تستلم على خير ان شاء الله وربنا يديك خيرها ويكفيك شرها
قبل ماتستلمها شيك على كل حاجه فيها شغاله ولا لا
شيك على البودى كله فى خرابيش او خبطات واتعملت او حاجه ويفضل يكون معاك حد فاهم فى الكلام ده
خد بالك من الحاجات اللى المفروض تستلمها مع العربية
2 كتالوج واحد عربى وواحد انجليزى
كتاب الضمان
الاستبن وعدة تغير الكاوتش
2 عتلة جر
اداة لفك حلى مسامير الكاوتش

اول ماتستلمها ضبط الكاوتش - انا استملت الضغط عندى كان 45
امشى اول 1000 كيلو على 80 والا ار بى ام يفضل لغاية 2 ونص ومش تشغل التكييف
فول تانك البنزين وحسب تجارب الاعضاء وكلام المهندسين فى التوكيل يفضل تحط بنزين من وطنية او موبيل

وربنا يديك خيرها دائما ان شاء الله