ميكانيكي شيروكي ليبريتي 2003

**WalidAdel** · 05-10-2008 07:04 PM

عندي مشكلعه في الشيروكي و مش عارف لها حل العربيه انا ليسه شاريها مستعمل بس فيها شوية مشاكل و لمبة check engine منوره
و الشاشه مطلعه Error {bo 123 , bo 122}
و انا مش فاهم حاجه خالص و الحمد لله
محتاج مكانيكي يظبط العربيه و كده
حد يعرف واحد و يكون محترم

**WalidAdel** · 05-10-2008 09:54 PM

الله يخليك ياباشا بس النقطه ان التوكيل حيعملها عملية جراحيه و يقولي دي فيها و فيها وفيها و انا مش عايز كده عايز الموضوع يبقي في الحنين يعني

**M!NA** · 14-10-2008 07:10 PM

المشاركة الأصلية كتبت بواسطة walidadel

عندي مشكلعه في الشيروكي و مش عارف لها حل العربيه انا ليسه شاريها مستعمل بس فيها شوية مشاكل و لمبة check engine منوره
و الشاشه مطلعه Error {bo 123 , bo 122}
و انا مش فاهم حاجه خالص و الحمد لله
محتاج مكانيكي يظبط العربيه و كده
حد يعرف واحد و يكون محترم

طيب ممكن سؤال؟
هي اللي معاك 4 ولا 6 سلندر ؟
و مانيوال ولا أوتوماتيك ؟

هي أسئلة بعيدة بس أنا كنت عايز أعرف ايه تقييمك للعربية ديه بعيدا عن المشكلة اللي ظاهرة فيها

**WalidAdel** · 15-10-2008 04:17 PM

المشاركة الأصلية كتبت بواسطة vw_driver

طيب ممكن سؤال؟
هي اللي معاك 4 ولا 6 سلندر ؟
و مانيوال ولا أوتوماتيك ؟

هي أسئلة بعيدة بس أنا كنت عايز أعرف ايه تقييمك للعربية ديه بعيدا عن المشكلة اللي ظاهرة فيها

هيا العربيه انا شاريها مستعمل بس مش عارف حاسس ان فيها حاجه غلط هيا اوتوماتيك و لما باجي انقل الفتيش بحس ان العربيه بتتهز كتير اوي في النقلات
علي سبيل المثال انا علي الدريف و عايز اجيب الباركينج فبعدي علي النورمال و الريفيرس بلاقي العربيه بقي بترجع لورا كده سنه مع اني دايس فرامل كويس و عصاية الفتيس عامة ناشفة في الحركه بتاعتها مش سلس زي اي اوتوماتيك غير كده العربيه كويسه و الحمد لله
و ساعات الاقي نقلات العربيه كويسه فمش عارف حاسس ان في مشكله كبيره
و التوكيل سفاح فمستني اي اعرف اي ميكانيكي كويس اروحلوا
بخصوص الثبات مجريتش بيها اوي كان اخري 120 بس علي طريق اسكندريه الصحراوي مش بزود عن كده في العربيات العاليه عن الارض فكانت معقوله علي السرعه دي ازيد من كده معرفش بس مش من العربيات اللي تديك الجراءه انك تزود عن ال 120
هيا عايزه طريق حلاوه يعني ترمي عليه شويه ميه يجروا يعني لكن اسكندريه الصحراوي مش حلو اوي عامة انك تجري عليه بس بالعربيه النيسان صني ببقي ماشي 140-150 طول الطريق

علي فكره الايرور اللي طلع ده كانت الفيشه يتاعت الباب الخلفي كانت معلقه فصلت الفيشه خالص و ركبتها تاني و فصلت كبل البطاريه و بعد خمس دقائق ركبته تاني و
العربيه اشتغلت كويس

العربيه 6 سلندر

**M!NA** · 15-10-2008 04:55 PM

المشاركة الأصلية كتبت بواسطة walidadel

هيا العربيه انا شاريها مستعمل بس مش عارف حاسس ان فيها حاجه غلط هيا اوتوماتيك و لما باجي انقل الفتيش بحس ان العربيه بتتهز كتير اوي في النقلات
علي سبيل المثال انا علي الدريف و عايز اجيب الباركينج فبعدي علي النورمال و الريفيرس بلاقي العربيه بقي بترجع لورا كده سنه مع اني دايس فرامل كويس و عصاية الفتيس عامة ناشفة في الحركه بتاعتها مش سلس زي اي اوتوماتيك غير كده العربيه كويسه و الحمد لله
و ساعات الاقي نقلات العربيه كويسه فمش عارف حاسس ان في مشكله كبيره
و التوكيل سفاح فمستني اي اعرف اي ميكانيكي كويس اروحلوا
بخصوص الثبات مجريتش بيها اوي كان اخري 120 بس علي طريق اسكندريه الصحراوي مش بزود عن كده في العربيات العاليه عن الارض فكانت معقوله علي السرعه دي ازيد من كده معرفش بس مش من العربيات اللي تديك الجراءه انك تزود عن ال 120
هيا عايزه طريق حلاوه يعني ترمي عليه شويه ميه يجروا يعني لكن اسكندريه الصحراوي مش حلو اوي عامة انك تجري عليه بس بالعربيه النيسان صني ببقي ماشي 140-150 طول الطريق

علي فكره الايرور اللي طلع ده كانت الفيشه يتاعت الباب الخلفي كانت معلقه فصلت الفيشه خالص و ركبتها تاني و فصلت كبل البطاريه و بعد خمس دقائق ركبته تاني و
العربيه اشتغلت كويس

العربيه 6 سلندر

شكرا جدا عالتقييم...

أصل أنا قدامي شيروكي عيون بحالة كويسة أوي بس 4 سلندر مانيوال...2500cc
جربت أسوقها و كان من أكتر عيوبها أنها تقيلة أوي في السحب و لو فيه أي بركة مية ممكن العربية تعوم منك و تفقد الاتزان (مش عارف دا نوع كاوتش ولا ايه)
كمان و أنتا بتحود فيها تزييقة جامدة في العجل معرفش سببها ايه...
بس ميزتها الوحيدة أنها مش سفاحة أوي في البنزين زي ال3700cc

أخبار استهلاك البنزين معاك ايه؟؟

على فكرة بالنسبة لميكانيكي الشيروكي أكتر واحد ممكن يفيدك هو أستاذ أدهم... هو كان قاللي قبل كدا على واحد عنده مركز خدمة في المعادي
ممكن تبعتله عالخاص و تسأله

**WalidAdel** · 15-10-2008 06:51 PM

المشاركة الأصلية كتبت بواسطة Adham

ميكانيكي شيروكي محترف انزل الحرفيين و روح عند "حربي السروجي" بعد منة اخر الشارع اللي هوة فية تلاقي ابراهيم شيروكي

و لو انت من المعادي انزل الشطر السابع بعد بنزينة موبيل انزل يمين و اسأل على جيب هاوس بتاع حسن رشاد

شكرا ياباشا و الراجل ده كويس يعني محترم في شغله ولا ايه النظام