يا شباب قدامى عربيه بى واى دى مستعمله 2011 حالتها حلوه محتاجه وش نظافه عامله 85 الف كيلو هاخلص فيها على 58 الف
ياترى السعر ده حلو فيها ولا كده غاليه شويه
عرض للطباعة
يا شباب قدامى عربيه بى واى دى مستعمله 2011 حالتها حلوه محتاجه وش نظافه عامله 85 الف كيلو هاخلص فيها على 58 الف
ياترى السعر ده حلو فيها ولا كده غاليه شويه
لو حالتها نضيفه وكله تمام مافيهاش الهوا يبقي تنزلها الفين او تلاته لو ما فيهاش سمكره
اخرها 55 لان انا راشش اللانوس بتاعتي ب4300جنية و انت بردة هترش في الحدود دية بس لو مش هتتسمكر شيل الف
مانيول ولا اوتوماتيك دي ياباشا ؟ بتهيالي من السعر انها مانيول
غالية جداااا خصوصا انها عاوزة مصاريف العربية دى بتلعب فى 45 الى 55 على حسب الحالة العامة و 55 تجيب حالة فوق الممتازة مش محتاجة مصاريف و كيلو متر قليل كمان
نزل السعر شويه
رأيي سعرها في أفضل الظروف لا يزيد عن 55 ألف.
اتأكد أنها جميع الكماليات، لأن فيه موديل غير كامل وبالتالي سعره يكون أقل. تعرف ده من إضاءة العدادات، إذا كانت أبيض نيون تبقى كاملة، أما إذا كانت خضراء تبقى غير كاملة.
ضروري قبل الاتفاق على السعر انك تعرض العربية على ميكانيكي خبير علشان يقيم لك المصاريف اللي هتتصرف على العربية.
العربيه مش محتاجه سمكره كتير باب الى ورا السائق كان مردود على البارد عاوز تظبيط والكماليات الى فيها زجاج كهرباء ومرايات كهرباء وسنتر العربيه منوال وريتها لسمكرى قالى انها مش متهانه وميكانيكى قالى ان الماتور حالته حلوه بس انا لسه ما إستش كبس الماتور كلمت صاحبها على السعر وكان اخره 55 على العلم بان السمكرى ده حبيبيى اوى
بس العربيه مفيهاش وحده رفع وتقريبا مفيهاش انزار
فتنصحونى باييه
هيا يا شباب اشترى ولا استنى شويه يمكن يظهر حاجه افضل
حلو اوي سيبك من الانذار ووحده الرفع الحاجات دي تركب عادي يعني مكنة الرفع دي للبابين ب 65 جنية ولو عايز للاربعه هتجيب اتنين والانذار هتنزل التوفيقية تجيب واحد ولف محترم وتركب عليه السنتر ووحده الرفع بحيث لما تضغط قفل يقفل السنتر ويرفع الازاز وطبعا الانذار بيتفاوت ف أسعاره حسب كمالياته من فتح الشنطه لغاية قطع الكهربا عن العربية كلها لما تقفل بيه منعا ان حد يدورها المهم بقي ان حضرتك تروح تركب العربية دي وتمشي بيها ف شوارع داخلية عشان تجربها ف الحفر والمطبات ان كان في اصوات تزييق وتخبيط من العفشة ولا لا وبرده تحاول تاخد اي ملف ع الضيق ( يعني حاول علي قد ماتقدر تجيب الدركسيون للاخر ف الملف ) وشوف هل في اصوات طقطقه ولا لا وجرب برده انك تجري بيها شوية تشوف هل الدركسيون بيتهز ف ايدك او في غربله ف العربية وجرب الفرامل برده وخلي حد يبصلك ع الكاوتش كويس طبعا اي حاجة مش مظبوطه من اللي انا كاتبهم تعرف تمنها وتخصمه من تمن العربية
هي تنزل عن كده والاهم تكون حالة
ربنا يوفقك للخير
تنزل 4000 ع الاقل
[url=http://egy.4sedan.com/ar/cars/326628/]4Sedan.com |
الاهم من ده كله انك تعرف العربية دى كاملة يعنى فيها ايرباج واى بى اس والعدادات بتنور ابيض ولا نص كماليات لانها لو نص كماليات يبقى بلاش منها من اساسه .
وسعر اى عربية بيتوقف على حالتها العامة واساسياتها ولو جت على 1000 ج زيادة بس العربية حالة نضيفة يبقى مش مشكلة بس الاول اتكد من موضوع الكماليات ده .
وحط فى اعتبارك ان اللى بيبيع عارف سعر العربية كان كام وقت الشراء وسعرها دلوقتى رفع لكام وان بقى فى طلب على العربية وكل ده بيزود سعر اى عربية مش البى واى دى بس .
انا شايف ان ال 55000 ج لو العربية كاملة ونضيفة يبقى توكل على الله .
وطبعا صل استخارة وبعدين توكل على الله .