن زيت ممكن نستخدمه يكون 5W 50