ههههههههههه
مشاء الله دنتا بتقول شعر يا باشا
ربنا يبركلك فيها
رقم العضوية : 21820
تاريخ التسجيل : 11Oct2008
المشاركات : 1,542
النوع : ذكر
الاقامة : القاهرة
السيارة: renault fluence 2014
السيارة[2]: sunny EX 2010 auto
الحالة :
السلام عليكم ورحمه الله وبركاته
أخواتي ألاعزاء كيف الحال
بعد مامتكلت الفلوانس فيس ليفت ؟
إيه أكثر حاجة بتحبها فالعربيته بتاعتك ؟
مما لا شك فيه كم ألاوبشنز الخطير اللي نازل في الفلوانس ومتعه قيادتها بصفه عامه
وكثير سمعت جمله ان الملاك بيزعلو لما مشوارهم بالعربية يخلص
والحب الشخصي للسيارة لدرجة تخليك عاوز تفرشها من الداخل وتركبلها كاسيت ب GPS
وكلنا بنفكر فالاسبويلر والعتب وخلافه
[OVERLINE]هقولكم انا بحب إيه فالعربية :- [/OVERLINE]
أولا- ثبات السيارة جميل جدااااااااااا واتحطيت فموقف خطير جداااااااا وانا على محور المشير وكنت ماشي على سرعة 140 وفجأة الاقي نقرة كبيرة وصعبه
وأكسر الدركسيون والعربية متتنططش مني يمين وشمال ياااااااااااه !
العربية مافيهاش ثبات الكتروني وعملت كده
اه عملت كده
طيب الحركة دي اتعرضت ليها ايام الصني وكنت على سرعه 120 كيلو ولقيت الصني بتميل يمين وشمال وعاوزة تتقلب وكل اللي ورايا قالو ان العربية خلاص إتقلبت
وكنت مسافر قبل كده بالصني وحصلت معايا وبالعكس كان معايا حمولة وشخصين بالغين والمفروض العربية تبقا أثبت من كده وبرضه عومت بشكل غريب
ثانيا:- بحب النظام الصوتي المحترم اللي عاملاه شركة arkamys
انا كنت هاوي هندسة الصوت وعارف يعني ايه نظام صوتي محترم ويعني إيه نظام تعبان
الساوند سيتسيم بتاع الفلوانس خطير جداااااااا ونقاء الصوت حاجة جبارة مش كده وبس ده صوت عالي ومحتفظ أيضا بالنقاء
ثالثا:- بحب أتفرج على شكل العربية من الخارج وخاصة الاكصدام ألامامي والليدات وهي منورة لدرجة ان ممكن أخويا الصغير يحتاج العربية واحب اتفرج عليه وهو سايقها عشان اشوف العروسة وهي ماشية
رابعا : -الدركسيون ونعومته المفرطة على السرعات القليلة وفصله أوتوماتيك على سرعه عالية .
خامسا :-بالرغم اني مش عندي زينون بس النور ألاصفر بتاع الفوانيس حاجة مااشاء الله هتخليك متقدرش تلبس نقرة ولا مطب حتى ولو كان نظرك ضعيف
سادسا :-الطارة المالتي فانكشن مع التحكم الكامل بالمكالمات والتراكات وخلافه
سابعا:- قوة الفرامل واستجابتها والانقاذ في مواقف كثيرة
ثامناااا-: شوية أوبشنز جميلة لا غنى عنها بالنسبالي
السمارت كي:- حاجة لا غنى عنها الكارد فجيبك مش بتلمسه نهائي ولا بتخرجه غير لما تغير البنطلون بتاعك وتلاقي نفسك بتعمل كنترول للعربية وبتفتحها وتقفلها لمجرد إلاقتراب وإلابتعاد وفتح الشنطة وانت طالع من السوبر ماركت ومش مجبر إنك تفتح السنتر لان الكارد فجيبك يادوب تدوس على زرار الشنطة الفلوانس بتدلعنا أووي فالجزئية دي
مثبت ومحدد السرعه :- غايه فالجمال والسهولة في أماكن سهلة الوصول ولا يوجد بها أي تعقيد بمجرد ماتكون على السرعه اللي انت عايزها وتدوس على حرف الزائد والناقص وتعمل اللي انت عاوزه عاوز تلغي من نفس الدركسيون اللي انت ماسكه هتدوس على حرف ال O طيب تعرضت لموقف ودوست فرامل مافيش مشكلة اللي انت عامله هيتلغي طيب ينفع كده اقعد اظبط من الاول لا ماتقلقش دوس R إختصار Remember واسترجع السرعه الاخيرة وعيش مرة تانية
الستائر الخلفية:- تخيل انت مسافر والشمس ضاربة في الناس اللي ورا ركب الستائر ومالكش دعوه
طيب بالنسبة للركاب ألاماميين جرب كده تفك الحافظة اللي فوق وتخليها بالجنب ناحية الشباك هتلاقيها كبيرة ماشاء الله ومش بتدخل خرم إبره من أشعه الشمس
فتحات التكييف وأماكنها في السيارة- : الجماعه اللي راكبين في الخلف بيشتكو ان التكييف عالي بقولهم قلله من عندك من Scroll .
إستهلاك البنزين :-درب من الخيال واكيد كلكو عارفين
وده السبب في مقوله انك مبتبقاش عاوز تنزل من العربية
انا عارف اني ناسي حاجات بس مستعجل ولازم أنزل دلوقتي
انا يادوب ذكرت إللي عاجبني
وهكمل كلامي لما ارجع على السلبيات من وجهه نظري
بس مقدما :- إيجابيات السيارة غطت عى سلبياتها بالمرة
في إنتظار تفاعلكم
دمتم في أمان الله
[OVERLINE]miceg =Khaled Fouly[/OVERLINE]
[mshosh4]http://imageshack.com/a/img812/1576/pujz.jpg[/mshosh4]
رقم العضوية : 78428
تاريخ التسجيل : 24Aug2010
المشاركات : 4,106
النوع : ذكر
الاقامة : ksa .geda
السيارة: Pegute 407
السيارة[2]: b.m.w 130i 2008
دراجة بخارية: mesh 3andy
الحالة :
ههههههههههه
مشاء الله دنتا بتقول شعر يا باشا
ربنا يبركلك فيها
كولو بالحنيه بيفك مع تجيات جمعيه حنينها قبل متحلبها
رقم العضوية : 37420
تاريخ التسجيل : 06Apr2009
المشاركات : 2,512
النوع : ذكر
الاقامة : Cairo
السيارة: لايوجد
السيارة[2]: SperanzaA620
دراجة بخارية: No
الحالة :
ماشاء الله
ده المتوقع فى الفلوانس
فى امان الله
رقم العضوية : 145421
تاريخ التسجيل : 18Jun2013
المشاركات : 2,007
النوع : ذكر
الاقامة : Egypt
السيارة: ..........
السيارة[2]: ............
دراجة بخارية: .......
الحالة :
عربيه محترمه و ده شى متوقع منها وشكرا لنقل التجربه
رقم العضوية : 70835
تاريخ التسجيل : 17May2010
المشاركات : 22
النوع : ذكر
الاقامة : ksa
السيارة: Fluence 2014
السيارة[2]: CRUZE 2010
الحالة :
موافقه
رقم العضوية : 102079
تاريخ التسجيل : 04Jun2011
المشاركات : 1,222
النوع : ذكر
الاقامة : cairo
السيارة: NEW SUNNY2013
السيارة[2]: REGATA
دراجة بخارية: no
الحالة :
ربنا يباركلك فيها يا خالد بك الفلوانس عربية محترمة جدا
رقم العضوية : 134709
تاريخ التسجيل : 09Feb2013
المشاركات : 898
النوع : ذكر
الاقامة : الجيزه
السيارة: toyota corolla 2013 - fluence facelift 2014
السيارة[2]: skoda octavia Fantasia
دراجة بخارية: don't have
الحالة :
لسه فاكر أول ما ركبت العربيه و هي في المعرض لحد ما ركنتها في الجراج عندي ..
العربيه فهماني .. عايز أتجنن شويه و أشد بتشجعني .. عايز أبقي محترم بتساعدني
حاسس إنها معموله عشان تريحني .. قعده الكرسي .. و ال BACK SUPPORT و جوده التقفيل و الخامات ..
لسه فاكر منحنيات السخنه و أنا باخدها علي 120 و مش قلقان ..
أنا عندي نفس مشكلتك يا خالد بيه بقا .. إني بحب أوي أنضف العربيه بنفسي .. و أشوفها كده و هي بتلمع ..
شكلها يفتح نفسك بجد والله ..
ربنا يبارك لك في عربيتك و يبارك لأخواتنا جميعا في عربياتهم ..
المشكله الوحيده موضوع إن مفيهاش Esp :D
رقم العضوية : 21820
تاريخ التسجيل : 11Oct2008
المشاركات : 1,542
النوع : ذكر
الاقامة : القاهرة
السيارة: renault fluence 2014
السيارة[2]: sunny EX 2010 auto
الحالة :
تعليق على موضوع ملفات السخنة يادكتور
انا كنت باخد الملفات دي امبارح عل 140
ولو كنت على 160 برضه كانت هتتاخد عادي
العربية ثابتة بشكل كبير ومحدش متخيل ان العربية ثابتة لإرتفاعها عن الارض
بتدخل عى المطب حتى ولو معاك حمولة مش خايف ولا تدخل بجنب العربية ولا غيره
طيب عربية بالمواصفات دي كلها وزيد عليهم كمان انها بإلارتفاع ده
نقدر نقول مقولة :- لو عاوز تشتري عربية suv ومحتار شوية وكمان نفسك فسيدان يبقا الفلوانس أفضل إختيار
فتيس وموتور من شركة عالمية زي نيسان مش مخليني أقلق خالص وانا سايق وبحرق وبشد
لان ده كان حالي أيام الصني مع العلم ان شركة نيسان بطلت تنتج صني من زمن ..
امبارح كنت سبق الجماعه في عيد ميلاد المنتدى وفجأة الاقي كل واحد جاي بسرعته من الخلف
والعربية من الثبات وبإستخدام الاستيبترونك خليتها على سرعه 140 في غمضة عين
ومافيش ثواني كنت وصلت للناس .. مش عارف حد جرب انه يجمع سرعات بالاستيب ولا لا ..
موضوع ال esp فهي ملحوقة
احنا نكلم التوكيل ونقوله عاوزين نعمل تعديل هنجيبلك كام عربية كورولا تفكو منها المنظومة دي بالكامل
ومش هنزعلهم هنديهم مكانها فتحة سقف وسمارت كي و نظام صوتي ثري دي ومساعدين فلوانس تعلي عربيتهم شوية
ربنا يباركلهم فيه ويعطيهم خيره ويكفيهم شره
[OVERLINE]miceg =Khaled Fouly[/OVERLINE]
[mshosh4]http://imageshack.com/a/img812/1576/pujz.jpg[/mshosh4]
رقم العضوية : 154970
تاريخ التسجيل : 21Jan2014
المشاركات : 71
النوع : ذكر
الاقامة : الاسكندرية
السيارة: لا يوجد
السيارة[2]: تويوتا ياريس 2007
الحالة :
بسم الله ماشاء الله عربية جميلة جدا ربنا يبارك لنا فيها
بس موضوع ارتفاعها عن الارض حاسس انكم بتبالغوا فيه شويتين
انا امبارح حكيت في مطب وماكنتش واخده براحة (بس للامانة مش براحة اوي يعني . سرعة عادية للمطبات) مع العلم اني كنت راكب ياريس 2007 وعمري ما حكيت بيها.
انا مش بعيب في العربية . انا بس بوضح موضوع الارتفاع عن الارض لا ني كنت فاكر من كلامكو انها عالية عن الياريس كمان.
في النهاية ربنا يبارك لنا في العربية الجميلة دي ويحفظها ويكفينا شرها.
رقم العضوية : 144641
تاريخ التسجيل : 31May2013
المشاركات : 814
النوع : ذكر
الاقامة : Tanta & Marsa Alam
السيارة: None
السيارة[2]: Lancer EX 2013 HL
الحالة :
ربنا يبارك لكم جميعا... عربية محترمة وتستحق التقدير...
بس لي تعقيب على موضوع ملفات السخنة ده: انا بقالي اكتر من 9 سنين ماشي على الطريق ده ومينفعش ابدا ابدا نقول ان ملفات السخنة بتتاخد على 140 (على الاقل الاربع او خمس ملفات اللي في بالي)... اه لو بنتكلم على "طريق" السخنة فانا ممكن امشي 180 كمان، انما اي ملفات بقى بالظبط اللي حضرتك اخدتها على 140؟؟؟ لو مش فاكرهم ممكن اسألك عن الملف اللي قبل بورتو السخنة بالتحديد وانت جاي من القاهرة؟؟ ده قبله يافطة -زي 3 أو 4 كمان غيره- مكتوب عليها "احذر - منطقة حوادث - السرعة القصوى 60كم"... ومش انا بس اللي بحترم نفسي وبهدي عند الملفات دي تحديدا، لأ ده حتى المرسيدس والأودي والبي إم بيهدوا جدا جدا جدا لأن الملفات دي بزاوية تقترب جدا من 90 درجة!!! يعني فعلا علشان تفضل في حارتك (وانت عارف النقل بيبقى جاي في المقابل ازاي) لازم وحتما ولابدم متعديش الـ70 او الـ80 على اقصى تقدير!!!
Ahmed Fawzy
المفضلات