الموضوع: شديت فرامل اليد عشان العربية تقف و قلقانة جداااااااا :(

المشاركة الأصلية كتبت بواسطة aif

ومالاحظتيش ان العربية مش بتسحب يا نهى .......:D
يظهر ان دي عادة متأصله في البنات
انا زوجتي بتنسى الفرامل مرفوعة وتعيش حياتها .....
مرة اتصلت بي ... الحقني انا معطله الشارع كله ومش عارفة اتصرف ....والعربية كل ما امشي بيها تبطل ومش عاوزة تتحرك
نزلت جري .... لقيت المشكله اتحلت والحمد لله .... الناس اللي كانو وراها لما زهقو ... راحو يشوفو ايه المشكله عندها .... لقو فرامل اليد مشدودة علي الآخر ....
وطبعا العربيات اللي وراها كانو بيلطومو من الغيظ ..... وانا نزلت لقيت الموقف ده وبقيت في نص هدومي لأن معظمهم جيراني وعارفينني
.......
الخطورة في استعمال فرامل اليد مش ان التيل يستهلك ....
الخطورة ان فرامل اليد بتوقف العجل الخلفي فقط .....لأن الغرض منها هو تثبيت السيارة لما تكون واقفة ومنعها من الحركة
لكن فرامل الرجل بتوقف الاربع عجلات .... وساعات الخمسة ...لو حسبنا الاستبن ههههههههههههه
دة معناه ان لما تستعملي فرامل اليد والعربية ماشية بيؤدي ذلك الي عدم اتزان العربية وغالبا العربية بتعوم من الخلف و بتدور حسب اتجاة الدركسيون وحسب ميل الطريق والسرعة .... يعني العربية بتتصرف لوحدها زي ما هي عاوزة .....
ما تعمليش كدة تاني واتمرني علي فرامل الرجل ....
و ربنا يستر طريقك :k49:

لا بامانة محستش باى اختلاف العربية كانت ماشية من غير اى حاجة يمكن كمان يا ابراهيم لان الهاند بريك مكنتش مشدودة للاخر :D
بس مدام شوماخر زى العسل والله بتفكرنى بنفسي فى بداية السواقة ::D
ياما بردة وقفت شوارع و انزل من عربيتي و الناس تسوقلى العربية عشان ببقي ملخومة و
هنجت من كتر زعيق الناس
بس بصراحة الرجالة بقا خلقها ضيق اوى على الستاات خصوصا لما يحسو انها لسه بتتعلم

المشاركة الأصلية كتبت بواسطة Kate

اه و الله يا نهى عندك حق مش عارفة يفرق ايه لما تكون بنت لسه بتتعلم عن ولد لسه بيتعلم :D

الولد والله هيصبرو عليه يا بنتي بجد لكن ميعرفوش يتشطرو على البنااااات :D

الف مبروك اولا علي العربيه ربنا يبارك لك فيها
ثانيا مفيش اي خوف مناستعمال فرامل اليد ومش بتبوظ اي حاجه غير تيل الفرامل اليد وده سهل تغيره وفي التوكيل عموما روحي مدرسهسواقه افضل الاول عشان تتدربي علي السواقه وبعدين عيشي وربنا يحفظك:D

انا حاسة كدة فعلا يا كايت زى ما قال استاد خالد
ما تتعلمى فى مدرسة سواقة او حتى اى عربية قديمة لو عندكو او عند حد من قرايبكو لان حرام اوى التعليم على عربية زيرو

المشاركة الأصلية كتبت بواسطة Kate

انا عندى استفسار ازاى ممكن العربية تمشى و الهاند بريك مش نازلة ذى ما حصل مع حضرتك ؟؟ انا عندى فى البونتو استحالة تتحرك من مكانها غير لما انزلها و كمان بيبان عندى فى الكمبيوتر انى لازم انزل الهاند بريك!

بصى حضرتك

انا ايضا لسه جديد فى القياده وكنت محتار جدا اجيب زيرو ولا مستعمل واخيرا استقريت على 128 مستعمل قلت اتعلم فيها الاول وبعدين اغيرها

وفعلا كان افضل انى اركب مستعمل فى الاول اول ماركبتها عملت حادثه وكسرت فانوس لعربيه بيجوا ستيشن ودفعت له تكاليف اصلاحها ودا كان اول موقف يحصل لى لانى كنت لسه خايف جدا من السواقه وكنت برتعش من المواقف الصعبه

لكن كنت بامشى زى ما تعاليم المرور بتقول لكن لما لقيت السواقين والناس فى مصر واخدينها بالدراع والبلطجه يعنى سواق التاكسى يزنق عليكى ويعديك غلط وتلاقى واحد بتاع نصف ناقل داخل فيكى غلط وحاجات كثير غلط كمان بتاع الملاكى اللى راكب عربيه نضيفه فاكر نفسه فوق فيبص للى راكب عربيه اقل منه بقرف

حسيت ان الناس ماشيه فى الشارع طبقات وانا لسه بتعلم اعمل ايه اتعلم من مين وكلهم غلط فرحت عامل زيهم فى حاجات بسيطه


اولا جمت قلبى قوى وبقيت امشى زيهم والغريب ان لما الواحد يعمل كده يعملوا له حساب

شفتى ازاى احنا عايشين فى مصر اما تكونى ليك ظهر او تتبعى سياسه البلطجه

لكن الشئ الوحيد اللى دايما بانساه لغايه دلوقت هو فرامل اليد مع ان اللمبه بتاعه فرامل اليد بتكون منوره يعنى الطبيعى انى لو بصيت لها انزل اليد

لكن مش عارف ليه بانسى ابص وامشى على طول من غير ماانزلها وحصل معايا الموضوع ده كثير جدا لدرجه انى باعمل مشاوير كامله واروح وارجع من الشغل وكل ده فرامل اليد مرفوعه والاغرب انى ماحستش وانا ماشى ان فرامل اليد مرفوعه او مأثره فى سحب العربيه العربيه كانت ماشيه عادى خالص

طبعا ده غلط منى لكن اعمل ايه غصب عنى

الحمد لله بديت اخد بالى من الموضوع ده لدرجه حصلت عندى وسوسه كل شويه وانا ماشى احط ايدى على فرامل اليد اشوفها مرفوعه ولا لا ومع ذلك برده احيانا بانساها

يعنى عامله لى لخبطه بس الحمد لله ماحصلش حاجه وكمان التيل متأثرش قوى زى مانت فاكره

لكن بخصوص سؤالك الاخير ليه تمشى العربيه مع ان اليد مشدوده ده يمكن بيرجع الى ان تيل الفرامل مش بيكون كامل او حصل له تأكل لكن بيكون شغال بس ضعيف فى التوقف الفجائى لكن فى حالتك انت صعب شويه تمشى العربيه وهى مرفوعه او لو مشيت حتى ممكن تلاحظى ده انها بتمشى ببطئ او تبطل منك وانت ماشيه وده لان العربيه عندك لسه جديده يعنى تيل الفرامل لسه جديد وكمان بتاع بلاده يعنى قوى وصعب انه يتأكل بسهوله فبالتالى صعب ان العربيه تمشى بسرعه واليد مرفوعه