عاجل : رداخ البنزين في الفيشيا افيدونا الله يباركلكم

**محمد حسن82** · 04-04-2014 11:47 AM

يا جماعة الفليشيا افيدوني الله يخليكم الفليشيا طلعت روحي امبارح قطعت مني وادور مش بتدور ركنتها علي جنب زق وقلفتها وجيبت الميكانيكي حل الرداخ ووصله بالبطارية مش بينطق قالي الرداخ مع السلامة ولتله ازاي انا جايبه لسه من 3 شهور بس وياباني اصلي ب 250 قالي المسمارين اللي ماسكينه كانوا مهوين مش مربطوين كويس ومع الهز باظ ، روحنا جيبنا رداخ جديد قولت اجيب اي حاجة غير الصيني لغاية ما اجيب حاجة نضيفة لقيت حاجة تايواني ب 120 جنيه ركبته مفيش 3 او اربع كيلو سخن قطعت تاني كلمت الميكانيكي وكنت قريب منه قالي افتح كونتاك وشوفه شغال ولا لأ لقيته مش شغال ، جاني حط ميه عليه اشتغل ، قولتله ده مش نافع يلا اروح لبتاع قطع الغيار نغيره وكنت زهقان جدا ، بتاع المحل لم يتكلم معنا وقالنا هاغيره بواحد تاني تايواني برضو بس احسن منه وكده ابقي خلصت ضميري معاكم ، يادوب ركبناه ومشينا للورشة نزل الميكانيكي علي ورشته وانا مشيت 500 متر بس قكع تاني ههههههههههههههه بجد انا امبارح كان هيحصلي حاجة في دماغي . معلش طولت عليكم بس عايز الكل يستفيد من التجربة . انا عايز اعرف من اصحاب الخبرة نوع رداخ كويس وميكانييكي كويس يركبه في الاسكندرية ، وشكر جزيلا لكم

**sakr_skoda** · 04-04-2014 12:16 PM

انتا ممكن تسال على الكاربرتير كامل استيراد وبلاش تشترى قطع غيار جديده لأن اللى فى السوق غالبها مضروب

**sakr_skoda** · 04-04-2014 05:46 PM

المشاركة الأصلية كتبت بواسطة adhmmaamon

الراجل بيسأل على طرمبه البنزين ياعم صبحى .

على العموم دايما طرمبه البنزين الكهرباء بتقطع من السخونيه اللى فى حوض العربيه وخصوصا حوض الفليشيا .. كمان يبدو انك مركبها فى مكان مفيهوش تهويه علشان كده بتسخن بسرعه .

الحل واحد من اتنين
- انك تجيب ماركه تستحمل الحراره زى البوش الالمانى او ميتسوبيشى اليابانى واعتقد ان دول احسن ماركتين دلوقت شرط انهم يكونو الاصليين والسعر فى حدود 175 جنيه الى 200 جنيه .

- الحل التانى وده الحل الجذرى للمشكله هاتروح للميكانيكى وتقوله يعملك عند الخراط فتحه فى عمود الكامه وتركب رداخ ميكانيكى .. احسن مليون مره من الكهربائى وسعره اقل بكتير حوالى 60 او 70 جنيه وممكن يبقى معاك الرداخ الكهرباء (الطرمبه ) وتشغلها وقت احاجه لو الطرمبه الميكانيكيه بعد عمر طويل جدا حصلها حاجه .
تحياتى

والله انا اعرف ان رداخ البنزين دا بيبقى فى الكاربرتير لاكن فعلا لو قصدك طلومبة البنزين طيب هو بيقول المسمارين اللى مسكين الرداخ مهوين فى حين ان طلومبة البنزين ممكن تتربط بمسمار 10 فى اى مكان فى حوض العربيه مش مسمارين لأن ملهاش قاعدة ثابتة فى الحوض لاكن على العموم لو القصد طلومبة البنزين يبقى فعلا الميتسوبيشى افضل وانا كنت شاريها من سنة ب175 جنية وبس لازم حيغير الخراطيم معاها**

**sakr_skoda** · 04-04-2014 09:21 PM

المشاركة الأصلية كتبت بواسطة adhmmaamon

انت زعلت ولا ايه ؟؟
ياعم صبحى دا احنا بنتعلم منك ... وانا مش قصدى والله .

ازعل منك ازاى ياراجل دا انتا حبيبى **ماسجلت رقم تليفونك ليه ؟؟؟

**أحمد جودة** · 05-04-2014 12:25 PM

انا مركب طلمبة بزين كهربة وشغالة كويس من يوم ماركبت هيا صناعة ماليزي على حسب كلام البياع وكان سعرها 80 جنية ومخلي معايا واحدة اسبير للظروف الطارئة .......... اسهل تركب حاجة زيها وتركيبها سهل