اقتباس المشاركة الأصلية كتبت بواسطة amgomaa مشاهدة المشاركة
سعر علبة الدركسيون 2880 ج شامل الضريبة (معلهش عندى عقدة منها فسالت عليها)
طبعا هتستغربوا ان سعرها قليل فسالت تانى الكلام ده على صفحة كيا انت متاكد قاللى اه وكرر نفس الاجابة
اقتباس المشاركة الأصلية كتبت بواسطة mhkorayem مشاهدة المشاركة
انا عندي نفس العقده دي
واللي فهمته لما سالت على الموضوع ده تحديداً من فتره مسؤول مبيعات قطع غيار في غبور ان العربيات الكوري التكنولوجي بتاعتها في علبه الدركسيون اختلفت عن زمان عشان كده سعرها بقى ارخص يعني في الوقت اللي سعر علبة الدركسيون في الاكسنت والالنترا الجداد بيتراوح في حدود الـ 3000 جنيه تقريباً كانت سعر علبه الدركسيون للماتريكس والفيرنا بـ 6000 جنيه ونفس الموضوع بينطبق على الكيا
مش عارف الموضوع ده بقى في العربيات الياباني والاوروبي ايه أخباره بس في عربيات أسعار علبه الدركسيون فيها غاليه اوي زي الشارك اللي لما سالت عليها من اسبوعين كانت عامله 8200 جنيه مصري تقريباً وفي عربيات اسعار علبه الدركسيون فيها رخيصه زي زميل لنا هنا من قسم رينو كان كاتب ان علبه دركسيون الميجان 2 من الوكيل كانت عامله 2200 على ما افتكر حاجه زي كده
انا معايا اختها الالنترا md و سعر علبه الدركسيون فعلا 3000 جنيه ... مش عايز احبطك بس في حاجه اسمها قطمه الدركسيون غير علبه الدركسيون و دي اللي فيها الباور الكهربا و دي بقي يا برنس عندي في الالنترا سعرها 9900 جنيه