لسه بتربط حزام الأمان .. ؟؟

كلنا لاحظنا بعد 30-6 كثرة كماين الشرطة في معظم شوارع مصر وبعيدا عن اي كلام في السياسة او الكمين وطريقته الخاطئه في الوقوف ومساعدته على زيادة الزحام في الشوارع ، اللي هي اصلا مش مستحمله زحام وفيها ما يكفيها ...

لكني لاحظت ان ضابط او امين الشرطة معدش بيهتم هل قائد السيارة رابط الحزام او مش رابطه

يا ترى لسه بتربط حزام الأمان السيارة .. ؟؟

بعضنا اتعود على الحزام واصبح مش محتاج رقابه عليه لإلزامه بربطه .. والبعض الآخر كان متضرر ومخنوق من الحزام وكان بس بيربطه بس من اجل عيون ضابط المرور :Oc_sun1[1]:


انا عن نفسي من الناس اللي اتعودت عليه لدرجة اني لو ما ربطوش بحس اني قاعد بَلٌوق وهقع بره العربية :shyy: ... بالاضافه انه بيحميني من آلام الضهر .. وكان سبب من اسباب اختفاء الكرش :36_7_7[1]:


اكيد مش محتاج اكتب عن اهمية حزام الأمان فكلنا عارفين مدى اهميته في المساعدة على حماية ركاب السيارة من الاصابات او لقدر الله من الموت في الحوادث .. وانا عن نفسي اعرف اصحاب وزمايل كتير تعرضوا لحوادث بشعه وخرجوا منها بسلامة .. فقط لأنهم كانوا رابطين الحزام

واعرف برضه اصدقاء وزمايل تعرضوا لحوادث اقل من السابقه ولكن كانت اصابتهم الشخصية بالغه لعدم إلتزامهم بربط الحزام

واعرف ناس كانوا راكبين نفس السيارة واللي رابط الحزام طلع سليم واللي مش رابط الحزام كانت اصابته بالغه وللأسف وشه اتبهدل وركب شرائح بوجهه وملامحه اتغيرت .. عفاكم الله


الخلاصة .. حزام الأمان هو نتاج ابحاث عديده بشركات السيارات لحماية الركاب .. ولم يوضع في السيارة للرفاهيه او حتى للسرعات العالية فقط (كما يعتقد البعض)

من اجلك سلامتك .. اربط الحزام

من اجل سلامة اسرتك و اولادك .. اربط الحزام

ورحمة كل قريبك اللي توفوا في حوادث طرق .. اربط الحزام

هو بصراحة وبكل أمانة لما بربط حزام الامان بحس بالتركيز في السواقة لو مسافر على طريق وكمان بيظبط القاعدة وبالتالي بيساعد على التركيز زي ما قولت

لكن على ارض الواقع قليل لما بربط حزام الامان :Copy of rfds:

الحزام مهم جدا طبعا
في في الغالب مفيش حد حاليا بيستخدمه الا القليل
المرور مهتم بالفاميه والحزام مابقاش حد بيسال

مش هربطه تاني ابداً

لا لاني 99 من سواقتي جوا البلد

اقتباس:

---

المشاركة الأصلية كتبت بواسطة Ahmed.Essam

هو بصراحة وبكل أمانة لما بربط حزام الامان بحس بالتركيز في السواقة لو مسافر على طريق وكمان بيظبط القاعدة وبالتالي بيساعد على التركيز زي ما قولت

لكن على ارض الواقع قليل لما بربط حزام الامان :Copy of rfds:

---

صدقني لو حاولت تضغط على نفسك 4 او 5 مرات ورا بعض .. بمرور الوقت هتتعود وهيبقى اساس من اساسيات سواقتك .. وربنا يستر طريقك

اقتباس:

---

المشاركة الأصلية كتبت بواسطة hugan

الحزام مهم جدا طبعا
في في الغالب مفيش حد حاليا بيستخدمه الا القليل
المرور مهتم بالفاميه والحزام مابقاش حد بيسال

---

ده حقيقي فعلا

اقتباس:

---

المشاركة الأصلية كتبت بواسطة eng f3lix

مش هربطه تاني ابداً

---

ليه بس ؟؟ طب قولي هو زعلك في اية ؟؟ :ma:

اقتباس:

---

المشاركة الأصلية كتبت بواسطة john55

لا لاني 99 من سواقتي جوا البلد

---

صدقني حضرتك ده اعتقاد خاطئ .. ولو كان صحيح كانوا كتبوا في كتالوج السيارة مثلا ينصح بإسخدام حزام الامان بعد سرعة كذا


طب جرب يبقى جنبك طفل مثلا وانت ماشي على سرعة 40 واضرب فرامل فجأة وشوف هيبقى فين .. انا مره ابني كان قاعد في نص الكنبه الورانيه بالظبط وضربت فرامل فجأة وانا على سرعة 50 تقريبا .. لقيته في ثواني اتحدف فوق الطابلوه


اوعى تجرب .. انا بهزر :ma:

عندك حق انا فعلا ابني الصغير كان قاعد جنبي وضربت فرامل فجاه واتخبط في التابلوه بس المشكله ان الواحد اتعود علي كدا انا حزام الامان عندي لسا كيس المصنع فيه فابريكا مستخدمتوش ولا مره وفعلا شكرا لنصيحت حضرتك الواحد يحاول يجرب وشكرا

جوة البلد عمرى ما ربطتة
لكن مجرد ما امسك الطريق السريع اتوماتيك ايدى بتسحبى وتربطة

وبدين زى ما احد الاعضاء قال انا من غير الحزام بحس انى بلق وممكن اتدحرج جوة العربية

يصراحة لم استعملة نهائى

مكنتش بربطه إلا عند اللجان زي أي واحد مصري !
لكن بعد كلام صديق أمريكي ليا كان ضابط شرطة في أمريكا عن أهمية الحزام ده وحكايته عن حوادث بشعة بسبب ناس مكنتش بتحط الحزام ، وبرده بعد نصائح هنا على المنتدى وفيديو أجنبي شوفته من كام يوم لحوادث بشعة بسبب عدم وضع حزام الأمان منها ناس ماتت بسبب كسر ونزيف داخلي ؛ بدأت أحطه من كام يوم بس وألزمت مراتي وأولادي بيه حتى لو قاعدين في الكنبة ورا ، واشتريت مخصوص car seat لآسر ابني الصغير علشان أحطه فيه وأربطه بحزام الأمان
وسبحان الله ! امبارح واحنا جايين من عيد ميلاد المنتدى بالعين السخنة أكلنا المطب اللي أكله كريم منير والأستاذ أحمد عبد العزيز واللي كانوا معاه في العربية واتصابوا كلهم بسببه لكن وبسبب ستر ربنا أولا ولأننا قلنا دعاء السفر وثانيا بسبب إننا حاطين كلنا حزام الأمان الحمد لله محدش اتصاب بالرغم من إني أكلته على سرعة عالية جدا أعتقد ممكن تكون 100 أو أكتر لدرجة العربية اتهبدت هبدة جامدة مرتين ورا بعض لأني أكلت مطبين مش واحد علشان التاني كنت لسة بسرعتي بعد ما أكلت الأول والحمد لله على كل حال
بصراحة لازم محدش يستهون بالموضوع ده وبلاش نقلد بعض في الاستهتار ونفتكرها فهلوة ولو لازم نقلد يبقى نقلد الناس المحترمة بتوع الدول المتقدمة
آسف على الإطالة

اقتباس:

---

المشاركة الأصلية كتبت بواسطة أبو آسر

مكنتش بربطه إلا عند اللجان زي أي واحد مصري !
لكن بعد كلام صديق أمريكي ليا كان ضابط شرطة في أمريكا عن أهمية الحزام ده وحكايته عن حوادث بشعة بسبب ناس مكنتش بتحط الحزام ، وبرده بعد نصائح هنا على المنتدى وفيديو أجنبي شوفته من كام يوم لحوادث بشعة بسبب عدم وضع حزام الأمان منها ناس ماتت بسبب كسر ونزيف داخلي ؛ بدأت أحطه من كام يوم بس وألزمت مراتي وأولادي بيه حتى لو قاعدين في الكنبة ورا ، واشتريت مخصوص car seat لآسر ابني الصغير علشان أحطه فيه وأربطه بحزام الأمان
وسبحان الله ! امبارح واحنا جايين من عيد ميلاد المنتدى بالعين السخنة أكلنا المطب اللي أكله كريم منير والأستاذ أحمد عبد العزيز واللي كانوا معاه في العربية واتصابوا كلهم بسببه لكن وبسبب ستر ربنا أولا ولأننا قلنا دعاء السفر وثانيا بسبب إننا حاطين كلنا حزام الأمان الحمد لله محدش اتصاب بالرغم من إني أكلته على سرعة عالية جدا أعتقد ممكن تكون 100 أو أكتر لدرجة العربية اتهبدت هبدة جامدة مرتين ورا بعض لأني أكلت مطبين مش واحد علشان التاني كنت لسة بسرعتي بعد ما أكلت الأول والحمد لله على كل حال
بصراحة لازم محدش يستهون بالموضوع ده وبلاش نقلد بعض في الاستهتار ونفتكرها فهلوة ولو لازم نقلد يبقى نقلد الناس المحترمة بتوع الدول المتقدمة
آسف على الإطالة

---

حمد لله على سلامتك وسلامة اسرتك ..

وبصراحه انا كاتب الموضوع ده بسبب حادثه امبارح لأني فهمت من طريقة اصابتهم انهم ماكانوش رابطين حزام الامان

قدر الله وما شاء فعل .. حمد على سلامة احمد عبد العزيز وبسكوته .. وكريم منير واسرته .. وربنا يستر طريقنا جميعا

لظروف مرتبطه بتعلمى للقياده
مش بعرف أدور العربيه إلا لما أربط الحزام
ولو فكيته بحس انى مش متحكم فى العربيه
و أنا رابط الحزام بحس أنى العربيه جزء منى وحاسس بكل حاجه فيها

الحمد لله انا بربط الحزام من وانا صغير قبل ما يبقى في قانون مرور جديد ولا الجو ده
حتى لما كنت بركب تاكسي كنت بربط الحزام (ده لو كان موجود وشغال اصلاً انت عارفين تاكسيات زمان) وكان دايماً السواق يبقى مستغربويقولي ماهوش لازمه متربطهوش بس انا كنت بتربس دماغي اني لازم اربطه
دلوقتي انا مش بعرف اسوق من غيره نهائي وبربطه قبل حتى ما ادور العربيه

كنت ارتديه من 20 سنه وما زلت ارتديه وسأظل ارتديه فقط للامان

اقتباس:

---

المشاركة الأصلية كتبت بواسطة أبو آسر

امبارح واحنا جايين من عيد ميلاد المنتدى بالعين السخنة أكلنا المطب اللي أكله كريم منير والأستاذ أحمد عبد العزيز واللي كانوا معاه في العربية واتصابوا كلهم بسببه لكن وبسبب ستر ربنا أولا ولأننا قلنا دعاء السفر وثانيا بسبب إننا حاطين كلنا حزام الأمان الحمد لله محدش اتصاب بالرغم من إني أكلته على سرعة عالية جدا أعتقد ممكن تكون 100 أو أكتر لدرجة العربية اتهبدت هبدة جامدة مرتين ورا بعض لأني أكلت مطبين مش واحد علشان التاني كنت لسة بسرعتي بعد ما أكلت الأول والحمد لله على كل حال

---

معلش هي المطبات دي كانت فين في الطريق وهي مش باينه خالص عشان كلكم تاخدوها كده ولا انتم اللي كنتم بتجروا ومش مركزين
ياريت توضح الموضوع ده عشان احتمال اسفر اخر الاسبوع فالواحد ياخد باله

أنا من أول ماتعلمت السواقه وأنا بربط الحزام .. في الأول كنت برطه منظره بصراحه ماكانش في حد بيربط الحزام ف البلد من 16 سنه فاتوا قبل بقى قوانين المرور والحاجات دي .. فكنت بخادها منظره قال يعني واد أوروبي بقى وكده .. بس بعد كده إتعودت عيا .. ماقدرش أسوق 100 متر من غيره .

اقتباس:

---

المشاركة الأصلية كتبت بواسطة mhkorayem

معلش هي المطبات دي كانت فين في الطريق وهي مش باينه خالص عشان كلكم تاخدوها كده ولا انتم اللي كنتم بتجروا ومش مركزين
ياريت توضح الموضوع ده عشان احتمال اسفر اخر الاسبوع فالواحد ياخد باله

---

قبل البوابات اللي في آخر طريق العين السخنة وانت راجع متجه للقاهرة تقريبا قبل القطامية بحوالي 17 كيلو أو ما شابه
هتلاقي يفط مكتوب "احذر منحنى خطر" بس مش كاتبين إن في مطبات هتاخد المنحنى عادي مش مدي خوانة هتلاقي فجأة طلعلك حوالي 4 أو 5 مطبات عالية ورا بعض والمكان شبه مظلم وفي ملف وحاجة قلة أدب الصراحة

بصراحة بربطة فى السفر ، أما جوة البلد لا.
وأهميته لا يختلف عليها اتنين وعن تجربة.

أنا بستغرب من الناس المتعلمة المثقفه اللى معانا فى المنتدى ولسه مش شايفين ان الحزام مش مهم داخل المدينة !!!!
بعد كل المواضيع اللى اتعملت فى المنتدى والنقاش اللى حصل بخصوصها

ياحضرات لو انت ماشى بسرعة 50 كلم/س وحصل تصادم لا قدر الله فى حائط ... الخبطة ديه تعادل سقوطك من الدور السادس !!!!
ولو ماشى على سرعه بطيئة جدا ولتكن نصف السرعه السابقة 25.5 كم/س وحصل تصادم مع عربية مقابله ليك بنفس السرعة ... كده يبقى السرعة النسبية بينكم هى 50 كم/س ... وتعادل نفس الخبطة السابقة فى المثال الأول

والحزام هيكون ليه دور كبير فى حمايتك ومن معك بإذن الله

شوفوا الموضوع ده

http://www.nilemotors.net/Nile/40605...post3875430025

انا بقى بصراحة على حسب العربية
يعنى لو العربية نضيفة و فيها حزام امان ما بعرفش امشى من غيره
لكن عربيتى الحالية ما فيهاش حزام اصلا هههههه. الحزام الموجود الحزام المحمول بتاع هانى رمزى

قبل الثوره كنت بستخدمه وعن اقتناع كمان
حاليا مش بستخدمه علشان ميبقاش شكلى شاذ

نادر جدا لما تلاقى حد رابط الحزام فى الوقت الحالى

أنا بستعمله حتى قبل صدور القانون لكن بعد القانون الواحد إرتاح من التريقه على إنه رابط الحزام

لازم وحتما ودائما أربط الحزام قبل ما اتحرك بالعربية
وفعلا لا استطيع القياده بدونه .. بحس انه ناقصني شئ وزي ما قال الزملاء بـألق في الكرسي :)

بـرغم إني علي المستوي الشخصي لا اعرف اي شخص من اصدقائي واقاربي وزملائي ومعارفي ملتزم بربط الحزام .. إلا اني مقتنع بأهميته وخلاص إتعودت عليه من سنوات

أنصح كل الأخوه الزملاء هنا بالمداومه علي استخدامه .. وصدقوني لو استخدمته اسبوعين بس ما هتقدرش تسوق من غيره بعد كدا
كفانا الله واياكم شر الحوادث والمواقف المفاجئة

انا اصلا بحط حزام الامان اول ما اتعلمت سواقه يعنى قبل ما يقرروا فى مصر بسنين :)

أنا بستعمله من قبل اصدار القانون لاني متعود عليه من الكويت
و ياما خدت تريقه عشان بستعمله
زيه زي كيس الزباله اللي بستخدمه جوه العربيه

حزام الأمان عندي شيء أساسي, من غيره احس ان في حاجة غلط و انا ماشي

بصراحة مش فكل وقت ومقصر

هوا احنا بنربط الحزام علشان خايفين من رجل المرور!!!!!!!!!!!!!!!!

ابدا والله حزام الأمان امان لمن يركب السيارة ان كان سائق او راكب وانا شخصيا باربط حزام الامان حتى لو ماشى داخل المدينة بقت عادة بقى ربنا يتوب علينا منها هههههههههههههههه لأن الموضوع دا بقا منتقض واصبح عجبا ان ترى راكب السيارة يربط حزام الآمان !!!!!!!!!!!!!!!!!!!