ياجماعة فيه حد استخدم الجهاز ده او اى جهاز مشابه
للتخلص من الكرش
Amazon.com: Ab Rocket Abdominal Trainer: Sports & Outdoors
شكرا
عرض للطباعة
ياجماعة فيه حد استخدم الجهاز ده او اى جهاز مشابه
للتخلص من الكرش
Amazon.com: Ab Rocket Abdominal Trainer: Sports & Outdoors
شكرا
متابع
ولا ليه لزمه ومتعب جدا و مرمي عندي وسط الكراميب
لا للأسف ما استخدمتهوش قبل كده
سيبك منه فعلا
عندك حل اسهل كتير هو انك تشوف اى حاجة تقدر تنام على الارض عليها و اعمل تمارين على الارض عادى
اهم حاجة فى المموضوع ده الاستمرارية
يعنى لو عملته كل يوم هيفرق معاك جدا
عشان دايما اللى بيحصل معانا كلنا اننا نبدأ جامد كامم يوم و اول ما نبتدى نظبط شوية نقوم مكسلين لا مفروض العكس اول ما تشوف نتايج تكمل و تزود
عزيزي السائل القول الفاصل في سؤالك ..
أولا : أنا مش هفتي علي حضرتك لأني معايا دبلومه تغذيه .. و تدريب رياضي
ثانيا : كل الأجهزه اللي في السوق ملهاش أي لازمه ..
بدون كلام كتير التخلص من الكرش يتم عن طريق تمرينات قلبيه أو Cardio كما هو متعارف عليها ..
زي الجري كل يوم .. + تنظيم الأكل و التخلص من العادات السيئه زي قله شرب الميه و الإعتماد علي العربيه بشكل كامل و قله المشي .. و ال fast foods و الاكل قبل النوم مباشره ..
فيه مثل أمريكي بيقول Abs are made in kitchen يعني عضلات البطن بتتعمل في المطبخ في إشاره إلي أهميه تنظيم الأكل إذا أردت الحصول علي عضلات بطن قويه ..
في نقطه مهمه أوي .. إن حضرتك لو حبيت تلعب بطن معتقدا إنها هتخسس الكرش .. مضطر أصدمك و أقولك " لأ " مش هتخسسه .. هي هتعمل لك عضلات بطن بس تحت الدهون لإن الدهون مش هتخس غير بالطريقتين اللي قلناهم فوق ..
أنا عارف إن حضرتك هتقول الموضوع صعب مش زي ما انا بتكلم .. بس حتي و لو فواجب عليا أعرف حضرتك إن الجهاز ده ملوش لازمه .. و لا حزام البطن ولا أي حاجه ..
النقطه الأخيره و هي تفصيل لنقطه التغذيه .. لازم حضرتك تعتمد علي منتجات حارقه للدهون .. زي الشاي الأخضر العادي و الرمان " اللي هو أتعمل عليه أبحاث أثبتت إنه بيخسس المنطقه الشخميه في البطن " اللي بتتصنف علي إنها Stubborn Fat دهون صعبه جدا في نزولها ..
و في أدويه أو بمعني أصح مكملات غذائيه زي chromax و Lipo-six و غيرهم تساعدك نسبيا في التخلص من الدهون .. لكن الأهم الجري أو التمرينات القلبيه مع التنظيم المحترم للأكل ..
تحياتي