الموضوع: مقابلة سريعه - عباد الرحمن للاستيراد - كل الشكر لحسام بيه

المشاركة الأصلية كتبت بواسطة hossamalsadik

صدقت يا مهندس محمد ويا استاذ محمود
المهندس محمد سبحان الله نفس الرأى هوا ده الى قلته للمهندس إيهاب لما كلمته فى التليفون النهارده وعرفت موضوع الكاسيت والفريم والشاشه والخلاف فى السعر عن الى قله عليه من قبل هوا سعر غريب شويه ونازل قوى بس كان لازم الألتزام بالكلمه وقلتله فى حجات بتكون بسعر كويس جدا وفى حجات عنده بتسقط منه بمعنى ان سعرها زياده عن الى معروض بره وقلتله شوف الى ينفعك وينسبك وخده ولى ماينسبكش سيبه
مثال كنت سالته على طرمبة باور قلى 350ج ! وقلى مش موجوده دلوقتى وهجبهالك اول ما الشغل الجديد يجى سالت بره لقتها 250ج فكلمت صديقى العزيز أحمد بيه اباظه يجبهالى وهوا جى نتقابل عنده فى فيصل ولما عرف انى جبت الطرمبه من بره بالسعر ده قلى هوا فيه ناس ارخص منى اهو فعرف انى كده اخد الحاجه الى لازمانى ومناسبه منه فقط دون الرتباط بيه فى كل شيىء ووصلت الاحساس ده لاخويا م/ إيهاب
صديقى استاذ محمود غنيم صدقت ليه لان لما كنت بسال على طرمبة الباور مثلا قلولى 400ج !!! وبعدين لما جه ايمن قلى 350ج فعرفت ان الى شغلين معاه بيدو اى سعر فى اى حاجه فالافضل ان الواحد يسأله مباشرة
كمان التبلوه بتاع صدقنا جرجس لما كنت عاوز كالون درج التبلوه قلى ماتخد التبلوه كامل وهدهولك ب 800ج ولما قلت لأستاذ جرجس ده قلى أنا عاوز واحد نرحله تانى يوم يقول لجرجس بك ب 1000ج !!! فندهنى قلى قلتله مش انتا قلتلى ب800ج المره الى فاتت وفكرته أتحرج ونزل فى السعر وفى جميع الاحوال السعر كويس بس الالتزام بالكلمه مهم فى التجاره والمصداقيه عند الناس

منكرش ان الراجل أسعاره كويسه وافضل من ناس كتير بس فى حاجات سقطه منه فى السعر وأزيد من بره
ونا جبت منه حجات بسعر كويس جداا وحاله كويسه الى ينسبنى وسبت الى ماينسبنيش
عشان كده الى هيشترى ياخد الى يلزمه ويكون مناسب فى السعر دون التقيد والأرتباط بيه فى كل شيء عشان تكون المنفعه متبادله لا يجى على الواحد فى حاجه فى السعر زياده ولا الواحد يجى عليه فى السعر أوى بالنقصان

والله المستعان

تحياتى

يا صديقى الراجل دة عنده حجات تحفة وحالتها جميلة بس زى ما انت بتقول بتروح منه من كتر الشغل والناس والعيال اللى معاه مش تمام بيطلعوا مصالح ..

انا اشتريت منه حجات كتير بصراحة بس لازم تحسسه انك مش مدلوق على الحاجة وانك سأل عليها قبل كدة .. وسعات كانت بتبقى اغلى حجات بسيطة بس بقول مش مشكلة اوفر مشوار الحرفيين وبعدين عصام بجوار ايمن فباخد الحاجة شغالة يبقى تمام فيها مشكلة 3 دقائق وببقى عند ايمن ارجعها فبقول مش مشكلة لو حاجة بسيطة ...


الحل الوحيد واللى انا عرفته انك لو لقيته وسألت على حاجة ولقيت سعرها لقطة نفذ فوراً ...

كنت عندة فى مرة بجيب طارة ايرباج قالى 220 جم قتلة لا 170 جم قالى ما تاخد القاطمة على بعضها مش فاكر بــ 350 جم او 300 جم بصراحة لو كان معايا كنت اخدتها لقطة .. طبعا لو رحتلة بعد كدة وسألته عن القطمة هيقلك 400 - 450 جم
عاوز اللى ينفذ معاه وقتى