عمرة ماتور ابيزا 2000 - الجزء الثانى

**ahmadsapre** · 05-04-2014 04:52 AM

اولا الف مبروك على العمره بس ياريت تقول العنوان بظبط عشان الى حابب يعرف المكان ويتعامل معاه في اى حاجه عشان تعم الفائده ولو ده ممكن تكون دعايه ممكن تبعتهولى على الخاص

**nesr6060** · 05-04-2014 07:48 AM

مبروك عمليه التعمير وربنا يحقظها يكفيك نشرها
بس انا عاوز اجربها كدا واجرى بيها نشوف اخرها كام يارب بس تكون بتجيب ال 200
ههههههههههههههههههه

معلش سؤال صغير هو بيركب تكيفات على العربيه ولا برده تكيفات استيراد
اصل انا فاكر انى كنت قريت عن سنتر فى المعادى بيركب تكيفات جديده وخراطيم جديد فى موضوع قبل كدا ومش عارف اوصله ولا الاقى الموضوع ده فياترى السنتر ده بيركب تكيفات بخراطيم جديده ولا برده استيراد

**ehab_mansour** · 05-04-2014 10:06 AM

اخي العزيز حسام
الف مبروك انتهاء موضوع التعمير علي خير و ربنا يباركلك فيها يارب و تعيش العمر كله
انا من اكثر الناس اللي كنت مقلق من موضوع التعمير و حاطط ايدي علي قلبي لأني كنت مشارك في قرار التعمير مع اخي حسام و كمان في قرار انه يروح لطناني اساسا من عدمه
دي اول تجربة لينا في المنتدي في قسم سيات لتعمير المواتير دي لأن المشاع بيننا هو التسقيط و لكن الحمد لله وجدنا ضالتنا في القصة دي و ربنا يبارك لطناني و محمد ابو كف لأني قابلتهم و عشت معاهم مشكلة في المحرك ده و عرفت قد ايه ناس فاهمه شغلها و دقيقة جدا و لن اتردد في عمل اي شيء عندهم في عربيتي ان شاء الله

و بالتوفيق لك و للجميع

**hossamalsadik** · 05-04-2014 10:53 AM

المشاركة الأصلية كتبت بواسطة mahmoudelsayed

ربنا يبارك لك فيها ويرزق خيرها ويكفيك شرها

تجربة فريدة من نوعها :)

الله يبارك فيك يامحمود بيه
جمد قلبك انا بتاع الجديد لا فعلا تجربة جديد عشان مكنش متوفر الاسباب الى قلت عليها

**hossamalsadik** · 05-04-2014 11:19 AM

المشاركة الأصلية كتبت بواسطة ahmadsapre

اولا الف مبروك على العمره بس ياريت تقول العنوان بظبط عشان الى حابب يعرف المكان ويتعامل معاه في اى حاجه عشان تعم الفائده ولو ده ممكن تكون دعايه ممكن تبعتهولى على الخاص

الله يبارك فيك متشكر لذوقك
أتفضل التفاصيل هنا
http://www.nilemotors.net/Nile/36586...post3875505247

ديه مواضيع لقتها بالصدفه وغيرها كتير
http://www.nilemotors.net/Nile/371667-a.html
http://www.nilemotors.net/Nile/379687-a.html

**hossamalsadik** · 05-04-2014 11:32 AM

المشاركة الأصلية كتبت بواسطة nesr6060

مبروك عمليه التعمير وربنا يحقظها يكفيك نشرها
بس انا عاوز اجربها كدا واجرى بيها نشوف اخرها كام يارب بس تكون بتجيب ال 200
ههههههههههههههههههه

معلش سؤال صغير هو بيركب تكيفات على العربيه ولا برده تكيفات استيراد
اصل انا فاكر انى كنت قريت عن سنتر فى المعادى بيركب تكيفات جديده وخراطيم جديد فى موضوع قبل كدا ومش عارف اوصله ولا الاقى الموضوع ده فياترى السنتر ده بيركب تكيفات بخراطيم جديده ولا برده استيراد

الله يبارك فيك أحمد بيه
عاوزها تجيب ال 200 حاضر بس استنى على شويه هههه
بالنسبه لموضوع التكييف ممكن تتصل بيه تسأل
وبردو مركز المعادى الى بتقول عليه ده متخصص وكان فى زميل لينا هنا فى القسم اعتقد أ/ أيمن من اسكندريه عمل عندهم التكييف وتكلف 3100ج على ما أذكر وركبله تكييف سندان إستيراد الباقى جديد فى جديد فى أبيزا 2001 ماتور 1400cc وهذا ما أتذكره

**hossamalsadik** · 05-04-2014 11:50 AM

المشاركة الأصلية كتبت بواسطة ehab_mansour

اخي العزيز حسام
الف مبروك انتهاء موضوع التعمير علي خير و ربنا يباركلك فيها يارب و تعيش العمر كله
انا من اكثر الناس اللي كنت مقلق من موضوع التعمير و حاطط ايدي علي قلبي لأني كنت مشارك في قرار التعمير مع اخي حسام و كمان في قرار انه يروح لطناني اساسا من عدمه
دي اول تجربة لينا في المنتدي في قسم سيات لتعمير المواتير دي لأن المشاع بيننا هو التسقيط و لكن الحمد لله وجدنا ضالتنا في القصة دي و ربنا يبارك لطناني و محمد ابو كف لأني قابلتهم و عشت معاهم مشكلة في المحرك ده و عرفت قد ايه ناس فاهمه شغلها و دقيقة جدا و لن اتردد في عمل اي شيء عندهم في عربيتي ان شاء الله

و بالتوفيق لك و للجميع

الله يبارك فيك م إيهاب
اللهم امين ، هوا فعلاً كان قرار صعب بس انا كنت شايف وسامع بنفسى ولا اخفى عليك كان أحساسى متأكد من نجاح التجربه أثناء الشغل والحته ديه عندى عمرها ماخيبت ولو خدنا بالأسباب فهى متوفره وطبعا بعد الماشوره معاك تأكد الأحساس وتوكلت على الله
الصنعه الجيده وقطع الغيار والخراط
علاوة على ماسبق الناس محترمه وصادقه وأمينه وده مهم عندى وكمان فى حاجه تهمنى المكان يكون مريح مش ارمى الهربيه فى الشارع وجيب كرسى وقعد جنبها زى مابيحصل فى الورش قاعد فى مكان مكيف على كرسى محترم فى حمام أغسل ايدى بنضافه كده وده راجع ان الناس فى المركز نضيفه بطبيعتها

فكرتنى بمشكلة الرجه مع التبطيل فاكر لما قلت لمحمد ابو كف ده ظبط سير كاتينه قلك انا ظبطها ومتأكد من شغلى ورجعنا عليها سوا ونا كنت متاكد من شغله بردو بس كنت مستغرب بعد ما مشيت فضل محمد باصص للعربيه ومركز ونده محمد المساعد بتاعه وقله حل الفتيس انتا ركبت الترس أزاى وأكتشف العيب فى سعتها وكمان للتأكد دخل على النت وأيقن أن الترس ده له عدله - واحد فاهم الصراحه وبيحب شغله

**nesr6060** · 05-04-2014 03:44 PM

المشاركة الأصلية كتبت بواسطة hossamalsadik

الله يبارك فيك أحمد بيه
عاوزها تجيب ال 200 حاضر بس استنى على شويه هههه

متاكد معتقدش انه اصلا هيجيب ال 160

المشاركة الأصلية كتبت بواسطة hossamalsadik

ابالنسبه لموضوع التكييف ممكن تتصل بيه تسأل
وبردو مركز المعادى الى بتقول عليه ده متخصص وكان فى زميل لينا هنا فى القسم اعتقد أ/ أيمن من اسكندريه عمل عندهم التكييف وتكلف 3100ج على ما أذكر وركبله تكييف سندان إستيراد الباقى جديد فى جديد فى أبيزا 2001 ماتور 1400cc وهذا ما أتذكره

ايوه انا عاوز من ده ابو جديد فى جدبد بس مش لاقى الموضوع وبعدين فين عنوانه فى المعادى واعتقد كان كومبروسور يابانى يعنى تكيف جبار

**hossamalsadik** · 05-04-2014 03:54 PM

المشاركة الأصلية كتبت بواسطة grandfox

الف مبروك يا حسام بك
ربنا يباركلك فيها ويكفيك شرها والحمد لله ان فيه حد فاهم بالشكل ده الواحد ممكن يستفيد من تجاربه
ومن خلال متابعتى لموضيعك السابقة فأنا عارف انك لا تقبل الدنيه فى شغل السياره وده اللى مخلينى متأكد من صحة قرارك بشأن التعمير
وبتوجه اليك بالشكر لأنك عرفتنا على المركز المحترم ده وان شاء الله لو الواحد محتاج يصين اى حاجة بأذن الله هيروحلهم

الله يبارك فيك شكرا لذوقك
والحمد لله على كل حال

-

الموضوع: عمرة ماتور ابيزا 2000 - الجزء الثانى

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تجربة تفريغ نص بولو كلاسيك فى ابيزا 98 (الجزء الثانى)

بالنسبه للماتريكس:عمرة ماتور ولا ماتور استيراد؟

وفاة العظماء ( الجزء الثانى )

صور مرورية الجزء الثانى

الكلمات الدلالية لهذا الموضوع

المفضلات

المفضلات

ضوابط المشاركة