الموضوع: سؤال عن زيت فتيس e90 المانيوال

المشاركة الأصلية كتبت بواسطة karim_monir

الزيت لازم يتغير كل 60 الف راجع المانيوال بتاعك
اي ميكانيكي بي ام يغيرهولك سهل قوي طالما عنده العدة

ألف شكر يا باشا علي النصيحة و إن شاء الله حاكلم أ/ هاني علشان يشحنلى الزيت إن شاء الله

أنا غيرت زيت الفتيس بزيت وولفر ألماني و المشكلة اللي عندي راحت لمدة تقريبا اسبوع و بعد كده رجعت العضة في الأولاني و المارشيدية تاني و العربية باردة و تروح العضة لما العربية تسخن و كلمت مركز الصيانة قولتله علي المشكلة تاني قاللي جايز ميكنش هو ده الزيت الأصلي بتاعها و قولتله اني شاكك انها ممكن تكون عايزة تغير طقم دبرياج و يكون هو اللي مسبب المشكله ديه قالي لو طقم الدبرياج تبقي العضة موجودة علي البارد و السخن كمان المهم قاللي اني اروحلهم تاني علشان يشوفوا المشكلة ديه ايه
و الله المستعان شكلها حاروح التوكيل و أغير الزيت تاني عندهم الزيت أبو رقم و ب ٣٠٠ جنيه الليتر بجد حاجة محيرة

متشكر لحضرتك و انا فعلا ناوى اعمل بنصيحتك و أعدى الصيف بيها و كفانا الله شر القتال و ربنا يستر :)

ابدا و اللهى ده أنا بروح عند أكتر واحد شغال فى ال bmw فى اسكندرية و الكل بيشكر فيه و لما كلمته قاللي ان الزيت كده مش هو الزيت الطلوب للعربية و طلب منني أروحله تانى و انا خلاص اصلا زهقت منه
المهم روحت عند واحد تانى بيشتغل فى ال bmw بردو بس أقل من الاولانى بكتير و يمكن مش بيشتغل فى الموديلات العالية كل شغله فى الموديلات القديمة و كمان موجود فى حتة صعبة شوية المهم قلتله على المشكله و قلتله اني غيرت زيت الفتيس بزيت وولفر 80w90 قالى مش هو الزيت بتاعها بيتحطلها زيت باور احمر و لقيته رفع العربية لما لقانى مش مصدقة و نزل تحتيها و شال المصفحة و فضل يقرا الاستيكر الموجود على الفتيس من تحت و قاللى زى ما قلتلك ديه بتاخد زيت باور أحمر و قلتله انا شاكك فى طقم الدبرياج فطلع جرب العربية و قاللى إنه مفيش مشكلة فى طقم الدبرياج و المشكله ديه سببها الزيت المهم قلتله حافكر و أسأل و لو اقتنعت حاجى و أغيره بس كده .
المهم لو فى جديد حابلغ حضرتك و شاكر لإهتمامك يا باشا

هو قصده إن الزيت بتاع الفتيس الاوتوماتيك بس زيت أحمر مش زيت أبيض و الصنايعية بيقولوا عليه زيت باور علشان لونه أحمر