انا عندى استفسار ازاى ممكن العربية تمشى و الهاند بريك مش نازلة ذى ما حصل مع حضرتك ؟؟ انا عندى فى البونتو استحالة تتحرك من مكانها غير لما انزلها و كمان بيبان عندى فى الكمبيوتر انى لازم انزل الهاند بريك!
لا بامانة محستش باى اختلاف العربية كانت ماشية من غير اى حاجة يمكن كمان يا ابراهيم لان الهاند بريك مكنتش مشدودة للاخر :D
بس مدام شوماخر زى العسل والله بتفكرنى بنفسي فى بداية السواقة ::D
ياما بردة وقفت شوارع و انزل من عربيتي و الناس تسوقلى العربية عشان ببقي ملخومة و
هنجت من كتر زعيق الناس:nerd4:
بس بصراحة الرجالة بقا خلقها ضيق اوى على الستاات خصوصا لما يحسو انها لسه بتتعلم :funny34d:
الف مبروك اولا علي العربيه ربنا يبارك لك فيها
ثانيا مفيش اي خوف مناستعمال فرامل اليد ومش بتبوظ اي حاجه غير تيل الفرامل اليد وده سهل تغيره وفي التوكيل عموما روحي مدرسهسواقه افضل الاول عشان تتدربي علي السواقه وبعدين عيشي وربنا يحفظك:tank::2003126104835_wrc::D
انا حاسة كدة فعلا يا كايت زى ما قال استاد خالد
ما تتعلمى فى مدرسة سواقة او حتى اى عربية قديمة لو عندكو او عند حد من قرايبكو لان حرام اوى التعليم على عربية زيرو
بصى حضرتك
انا ايضا لسه جديد فى القياده وكنت محتار جدا اجيب زيرو ولا مستعمل واخيرا استقريت على 128 مستعمل قلت اتعلم فيها الاول وبعدين اغيرها
وفعلا كان افضل انى اركب مستعمل فى الاول اول ماركبتها عملت حادثه وكسرت فانوس لعربيه بيجوا ستيشن ودفعت له تكاليف اصلاحها ودا كان اول موقف يحصل لى لانى كنت لسه خايف جدا من السواقه وكنت برتعش من المواقف الصعبه
لكن كنت بامشى زى ما تعاليم المرور بتقول لكن لما لقيت السواقين والناس فى مصر واخدينها بالدراع والبلطجه يعنى سواق التاكسى يزنق عليكى ويعديك غلط وتلاقى واحد بتاع نصف ناقل داخل فيكى غلط وحاجات كثير غلط كمان بتاع الملاكى اللى راكب عربيه نضيفه فاكر نفسه فوق فيبص للى راكب عربيه اقل منه بقرف
حسيت ان الناس ماشيه فى الشارع طبقات وانا لسه بتعلم اعمل ايه اتعلم من مين وكلهم غلط فرحت عامل زيهم فى حاجات بسيطه
اولا جمت قلبى قوى وبقيت امشى زيهم والغريب ان لما الواحد يعمل كده يعملوا له حساب
شفتى ازاى احنا عايشين فى مصر اما تكونى ليك ظهر او تتبعى سياسه البلطجه
لكن الشئ الوحيد اللى دايما بانساه لغايه دلوقت هو فرامل اليد مع ان اللمبه بتاعه فرامل اليد بتكون منوره يعنى الطبيعى انى لو بصيت لها انزل اليد
لكن مش عارف ليه بانسى ابص وامشى على طول من غير ماانزلها وحصل معايا الموضوع ده كثير جدا لدرجه انى باعمل مشاوير كامله واروح وارجع من الشغل وكل ده فرامل اليد مرفوعه والاغرب انى ماحستش وانا ماشى ان فرامل اليد مرفوعه او مأثره فى سحب العربيه العربيه كانت ماشيه عادى خالص
طبعا ده غلط منى لكن اعمل ايه غصب عنى
الحمد لله بديت اخد بالى من الموضوع ده لدرجه حصلت عندى وسوسه كل شويه وانا ماشى احط ايدى على فرامل اليد اشوفها مرفوعه ولا لا ومع ذلك برده احيانا بانساها
يعنى عامله لى لخبطه بس الحمد لله ماحصلش حاجه وكمان التيل متأثرش قوى زى مانت فاكره
لكن بخصوص سؤالك الاخير ليه تمشى العربيه مع ان اليد مشدوده ده يمكن بيرجع الى ان تيل الفرامل مش بيكون كامل او حصل له تأكل لكن بيكون شغال بس ضعيف فى التوقف الفجائى لكن فى حالتك انت صعب شويه تمشى العربيه وهى مرفوعه او لو مشيت حتى ممكن تلاحظى ده انها بتمشى ببطئ او تبطل منك وانت ماشيه وده لان العربيه عندك لسه جديده يعنى تيل الفرامل لسه جديد وكمان بتاع بلاده يعنى قوى وصعب انه يتأكل بسهوله فبالتالى صعب ان العربيه تمشى بسرعه واليد مرفوعه
السلام عليكم
اولا مبروك عليكي العربية الجديدة و ربنا يكفيكي شرها ,
بالنسبة لموضوع التعليم علي عربية قديمة ده انا مش مقتنع بيه لان العربية الجديدة بتساعد أكتر لسهولتها و مرونتها , انا شخصيا اتعلمت في مدرسة قيادة لمدة اسبوع واحد فقط , و بعدين كنت في الاجازات باجر عربيات بأسوقها بنفسي لحد ماجبت عربيتي و كانت جديدة و كنت لسة مااتقنتش القيادة لكن ماأخدتش الثقة في نفسي الالما سافرت بيها مرتين لوحدي مرة الي السويس و مرة تانية الي بورسعيد و كنت برجع في نفس اليوم
دلوقتي الحمد لله , بقالي سنتين بس لكن أقدر أسافر بيها اي مكان و في أي وقت و أمشي بيها في كل حتة
المهم تجمدي قلبك, و تلتزمي بقواعد المرور و تخلي بالك من الميكروباصات
و ربنا يوفقك