الموضوع: بنك فيصل

ياريت توضيح

اخى الكريم البنوك الغير اسلامية ربوية اما البنوك الاسلامية فربوية ايضا.....

-البنوك العادية سواء خاص او حكومى بيعطى قروض وبياخدها بفوايد وكل قرض جر نفع هو ربا وفوايدك بتاخدها من هذا الربا ودى امر منتهى

-ناتى للبنوك المسماة اسلامية ..كيف تعطى ارباح للعملاء ؟

-البنك ما هو الا مقرض بيروح لشركات العقارات والسيارات وغيره لا يقول له هشترى و انما يقوله لو اراد احد القسط عن طريقى هديك كاش ويجيلى يعنى اقرض المشترى فى ايد الشركة فكيف يسمى هذا بيع انما هو قرض وطبعا المشترى بيرجع القرض ده بفوائد وده محرم

وعلى المستويات الكبيرة ياتى مستورد عايز يستورد او شركة هتبنى كومباوند سكنى هل البنك عنده مهندسين او عمال علشان يبنوا لا انما بيعطى المستثمر قرض علشان يبنى ويحط لافته على المشروع باسم البنك وفقط يمضى المستثمر انه يضمن الفلوس

يعنى حتى لو هيا مضاربة مع المستثمر فباجماع الفقهاء المضاربة لا يضمن فيها العامل (المستثمر)راس المال والابطل العقد فلو قرض حرام ولو مضاربة باطلة

والحقيقة ان هذا ما هو الا قرض ويبردوا المستثمر بفوايد وممكن البنك يضيف بند عليه ان من ياتى ليشترى منه شقق قسط يكون عن طريق البنك نفسه ميطلعش بره وهو ده التمويل العقارى والبنك من الاصل ما هو الا مقرض غير مالك لاى شئ ولا بنى ولا عمل حاجة

فلو بيع بيع ما لا يملك وهذا بيع محرم ولو قرض فهو الربا ولو سمى مرابحة شرعية او مضاربة او اى مسمى فهو فى حقيقته قرض ولو تجاوزنا كل ده ...................تبقى غرامة التاخير


- ودى طامة كبرى لا يعرفها للاسف الا القليل فى اى بيع تقسيط اودين اشتراط غرامة التاخير على من اخذ المال حتى ولو تثق فى السداد شرط ربووووووى محرم وده يا جماعة الخير بالاجماع وابحث عن حكم غرامة التاخير تجد ما اقول وهذا موجود فى الشركات والبنوك على السواء وله بدائل شرعية لضمان المال لكنها غير مطبقة

وهذ الشرط موجود فى بنك فيصل رايته بعينى وذهبت به للرقابة الشرعية فى بنك فيصل وتهربوا من الجواب للاسف (والشرط ده موجود فى بطاقات الشراء التى تعطى 55 يوم سماح بعدها بيحسب غرامة فى البنوك العادية)كل ده من الاصل صريح ربا.الجاهليةانظرنى ازدك وده الربا المذكور فى قوله لاتاكلو الربا اضعافا مضاعفة يعنى اخر بزيادة شرط يبطل العقد ولو تثق انك ستدفع
...............المودع بياخد فتات الارباح فيما يسمى فائدة من كل ما سبق يعنى من بيوع محرمة سواء كانت بيوع جائزة فضلا ان تكون بيوع محرمة ومن الربا سواء من غرامات التاخير او من فوائد القروض


فالخلاصة 3 نقاط:بيع ما لا يملك-قرض-غرامة تاخير

معذرة على الاطالة ولكن اردت ان اوضح تفصيليا ما يتم حتى نكون على بينة ومن يجيز البنوك الاسلاميه يجيب على هذه الثلاثة
وشكرا

المشاركة الأصلية كتبت بواسطة ahmed travco

بص يا فندم بدون تفاصيل كتير علشا عارف ان ممكن ناس تدخل معايا في جدال لا نهائي: مفيش حاجة اسمها بنك تعاملاته "اسلامية" وبنك تاني "غير اسلامي"... ده كده بمنتهى الاختصار... القصة كلها دعايات الغرض منها كسب زبون...
قصة الربا والمرابحات والقروض وخلافه قتلت بحثا وممكن حضرتك تدخل على موقع دار الافتاء مثلا وهتتأكد ان التعامل مع اي بنك مفيش فيه مشكلة شرعا... في النهاية كل البنوك "محكومة" بلوائح وقوانين البنك المركزي المملوك للدولة، فالشكل الربوي القديم غير موجود حاليا...
وعموما... احب اقولك اني تعاملت مع بنك فيص "الاسلامي" قبل كده لما اشتريت عربيتي... اولا حطيت وديعة تضمن العربية... ربح الوديعة كان 9% فقط في حين كل البنوك التانية كانت بتدي فوق الـ12%... لما جيت بعد 10 شهور من المعاناة في الاقساط وحبيت افك الوديعة واسدد المتبقي "خبطوا" مني مبلغ بزيادة عن ما كنت حاسب... ولما اعترضت قالولي لأ يا حلو انت متعرفش اننا بناخد 60% من الفوايد في اول سنتين (من اصل 5 سنين قسط)؟؟؟؟ طبعا انا مشكلتي انهم مكانوش واضحين معايا في البداية... لأ خلوا البحر طحينة علشان يصطادوني، مثلا فهموني اني ممكن في اي وقت اسحب اي مبلغ كاش من قيمة الوديعة واسدده قبل شهرين تقريبا (حاجة كدة زي الكريديت كارد)، واول ما جربت اعمل الحكاية دي قالولي انسى مينفعش...

الحمد لله اني خلصت منهم، ومش هحاول تاني ادخل مع اي بنك في اي حوار... ولو اضطريت قوي يبقى مش بنك فيصل خالص...

والله الواحد احتار يعني لو فيه مبلغ والواحد خايف يسرق منه ولا يحطه في حاجه تخسر طب اعمل ايه وانا خايف من موضوع الربا

أضم صوتي لصوت إخواني الأعضاء ..
مفيش حاجه إسمها بنك إسلامي في مصر ..
يمكن الناس اللي بتتعامل في فيصل .. مع إحترامي عايزه تريح ضميرها بس مش أكتر ..
تحياتي

مع احترامى للجميع بالنسبة لبنك فيصل ياريت اللى عاوز يعرف تعاملاته يشوف النظام الاساسي للبنك اللى اتاسس عليه وهيشوف انه تعاملاته مبنيه على المعاملات الاسلامية سواء فى المرابحة او المشاركة او المضاربة والبنك عنده عيئة رقابة شرعية بتراقب معاملات البنك والبنك مبيديش قروض مثلا لو عميل عاوز يشترى عربية البنك اللى بيشتريها ويبيعهاله بنظام المرابحة يعنى البنك اللى بيتملكها الاول ويبيعهالك بالقسط اما البنوك التانية بتديلك فلوس وانت تشترى العربية وترجعها بفوايد وبعدين الاصل فى العقود تكون شرعية وعقد المرابحة شرعى اما البنوك الاخرى فعقودها غير صحيحة شرعا لانها مبنية على القرض وكل قرض جر نفعا فهو ربا هتقولى طيب مفبش فرق بين الاتنين هى هى نفس الاجراءات لكن الفرق بيكون فى العقود