الموضوع: تم تفتيح العربية و الحمد لله - كورولا ٢٠١٤ -

المشاركة الأصلية كتبت بواسطة kaza

كويس الكلام دة بس نخلي بالنا انك لو تخلصت تماما من الشكمان وبقي 0ضغط خلفي حيحصل فقد في العزم والقدرة وهتحصل علي مصدر مزعج جدا دون طاقة تذكر ودة حنلاحظة في محركات الفورميولا من ضرورة وجود مواسير العادم للحصول علي ضغط خلفي مايسمحش بالتخلص من غازات الاحتراق جملة واحدة بمجرد فتح صمام العادم
طيب دة لية يا باشا الكلام اللى انت بتقوله ده مشفتهوش فى اى كتب محركات احتراق داخلى ابدااااا

يا باشا اصلا اصلا انت بتناقض نفسك ازاى لو مثلا مثلا مفيش ضغط على البستم ( ااقصد ضغط غازات العادم ) بعد power stroke حيكون ده مضر للمحرك؟؟؟؟

اذا كان احنا اصلا فتحنا صباب العادم قبل ما power stroke يخلص وضحينا بجزء من الطاقه اللى احنا اصلا عاوزينها علشان نقلل ضغط الغازات دى !!!!!!!!!!!!!!!!!!!


علشان كلما زادت سرعة المحرك يتداخل زمن فتح الصمامات والذي اساسا بيتم فتح صمام العادم قبل بلوغ المكبس النقطة الميتة السفلي والتي يجب بلوغها لضمان الاستفادة الكاملة من تمام احتراق الشحنة وكلما زادت سرعة الدوران ونتيجة لخواص الغازات والتي تتناسب عكسيا مع سرعة الدوران
على فكره لمعلوماتك برضه تداخل فتح الصمامات للمحرك ليس له علاقه بسرعه دورانه المحرك بيلف عند سرعه 1000 او بيلف عند سرعه 3000 فى الحالتين المحرك مصمم انه فى تداخل فى زمن فتح الصمامات اللى انا قولت عليها اسمها overlap period ( الكلام ده صحيح مائه بالمائه حتى ظهور ما يسمى ب variable valve timing معرفش تعرفها ولا متعرفهاش ؟؟؟؟

والكلام دة تم التغلب علية للحصول علي طاقة اعلي واستهلاك اقل بالتغيير المستمر في مسافة وزمن الفتح لكل من صمام الحر والعادة حاليا
اما اذا تم التخلص من العادم بسرعة وبسهولة في حالة عدم وجود شكمان او نظام عادم من الاساس
هيكون مافيش غازات تتمم الضغط علي المكبس لغاية نهاية مشوارة وبالتالي هتبتدي تستهلك الطاقة المخزنة في الحدافة لتعويض الفقد واتمام اشواط الضغط لباقي المكابس وبالتالي العزم هيقل جدا
اما بالنسبة للتخلص من الكاربون
النقطة الاساسية هي اتمام حرق الرواسب للتخلص منها بتحويلها الي غاز والكربون لا يتم التخلص منه بضغط الهواء لشدة التصاقة بغرفة الاحتراق لدرجة في بعض الاحيان بيتم الاستعانة ببوري لحام لحرق الكربون عن طريق فتحات شموع الاحتراق دون االحاجة للفك الكلي لوش السلندر والطريقة المثلي هي بفك الموتور ووضع المكونات في محلول مذيب لفترة تزيد بزيادة الرواسب بس الكلام دة قديم قوي والمحركات دلوقتي انظف وتصميمعا افضل بكتيير وبالتالي مافيش مجال نقعد نلكلك في حاجات مالهاش لازمة دلوقتي

بورى لحااااام علشان تحرق الكربوووون؟؟؟؟؟؟؟؟؟؟؟؟؟؟؟ ؟؟؟؟


يا مثبت العقل والدين يا رب

احب انوه مع ان حضرتك مش محتاااج برضه

ان مش كل الكربون فى المحرك مضر
الكربون اللى بيتكون على جدار الاسطوانه مثلا يعتبر مفيد وبيعمل حبك للضغط وكمان نوع من التشحيم الطبيعى

واغلب مصنعى السيارات بيقولوا ان الطاقه القصوى للمحرك بتظهر بعد تقريبا 5000 كيلو عقبال ما نسبه الكربون على الاسطوانه تتكون

حتى اللى بيحولوا عربيتهم من بنزين لغاز لو جديده المركز مبينصحش بكده قبل 10000 كيلو لان حرق الغاز الطبيعى مفيهوش نسبه كربون زى البنزين


حاجه كمان ليك يا باشا

الكربوبون مضر بس لما يبقى قطعه صغيره فى الماكينه ويسخن ويعمل حاجه اسمها hotspot

ده زمان كان بيخلى العربيات متبطلش وتفضل شغاله بعد ما تطفيها شويه او بيعمل detonation اللى بنسميه تسقيف وكل الحاجات دى مش حتحصل فى عربيه لسه جديده زى ما بنتكلم هنا عن التفتيح وسواء هوا حاجه علميه او لا

عارف انا لسه داخل على الموضوع تانى وقريت المشاركه دى تانى مع انى مكنتش عاوز اعلقلك على حاجه تانى بس انت بشويه الكلام اللى فوق ده شكلك حتخترع علم ميكانيكا تانى لوحدك

انا عارف ان اغلب الناس المحترمين اللى هنا مش تخصص ميكانيكا او درسوا محركات احتراق داخلى بس رجااء لو حد درس يا جماعه وعنده فعلا علم يحكم بينا لان الاخ عدت منه خااااالص

المشاركة الأصلية كتبت بواسطة kaza

ياباشا اللينك اللي حاطة لية 444.000 نتيجة مين فيهم الخاص بالكامري
وفارق 3 حصان ممكن جدا يكونوا لاختلاف نسبة البنزين او البورتنج لوش السلندر او نظام عادم باير فلو افضل كل دة كويس بس ماشالوش الشكمان خالص وقالوا انة افضل واقوي بص حاريحك خش علي اي حد بيعدل مواتير وشوف بيقولوا اية علي الباك بريشر
بالنسبة للمواتير وبما انني مش ضليع في الكمبيوتر زي حضرتك بقي فرق اجيال وبالرغم من محاولاتي لضغط الملفات علشان اثبت لحضرتك مصدر معلوماتي والتي بائت بالفشل نتيجة تحديد ادارة المنتدي لحجم الملفات ب2 ميجا بيات ودي كارثة لنقل البيانات وياريت اي حد من الاخوة الافاضل او حضرتك تكسب فيا ثواب وتعلمني كيفية ننشر الملفات علي المنتدي لان دي عقدتي من زمان ومش عارف احلها
لكن يلا بص ياسيدي فية محرك عجوز زي حالاتي (فرق اجيال بقي) اسمة محرك 2 لتر او 2000 او 2كامة عملتة شركة قديمة اسمها فيات بتصميم واحد قديم اسمة ميناردي سنة 69 والمحرك دة استمر في الخدمة حتي سنة 96 وركب علي موديلات مختلفة من اول 125/124/132/الارجنتا/الريجاتا/التمبرا/الكروما للفيات وللانشيا من اول فلافيا /037/مونتكارلو/دلتا/بريسيما/تيما/ديدرا والالفا155/164/الفتا /جي تي علي مختلف الموديلات
المحرك دة نفسة لكل موديل بيطلع عزم اعلي واحصنة اعلي من فيات لصالح لانشيا او الفاوطبقا لادوات التغذية وبرضة الفرق بيكون في حدود 3:5 حصان بخلاف تجهيز الضواغط او الشاحن او انظمة العادم
المحرك دة شهير جدا وممكن تدخل تكتب fiat/alfa twincam engineوتقارن الارقام بنفسك وتشوف بعينك انا باقول اية
نرجع لمرجعنا انة علميا لا يجوز الاستغناء نهائيا عن الضغط الخلفي للعادم وفي حالة التخلص منة تماما بيحصل فقد كبير في القدرة والعزم واجهزة اختبار السيارات (الديناموميتر)خير مثال وهات اي كارو وحطها بمواسير عادم وقيس وشيل العادم وقيس اعمل تجربة حية وشوف الطخ اللي باطخة صح ولا غلط (اختلاف اجيال)
وتاني احنا بنجادل في اية بنخترع العجلة ولا بنعمل مواتير ....لا عملنا دة ولا دة الحمدلله بس بنطنطط فقط انا اسف علي حدة كلامي بس لما تدرس هندسة وتمارس تعديل محركات وتشتغل في توكيلات عريقة وتسافر تكمل دراستك وشغلك في ايطاليا وترجع تلاقي الناس لسة بتتكلم في الاكسهوست باك بريشر بيجيلك احباط
يابية الحجة بالحجة وياريت تفتحلي ايواب علمك الغزير لنستفيد منة كلنا إن شاء الله
انا قلت اللي اتعلمتة ومارستة علي مدي سنين عمري (اجيال بقي )والامانة تقتضي توصيل معلومة صحيحة للاجيال لتتواصل الخبرات ولا اية
عموما اسف لاحتدادي عليك جت فيك بعد غيبة من المنتدي وتحياتي ليك

اللينك اللى موجود وااضح مفيهوش اى مشكله

حتلاقى فى اللينك ان العربيه الكامرى ليها كذا كاتجورى مختلفيش فى السعر طبعا لاختلاف الكماليات

منهم اول فئه المحرك بتاعها 2.5 لتر وبيطلع قدره مختلفه عن الفئه اللى بعديها بفارق 3 حصان

وعلى فكره لو بصيت فى اختلاف الكماليات حتلاقى الفرق بينهم ان العربيه الاولانيه بعلبه شكمان واحد اما التانيه فيها اتنين علبه شكمان

فده خلى ان back pressure فى التانيه ااقل وادى خرج احطه فى النهايه اعلى

على فكره مصطلح ال back pressure بيعنى هوا المقاومه اللى بتقابلنا بعد وخلال خروخ العادم من الاسطوانه مش بس خلال خروج العادم


ثانيا عذرا انا مش حقبل من حضرتك كلامك عن المثال اللى انت حطيتهولى فوق للرد على سؤالى لو تعرف تجيب لينك يؤكد كلامك او اى معلومه موثقه اكون شااكر

ومش عاوز ادخل فى جدااال كبير علشان اقنعك ان انت اللى بتقوله ده كلام غير منطقى ومينفعش بدون تعديل على المحرك بس خلينا الاول مستنين توثيقك للكلام مش مجرد كلاااام وبس