الموضوع: استفسار حول ال بي واي دي

انا موش معايا العربية بس اعتقد انها صفقة رابحة بالنسبة للايمجراند مليانة مشاكل من كاسيت و فبرة تانك و بكرة الكرسى وواير الفتيس والطنابير السيئة واخر الكوارث الابواب المصدية و القوايم المصدية و اعتقد دة قضى على العربية بالنسبة للبيتابع النت وبيقرا ولكن الغريب انة مازالت بتبيع بقوة و بتزيد انتشار ولكن كخدمة غبور سيئة و ابسط حاجة حتى لما الناس اشتكت من الكاسيت مازال منفض و بردة بينزلة فكدة الايمجراند برة النقاش
بالنسبة للبى واى دى انتشارها كتاكسى اعتقد دة نقطة قوة لها من قطع غيار وناس بتفهم و على الاقل مشاكلها اتعرفت وفية ناس بتقول انة معاملة التوكيل اتحسنت كثيرا ولو ينفع تنتظر الى ان نرى الموديل الجديد

توكل على الله..واشترى

المشاركة الأصلية كتبت بواسطة abosifa

السلام عليكم ، اصدقائي الاعزاء المحترمين في المنتدي المحترم يا رب تكونو في تمام الصحة والعافية
نخش في الموضوع >>> انا بقالي شهرين بدور علي عربية مستعملة الميزانية بتاعتي 75 الف او 80 الف اقصي حاجة ، طبعا بعد ما الاسعار رفعتب سبب الدولار بقي ارخص عربية مانيوال سيدان بتعدي ال 100 الف ، يعني اي عربية واسعة جديدة بتكون غالية جدا ، مش زي زمان كنت تجيب السيراتو والالنترا ونيسان بمبلغ اقل من 100 الف والدنيا كانت حلوة ، فكرت في المستعمل لقيت انه صعب تلاقي حاجة كويسة ولو لقيت بيبقي مبالغ في سعرها ،، يعني لقيت لانسر ماشية 24 الف كيلو موديل 2007 صاحبها عايز 86 الف وواحد تاني عايز يبيع ماتريكس 2006 ب 74 الف جنيه ، ويقلك يا باشا السوق علي والدولار وكلام فاضي ، وكمان عقبال ما تروح مشوار تشوف العربية ومشوار تكشف عليها ومشوار هتدفع عربون الموضوع مش عملي خالص خصوصا لو معندكش خبرة في شراء المستعمل ومفيش حد بيساعدك ، فكرت في الايموجراند واللوجان والفيرنا والبي واي دي
بلنسبة للايموجراند : العربية لسا جديدة ومش متجربة خالص ومش عاجبني ان ماتورها 1500 وكمان كرهي لغبور وسياسته يخليني ابعد عنها .
بلنسبة للفيرنا : عربية عملية وبتتصلح وتتباع وانت رجل علي رجل بس ضيقة ومتستاهلش فلوسها بلنسبة لامكانياتها .
بلنسبة لللوجان : سعرها كويس بس الفرنساوي في مصر مآساة للاسف وسمعت عن مشاكل كتير فيها.
ال بي واي دي هيا موضوعنا النهردا :
هيا بصراحة عجباني بحس اننا راكب تويوتا واسعة وسحبها حلو وموتورها حلو وسمعت عنها كلام كويس
بس ناقص كام حاجة عشان اقرر انها مناسبة :
1- اول حاجة مش بشوفها ملاكي غير نااااااااادراً 99% منها بيبقي تاكسي ، ايه السبب هل توكيلها بيطفش الناس
2- مدام هيا سيارة ناجحة وزي ما بيقولو عليها الوحش التنين الصيني سعر اعادة بيعها منخفض جدا ليه.
3- سمعت كلام كتير عن صيانتها ان قطع غيار المتسوبيشي والتويوتا بتمشي معاها ، وسمعت ناس اتغلبت ولفت كتير عشان تجيبلها قطع غيار ونادرة ، وسمعت ان توكيل الامل مش كويس وان العربية فيها مشاكل في الدهان وبتصدي وصاجها خفيف
فممكن حد يكون مجرب العربية دي كويس وبقالها مدة معاه يساعدنا يبقي كتير خيره ونأسف للإطالة وشكرا لوقت سيادتكم....

انا معايا ملاكي 2014 من شهر 10 اللي فات والحمد لله زي الفل هي مش عامله كتير عامله 7500 كيلو بس ماشاء الله عليها ف الطريق تحفة جدا وهي دلوقتي بقت متوفره ملاكي كتير وطالما في منها تاكسي يبقي زي ما قال الاعضاء انها فعلا قطع غيارها هتبقي متوفره كتير جدا علشان التاكسي بيستهلك اكتر بكتير وبالنسبه لسعر اعادة البيع اي عربيه صيني في مصر سعرها بينزل للنص واكتر كمان لما تيجي تبيعها دي مشكله سوق السيارات مش العربيه صدقني وفعلا الماتور بتاعها فعلا متسوبيشي كامل مش تكنولوجيا انا معايا 1600 هاي لاين اوتوماتك ماتور متسوبيشي كامل وعفشه كامله تويوتا كورولا وقطع غيارها مش بتدوخ ولا حاجه بالعكس متوفره جدا جوه التوكيل وبره وممكن تراجع اماكن قطع الغيار ف الموقع معانا هنا بس انا لسه بتعامل مع التوكيل وبصراحه مرتاح جدا جدا معاهم وتوكيل الامل ف القطامية كويس فعلا ومعاملتهم اتحسنت جدا عن قبل كده بالنسبه لمشاكل الدهان دي مسمعتش عنها قبل كده نهائي وانا مجرب العربيه اهي ومعايا وبتصدي ازاي يعني دي جديدة بصراحه اول مره اسمعها فعلا بس العربيه الحمد لله مافيهاش اي حاجه من دي ومن ناحيه ان صاجها خفيف ف اي عربيه دلوقتي زيرو ف مصر صاجها خفيف مش بمعني انها ورقه يعني بس غير زمان لكن اتقل من صاج عربيات كتير واسأل مجرب :d واتوكل علي الله واشتريها وان شاء الله ربنا يديك خيرها ويباركلك فيها واسف ع الاطاله