العربية اوقات السرعة لا تزيد عن 60

**tamer0101** · 06-04-2014 03:08 PM

لما يكون الطريق قدامى مفتوح وبجرى عداد السرعة يبقى على 55 واجى اجيب الغيار الرابع وادوس بنزين العربية ما بتجريش لازم ارجع تانى على الثالث واحرق عليه شوية وبعد كده اجيب الرابع العربية تعدى ال 60 وسعات لما تعمل معايا كده اشيل رجلى من دواسة البنزين وارجع ادوس ثانى العربية تجرى وفيه حاجة تانية لما بكون على مطلع طويل شوية امشى على الثانى لما اجى اجيب الثالث العربية تطلع بالعافية واسمع صوت زى مدفع من الشكمان لازم اجيب الثانى واكمل وبرده عندى الجراج على مطلع جامد لما بكون طالع لازم اسخن العربية كويس جدا واجى اطلع على اخر المطلع صوت العربية بيوطى قوى وبحس انها خلاص حتبطل بس اول ما اطلع على الشارع يبقى صوت العربية تمام ..... الميكانيكى اخر مرة كنت عنده ربط البوابة بتاعة سخان الكربراتير بسلكة علشان كانت بتعلق الجوار ده ممكن يكون منها ولا ممكن يكون الدسيك واسطوانة ولا رداخ البنزين ولا ايه

**Elawany13** · 06-04-2014 04:40 PM

شكلها ديسك واسطوانة

**J A G U A R** · 06-04-2014 05:25 PM

احتمال كبير طقم دبرياج

**sakr_skoda** · 06-04-2014 06:56 PM

تامر عربيتك تحتاج الى ظبط كهرباء وعمل الصيانة للكاربرتير راجع على دروس سلسلة علم نفسك روح للدرس 14 واتعلم ازاى تظبط الكهرباء لأن ظهور المدافع فى المطالع معناها ان الكهربا متاخرة جامد**

بعدين انا ليا تعليق على الزملاء اللى بيقولو اسطوانة وديسك طيب هو لو الاسطوانة عشقت مع الديسك بتاثر على سرعة العربية الاسطوانه نعرف سبب تلفها اننا عند بدء الحركة تكون السيارة تقيلة ويدوبك بتتحرك كدا نقول اسطوانة وديسك انما بعد الانطلاق والسرعات دا كهربا وكاربرتير**

**sakr_skoda** · 06-04-2014 10:27 PM

المشاركة الأصلية كتبت بواسطة tamer0101

انا كنت لسه جاى من عند الميكانيكى وقبل ما استلم العربية منه طلعت جربتها لانى كنت مغير تييل الفرامل الخلفى ومسحت الطنابيير ماكنش فيها حاجة ...... وكان مظبطها وعلى فكرة انا كنت مغير الاسبراتير بواحد جديد اصلى ومغير الكبلات من فترة قريبة بس البوجيها كانت عليها هباب على شان الاسبراتير القديم كان مهيس وانا كنت مغير البوجيهات من فترة قريبة ف الميكانيكى قلى حنظبطهم ونشغلهم تانى وهما كانو فرانساوى

الهباب اللى على البوجيهات سببة عدم ضبط بيك الهواء اللى فى الكربرتير ودا موجود فى جسم الكاربرتير اسفل الاكسرتير اربط علية شوية حتختفى الدخنة السودا والهباب اللى على البوجيهات حيروح دا اللى حصل معاي من فترة لما سمعت صوت مدافع وسحب ميت** فمن الواصح ان الكاربرتير عندك عاوز تنظيف ودا على فكرة ممكن تعمله بنفسك لو حابب اجيبلك رابط موضوع الكاربرتير***

**sakr_skoda** · 07-04-2014 06:39 PM

المشاركة الأصلية كتبت بواسطة tamer0101

والله انا زهقت من الكربراتير كل ما اخش على ميكانيكى يقولى الكربراتبر حنظبطه وينظف الكربراتير وبعد ما اطلع من عنده يطلع مشكلة تانية برده ليها علاقة بالكربراتير هو انا لو غيرت البوجيهات دلوقتى حتفرق معايا وياريت تحطلى الرابط الخاص بتزبيط الكربراتير

ياراجل دا انا علشان خاطرك قعدت ابحث عن الموضع واظهرتة على ساحة القسم طيب شايف الرابط دا**http://www.nilemotors.net/Nile/328852-a.html

على فكرة بجد مافيش حد يظبطلك الكاربرتير الا لو عملتة بنفسك صدقنى الصنايعية بيلصمو علشان ترجع ليهم تانى وعلى فكرة انا اول مرة افك الكاربتير وكنت مرعوب منه لاكن بعد استأناثة اصبح الوضع عادى يعنى ممكن افكة وانضفة واركبة وانا فى الصريق**

-

الموضوع: العربية اوقات السرعة لا تزيد عن 60

LinkBack

أدوات الموضوع

عرض

-

-

-

-

-

المواضيع المتشابهه

سرعة العربية لا تزيد عن 110 كيلوا لماذا ؟؟؟؟؟؟؟؟

العربية بتطفى لوحدها اوقات و بتتعبنى فى الدوارة (فولكس بورا)

العربية بتطفى لوحدها اوقات و بتتعبنى فى الدوارة (فولكس بورا))

السرعة لا تزيد عن 80 كيلو فى الساعة

الحرارة تزيد العربية تتلت

الكلمات الدلالية لهذا الموضوع

المفضلات

المفضلات

ضوابط المشاركة