الطريق هيكون خمس حارات لكل اتجاه
وهيكون برسوم
وده الخبر ومصدره اليوم السابع
صدق المهندس إبراهيم محلب، رئيس مجلس الوزراء، على قرار منح إنشاء وإدارة واستغلال طريق "شبرا – بنها" لجهاز مشروعات الخدمة الوطنية بوزارة الدفاع، ونشر القرار فى الجريدة الرسمية فى عددها 14 مكرر (أ) الصادر فى 6 أبريل الحالى.
وده لينك الخبر
http://www1.youm7.com/News.asp?NewsI...8#.U0GkAKh_u-U
واترك لكم التعليق
يعنى هياخدوا اراضى المواطنين ومن غير تعويض مناسب
عسكرة الدولة
و يعملوا عليه كارته مضاعفه هو كمان زى الى حصل فى اسكندرية و اسماعيلية الصحراوى و باقى
طرق مصر
دي الوصلة الجديدة بتاع الدائري الاقليمي على ما اعتقد... وده هيتعمل عشان في المقابل القوات المسلحة هي اللي هتموله بالكامل
والله احنا بقينا دوله داخل دوله
مايخدونا احنا كمان يبعونا في سوق العبيد أحسن
ياريت بس يحلو مشكله الزحمه......ده حرام الوصله دي 40 كم بتاخد في المتوسط ساعه ونص
وياسلام بقى وانت جاي من طنطا علشان تروح شغلك الصبح المدخل من قليوب لغاية شبرا موووووووووووت
ياباشا يدوه لقطر انا موافق بشرط يحلو ازمة الزحمه
وياريت بلاش نفسنه ....مصلحة الساده المسافرين أولا
هوا كلمه عسكره ديه على اي شئ وخلاص؟؟!!!؟!!اقتباس:
المشاركة الأصلية كتبت بواسطة blazer
المشكله انك جيت على طريقي كل اسبوع
الصحراوي بقالهم فوق ال 5 سنين شغالين فيه و الحتت اللي خالصوها زفت الزفت بدأت تحفر من الاول و حديد و كان شئ لم يكن و في النهايه ادوه للقوات المسلحه هيا اللي توضبه
و طريق اسماعيليه الصحراوي هوا فيه حد كان يقدر و يطول يعدي ال 100 لحد الشروق!!!! دلوقتي سيدي الفاضل من الدايري لحد اسماعيليه 160
عايز كمان ايه طريق السخنه ولا السويس و الدايري الاقليمي ولا توسعه الكليه الحربيه ولا كوبري الجيش ولا طريق الصعيد ولا سعد الشتذلي ولا جوزيف تيتو ولا ولا ولا......
فالتقل خيرا.....
لا صح هما كده دوله جوا دوله و حيبعونا في سوق العبيد عشان بيعملوا طرق جديده و كويسه على حساب القوات المسلحه مقابل حق انتفاعاقتباس:
المشاركة الأصلية كتبت بواسطة eng/ahmed_go
مادام ماعندكش حد يدورها اديها للي يعرف
يا باشا دي كلها مصالح ومبالغ بتدفع من ميزانية الدوله الى ميزانية الجيش (اللي مفروض تابع للدوله) وطبعا بالامر المباشر من غير مناقصات وبالملغ اللي يحدده الجيشاقتباس:
المشاركة الأصلية كتبت بواسطة far!d
وبالتسبه لللناس الي بتقول ان الجيش بيعمل احسن طرق وكباري شوف كميه الكباري اللي لسه معموله من كام سنه ومحتاجة ازاله زي كوبري بردين في طريق الزقازيق القاهره
ومتنساش كوبري المشاه اللي لسه كان واقع في طريق مصر الاسماعيليه وقتل سواق مار بالظريق
بلاش والنبي يا جماعه نسمع كلمه الجيش نهلل ونكبر من غير مندرس الموضوع من كل جوانبه (قاده الجيش بشر فيهم الحرامي والشريف فبلاش تقديس لحد )
سبوبه لوز اللوز ....
اللي معترض علي كلمة عسكرة الدولة دلوقتي و زعلان بينما كان بيقول قبل كده اخونة
الخيش اللي المفروض أنه بيدير طريق السخنة / القطامية و اللي عمل طرق جنوب سيناء
كلها طرق زي الزفت حاليا بالرغم من الرسوم اللي بيحصلوها و لكنها بتروح فين الله أعلم
مطبات هوا - هبوط في الطريق - أخطاء في التصميم و التنفيذ لأنهم يادوب يعملوا مكرونة و كفتة مش ينفذو طريق و كلنا شاهدنا باعيينا ماحدث و يحدث علي طريق السخنة
لما الخيش هو اللي يحتكر كل المشروعات بالامر المباشر و يسيطر علي نحو 60 % من أقتصاد البلد وفق العديد من المصادر أومال شركات المقاولات المدنية بتعمل أيه و أين هي فرص العمل للشباب و مين اللي المفروض يقف علي الحدود و يمنع تهريب المخدرات و السلاح
معلش صاحب بالين كذاب و بكرة نشوف .... بس لما النور ييجي الاول
مبنطلبش من حد يكون حيادي
لا ياسيدي خليك في المعسكر اللي انت بتمثله مفيش مشكله حقيقي محدش طلب انك تغير انتماءك
لاكن مطلوب عن مناقشه مشكله انك تحاول تكون مةضوعي علي فد ما تقدر وتجتهد
وده ليه عشان ادام ربنا نكون عملنا اللي علينا
وخصوصاً ان بعض الاراء بتكون واضح جدا انها ممكن تتغير بتغير عوامل محيطه بيها
تحياتي
فى دراسة مهمة جدا طلبها الرئيس الراحل جمال عبدالناصر من قادة الجيش اعتقد الفريق فوزى - غير متأكد - طلب الرئيس من القائد دراسة و تحليل الاسباب التى قادت الى النكسة ..
طبعا اعطيت الاوامر بأن تفتح كافة الملفات السرية للرجل حتى يكون ملما بكافة التفاصيل ..
من ضمن ما ذكره الرجل فى هذه الدراسة المهمة ان تدخل الجيش فى كافة تفاصيل الحياة المدنية افقد الجيش انضباطه و كفاءته القتالية
ضاربا امثلة عن هذا التدخل مثلا كأن تتولى القوات المسلحة النقل العام فى القاهرة او تصنيع التلاجات و البوتجازات و ما شاب ذلك من فساد الحجز كان بالدور و كل من له معرفة فى الجيش يستلم بدرى
كل ذلك افسد او قال ضيع العقيدة القتالية للجيش المعتمدة على الخشونة و عدم الاختلاط بالمدنيين ..
الحقيقة ان هناك من يبرر بأن توجه الجيش للاستثمار مرجعه الى انهيار القطاع العام
فالقطاع العام المصرى اثناء الحرب كان يستطيع ان يوفر و بأرخص الاسعار الغذاء و الكساء لمليون مقاتل فى حين انه حاليا و مع بدء الخصخصة و مع زمن ابو غزالة انتهى هذا الامر و كان لازاما على الجيش ان يؤمن غذاءه و كساءه بل و اموالا ليشترى احتياجاته بعيدا عن الدولة المتداعية ..
و بين هذا و ذاك اظن اننا فى خطر .
+++++++++++++++1اقتباس:
المشاركة الأصلية كتبت بواسطة Dr Zezo
حد معايا ان جهاز مشروعات الخدمه الوطنيه التابع للقوات المسلحه مفيد؟ من الاخر
اقتباس:
المشاركة الأصلية كتبت بواسطة FAR!D
اكيييييييييييييييييييد مفيد
ياريت يتصلح الواحد معندهوش مشكله ان الطرق كلها تبقي بفلوس بس تبقي طرق ادميه وواسعه واسفلت حرير
هو ده كده الطريق الزراعي و لا حاجه تانيه
لو هو يبقي خير ما عملوا ده الطريق ده محتاج يتنسف مش يتظبط بس
و يا سلااااام لو امكن كمان تحديد مواعيد مشي النقل عليه و وضع ميزان علي اول الطريق و اخره لوزن العربيات النقل و اللي يعدي الحموله يتنفخ
و اتمني نشر موضوع حق الانتفاع ده علي مستوي كل المشاريع و مش للجيش فقط بس ليشمل القطاع الخاص و العام كمان
بقيت بخاف على المنتدى من المواضيع اللى كل واحد بياخد فيها طرف ويقاتل علشانه
الطريق ماوش علاقه بالدائري الاقليمي
الطريق هايكون بديل للزراعي من المؤسسه لبنها
من ام بيومي بعد بهتيم لبنها
الموضوع ابتدا بنفق المؤسسة وتقريباً هيخلص لحد بنها
بس على فكرة اللي مشي على طريق اسماعيلية ايام المطرة بعد مالجيش ظبطه هيعرف ان في فساد .. الطريق ملهوش صرف يااخونا والدنيا بتتزحم من المية المتراكمة
«محلب» يصدر قرارًا بمنح التزام طريق «شبرا- بنها» للقوات المسلحة لمدة 99 عامًا - بوابة الشروق
.دا لينك الخبر الجيش هايعمل الطريق علي حسابه و لما يشتغل هايدفع فلوس للدولة
1 الدوله مش هتدفع مليم في الطريق
2 الدوله هايدخلها دخل من الطريق لما بشتغل
3 الجيش هيشتغل بنظام b o t
4 عاجبكم العك و السرقه بتوع المحليات و وزاره الطرق و الكباري و السرقه اللي فيهم
إيه المشكله مش عارف
دا إذا كان الخبر صحيح لاني لسه ما إتأكدتش من الجريده الرسميه لو حد إتأكد يجيب لينك الجريده الرسميه مشكورا
بصراحه معنديش ثقه في الموقع و الجريده دول بتوع الشروق
يا جماعه دعونا نناقش الموضوع مناقشة فنية
كون الجيش يقوم بتنفيذ اى مشروع فى الدولة ده شيئ لا غبار عليه لكن فيه اجراءات يجب اتباعها فى مثل هذه الأعمال يعنى مثلا" هل الدولة عملت مناقصة بين الشركات المنفذه و الجيش تقدم بعرض ؟ أم ان الموضوع تم ترسيته بالأمر المباشر ؟
المناقصة بتحفظ حق الدولة فى الحصول على أرخص عرض.
تانى نقطة مهمه فى رأيى و هو رفع أجرة السيارات التى ستستخدم هذا الطريق و ده هيدفع سيارات الأجرة لزيادة أجرتها و بالتالى المتضرر الوحيد من هذا الموضوع هو المواطن البسيط اللى بيروح شغله او كليته او اى مشوار على الطريق ده لأن الطريق ده كان مجانى يعنى مفيهوش اى رسوم من اى نوع.
خطوة ممتازة لكن يا ريت طريق بنها المنصورة دا زى الزفت عاوزين نضيف دا كمان للمصلحة :)
الله اعلم التغير فين
يارب بقا ننجز ونسلم الجيش كل الطرق اللي مش عارفين نظبطها بقالنا خمسين سنة..
والحقيقة انا بشكر المهندس سمير الشهاوي لانه ضحكني لمدة ربع ساعة متواصل واتسبب في اني دلقت فنجان القهوة وهقوم اعمل غيره...بقى طريق السخنة وحش؟ عشان فيه كام مطب هوا؟ لاعندك حق والله كم انت موضوعي اخي الكريم :)
خبر حلو جدا ويارب الدائري كمان الجيش يستلمه...طبعا بحلم لكن مين عارف...
تصحيح مهم لموضوع ان الجيش بيبنى ويعمل كبارى وطرق وهو بابا وماما
1- الجيش بيمول بس من ميزانيته اللى مانعرفش عنها حاجه واللى فى الاول والاخر فلوسنا احنا المصريين
2- اللى بينفذ شركات المقاولات المصريه اوراسكوم والمقاولين العرب وبالامر المباشر ومدد التنفيذ مابتبقاش منطقيه علشان كده طرق التنفيذ بتبقى مجنونه علشان يخلصوا فى الاوقات الغريبه اللى هما بيخلصوا فيها دى
مش معنى ان الجيش يمول طريق من ميزانيته اللى هى ميزانيه الدوله يعمل فيها ديلسبس ويحتكر الطريق 99 سنه والله اعلم بقى فلوس الكارته والاعلانات وخلافه دى مصيرها ايه ما هو اصل ميزانيه الجيش دى سر عسكرى لا يجوز عل المدنيين السذج يطلعوا عليها
عين المحب عن كل عيب تغمضوا
المناقصه بتحفظ حق المنتفعين من الدوله فالحصول على اكبر مبلغ رشوهاقتباس:
المشاركة الأصلية كتبت بواسطة exelence
الجيش بيمول او بيشرف على المشروعات لضمان التسليم فالوقت المحدد
هو ليه محدش بيعترض على اى حاجه غير الحاجات اللى فيها الجيش ؟؟!!!
افهم من كده ان كل حاجه فالبلد ممتازه و مفيش اى مشاكل غير فكل ما هو له علاقه بالجيش ؟؟
وعين الرضا عن كل عيب كليلة ولكن عين السخط تبدي المساويااقتباس:
المشاركة الأصلية كتبت بواسطة abou-yahia
مهو لما الجيش يبنى ويشيد كل حاجة جميلة فى البلد ومحدش عارف يعمل زيه يبقى البلد مفيهاش حد بيعرف غير الجيش والبلد كلها فى الضياع
حسبى الله ونعم الوكيل
تسلم الأيادى .. تسلم يا جيش بلادى
يد تبنى من اجل مصر
السلام عليكم ورحمه الله
الموضوع اكبر من طريق - هذا اقتصاد بلد وسوف تجعل هناك اقتصاد اخر ودوله داخل الدوله ليس لك حق الرقابه على مصروفاتها او دخلها - يعنى من الاخر لماذا تدفع الدوله مرتبات العسكريين مادامت القوات المسلحه عندها دخل - ممكن مثلا يجعل مرتب الضابط مئه الف جنيها مثلا ولاتستطيع الدوله الاعتراض وسوف يردوا عليها بان الجيش له ايراداته الخاصه .
الحل الامثل يعطوه حق ال b.o.t لمده معينه مع المشاركه فى جزء من الايراد المتحصل لصالح خزانه الدوله
وعليكم السلام ورحمة الله وبركاتهاقتباس:
المشاركة الأصلية كتبت بواسطة sas5
اولا" مين قال لسعادتك ان احنا ما بنعترضش.اقتباس:
المشاركة الأصلية كتبت بواسطة shiko85
ثانيا" انا قلت ولا زلت اقول الموضوع ملوش دعوه بالجيش او غيره لكن احنا هنا بنتكلم فى نمط شغل معين و هو كيفية عمل مشروع بالطرق المتعارف عليها عالميا" و هى إما عن طريق مناقصة او نظام ال b.o.t
موضوع الأمر المباشر فيه شبهات كتيررررررررررر أكثر حتى من موضوع الرشاوى.
البلد بتاعتهم
عادى بقى هيا حت على الطريق ده بس ما الجيش قالب الدوله كلها معسكر احنا بقينا زى اللى عايشين فى عزبه كل يوم الجيش تهب معاه ويقفل فى شوارع قال ايه بيحارب الارهاب وسلملى على الكفته
هو دا الكلام ... والشكر والتقدير للقوات المسلحةاقتباس:
المشاركة الأصلية كتبت بواسطة far!d
اللى ما يعرفش يقول عدساقتباس:
المشاركة الأصلية كتبت بواسطة samir elshahawy
اى كلام واللى ما يعرفش يقول عدساقتباس:
المشاركة الأصلية كتبت بواسطة korkor