اولا اية مميزاتها وعيوب كورلا 2008 جنوب افريقى معروضة على فبريكة برة وجوة ماشية 25الف كيلو ولسة وكيل ممكن تسعريها بدون فتحة الشقف وعيوبها اية
اولا اية مميزاتها وعيوب كورلا 2008 جنوب افريقى معروضة على فبريكة برة وجوة ماشية 25الف كيلو ولسة وكيل ممكن تسعريها بدون فتحة الشقف وعيوبها اية
عربية ممتازة انا معايا 2010 اتوماتيك عادي اكشف عليها في التوكيل ولو حلوة ومالهاش مصاريف اتوكل على الله
طيب عيوبها اية يابرنس وفراملها عاملة اية وسعرها
العربيه ممتازه بس لو حالته كويسها
لو الهاي لاين هتاخد كماليات مش موجوده في عربيات ٢٠١٤ بالاسعار دي
المميزات
موتور ١٢٢ حصان نفس موتور موديل ٢٠١٤ عزم قوي مع الفتيس ال mmt مع نقل سرعات من الدركسيون
ثبات تحفه لغايه ١٨٠ مفيش اي مشاكل
عزل ممتاز
تقفيل ممتاز انا شايف انه احسن من الياباني و التركي
كماليات
٧ ايرباج - اسمارت كي - مرايه خافته - چنوط ١٦- زينون - رشاشات فوانيس - تعديل ارتفاع الفوانيس اوتوماتيك - كاسيت ٦ سي دي - تاكييف تاتش وممكن اكون نسيت حاجات تانيه
العيوب
الفتيس ليه طريقه معينه في السواقه مش كل الناس بترتاح في سوقته غير انه كان فيه مشاكل بس المفروض انه ضمان مدي الحياه وممكن تتاكد من التوكيل لان كان فيه تعديل للفتيس مجاناً شهر ٩ اللي فات وانا عملته بس لازم يكون صاحب العربيه مواظب علي الصيانه الدوريه
قطع غيار غير متوفره كتير خارج التوكيل (كل الحاجات الطبيعيه تيل طنابير فلاتر ممكن تلاقيها بسهوله عند موزع قطع غيار معتمد)
اعاده بيع زي الزيفت بصراحه العربيه دي مظلومه جداً في اعاده البيع عشان حكايه الفتيس بس انا شايف ان دي مشكله شعب يعني اذا كان الافيو كسرت ال ١٠٠٫٠٠٠ مع احترامي ليها و لملكها بس التويوتا حماده تاني خالص
بالنسبه للفرامل فوق الممتازه ABS EBD BA
بالنسبه للاسعار تفرق من هاي لاين لعاديه لمانيوال وحسب الحاله طبعاً
من ٧٥٫٠٠٠ ل ١٠٥٫٠٠٠ او اكتر
طب هل الفتيس ده له مشاكل ولا ﻷ
يا جماعه لو فى حد قدامه واحدة هاى لاين حاله يبعتلى ع الخاص ولكم جزيل الشكر لانى بدور على واحدة
باشا طريقه سواقه ازاى ممكن افهم لانى ناوى اجيب واحدة
دى طريقة السواقة يا باشا
وعقبال ما اجيبها انا كمان
http://www.nilemotors.net/Nile/418411-mmt.html