الموضوع: انواع الضمان والفروقات بينهم

اللى اى حد يعرفه ان فى حاليا نوعين من الضمان دايموند (الوكيل) والرواس (الوكيل السابق)
اول حاجة عاوزين نعرف يعنى ايه ضمان ؟؟؟؟ يعنى بس صيانة الف كيلو مجانية و اى عيب فنى فالعربية يتصلح او تتغير العربية كلها مجانا ولا فيه مميزات تانية؟؟؟
تانى حاجة نعرف ايه الوحش اللى فى ضمان الرواس اللى مخلى محدش يجيب خليجى مع انه ارخص وكله بيجرى ورا الدايدموند علما انى شفت مش اقل من 10 بوستات على مصايب بيعملها مع العملاء فالصيانة
يا ريت بقى كل اللى عنده معلومة حتى لو صغيرة يشارك بيها عشان انا شايف الموضوع ده حيوى ومهم جدا فى عملية الشراء وما بعدها

المشاركة الأصلية كتبت بواسطة tifa2015

اللى انا شوفته بنفسى غير موضوع الضمان ان الكاسيت فى الخليجى مش البيلت ان اﻻصلى بتاعها والغريب بقى ان الخليجى فيها اسبويلر وفى بعض المعارض بتغير الكاوتش بتاع الخليجى الدانلوب باى حاجه ارخص

كل الكلام اللى حضرتك قولته انا فعلا سمعته قبل كده ومهمنيش اوى عشان كده كده سعرها ارخص فممكن بالفرق تجبلها ساوند سستم مش موجود فالعادية والكاوتش كده كده اى حاجة بتمشى ولما يتمسح ابقى غيره والاسبويلر ده ميزة لطيفة
انا اللى بسأل عليه لو فيه عيب فنى فالعربية بيبقى التعامل زى مع الوكيل ولا ابقى لبست العربية بالعيب اللى فيها؟؟؟
مش عارف ليه الناس مكبرة دماغها ومش راضية تشارك بخبرتها مع انه موضوع مهم جدا