اشتريت ال 301 بعد معاناه

**S O P H O S** · 07-04-2014 07:40 PM

الف مبروووك يا باشا

**eslam.elgohary** · 07-04-2014 09:22 PM

المشاركة الأصلية كتبت بواسطة nonalaziza

اهلا بيك معانا ويارب تفضل تستفاد كده علي طول
عندك حق العربيه مناسبة جدا للطوال زي كده يادوب 157 سم ههههههههههه الحمدلله راسي ما بتخبطش في السقف ولا رجلي بتطول البنزين هههههههههههه
انا بصراحة العفشه عجباني لا هي ناشفه ولا هي طريه و بعد ما ضبطت هوا ضبطت معايا
مره خدتني الجلاله و كنت بشد شوية لاقيت الار بي ام وصل 4 قولت الم نفسي احسن هي لسه في التليين.
انا متعوده علي أماكن الزراير علشان اللي قبلها برضه كانت فرنساوي و الكونتاكت فعلاً تكه واحدة زي ما الأعضاء قالوا

والله يا اخت نونه انا لو كنت 157 سم كنت اشتريت اي عربية من زمان بس انا كان مشكلتي في المقاس
طيب انا حاحكلكوا على موقف بايخ حصل معايا بسبب الموضوع ده انا روحت معرض اوتو ماك وقولت لنفسي اني ﻻزم اخرج منه بعربيه جربت الشيراتو لاقيت القعده فيها تمام وبعدين جربت الياريس السيدان ﻻقيتها شغاله بس زي الصني الجديده كده حاسس فيها اني ﻻزق في السقف فاقولت لنفسي جرب الهاتش باك قولت اهي تبقى ارخص شويه المهم انا اول لما بجرب اي عربيه برجع الكرسي والدهر وفعﻻ عملت كده ومدخلتش اصﻻ المهم نطلي المندوب وطبعا انتو فاهمين حاول يقنعني بكل السبل اني ممكن اركبها لحد ما بعيد عنكو بقيت فرجه وفي اﻻخر ريحت دماغي وقولتله انا بدور على عربيه تفصيل

**eslam.elgohary** · 07-04-2014 09:41 PM

المشاركة الأصلية كتبت بواسطة dip&drift

السلام عليكم و رحمة الله و بركاته ...
بالنسبة لحوار accessory هرد عليك باللى افتكره لان بقالى شهرين مسقتهاش من ساعة الحادثة و لسه بصلحها ...
المهم ,, اللى فهمته انك عايز تطفى الماتور و تشغيل الكاسيت و مفيش تكه الكونتاكت ... الحل : بطل العربية و ف اول تكه الراديو مبشتغلش لواحده >> شغل الراديو و التكيف هيشتغل عادى من زرار الباور للراديو و التكيف من الكونسول ..
ارجو انى اكون افدتك ,, السلام عليكم

شكرا يا جماعه لكل اللي ردوا وحبيت بس اخصك بالذكر نظرا لموضوع الحادثه دي اوﻻ الحمد لله على سلامتك ﻻني حاسس بيك وفداك الف عربيه بس انت وصلت لايه في موضوع التصليح ده وعموما انت لو احتجت حاجه من بورسعيد ان شاء الله ربنا يقدرني واشوفهالك

**د/سامح** · 08-04-2014 12:16 AM

المشاركة الأصلية كتبت بواسطة sayd ali

ياباشا يوجد مفتح باور للراديوفى الجه الشمال من فوق شغل منة حتى لو المفتاح بره الكونونتاكت

الف مبرووك ربنا يديك خيرها و يمنع عنك شرها ان شاء الله .... على فكرة كلام ا سيد علي مظبوط جدا و الكاسيت ممكن يشتغل من الباور بتاعه بدون حتى التكة الاولى او حتى وجود المفتاح في العربية

**mostafa magdy** · 08-04-2014 12:24 AM

تعيش و تستمتع ألف مليون مبروك ..

**eslam.elgohary** · 08-04-2014 02:14 AM

انا جربت كل اللي انتو قولتوه وطلع فعﻻ صح بس ده بالنسبة للتكييف والكاسيت بس انما باقي كهربة العربية بخ يعني الولاعه مثﻻ مش بتشتغل

**nonalaziza** · 08-04-2014 09:01 AM

المشاركة الأصلية كتبت بواسطة eslam.elgohary

والله يا اخت نونه انا لو كنت 157 سم كنت اشتريت اي عربية من زمان بس انا كان مشكلتي في المقاس
طيب انا حاحكلكوا على موقف بايخ حصل معايا بسبب الموضوع ده انا روحت معرض اوتو ماك وقولت لنفسي اني ﻻزم اخرج منه بعربيه جربت الشيراتو لاقيت القعده فيها تمام وبعدين جربت الياريس السيدان ﻻقيتها شغاله بس زي الصني الجديده كده حاسس فيها اني ﻻزق في السقف فاقولت لنفسي جرب الهاتش باك قولت اهي تبقى ارخص شويه المهم انا اول لما بجرب اي عربيه برجع الكرسي والدهر وفعﻻ عملت كده ومدخلتش اصﻻ المهم نطلي المندوب وطبعا انتو فاهمين حاول يقنعني بكل السبل اني ممكن اركبها لحد ما بعيد عنكو بقيت فرجه وفي اﻻخر ريحت دماغي وقولتله انا بدور على عربيه تفصيل

عرفت ان الطول مش حلو :-p
القصر في الحالات دي هيبه و علي فكره بينفع في مواقف كتير
اما بقي بالنسبة للكاسيت طول عمري بشنغله من أول تكه اول مره اعرف انه ممكن يشتغل من غير مفتاح
مع انها مش اول عربيه فرنساوي اركبها
و مبروك عليك العربيه