قدامى عربيه بى واى دى مستعمله

**ahmed elsahhar** · 07-04-2014 02:30 PM

يا شباب قدامى عربيه بى واى دى مستعمله 2011 حالتها حلوه محتاجه وش نظافه عامله 85 الف كيلو هاخلص فيها على 58 الف
ياترى السعر ده حلو فيها ولا كده غاليه شويه

**ahmedalaahosny** · 07-04-2014 04:31 PM

لو حالتها نضيفه وكله تمام مافيهاش الهوا يبقي تنزلها الفين او تلاته لو ما فيهاش سمكره

**Omar2017** · 07-04-2014 04:32 PM

اخرها 55 لان انا راشش اللانوس بتاعتي ب4300جنية و انت بردة هترش في الحدود دية بس لو مش هتتسمكر شيل الف

**ahmedalaahosny** · 07-04-2014 04:34 PM

مانيول ولا اوتوماتيك دي ياباشا ؟ بتهيالي من السعر انها مانيول

**kokowasfy** · 07-04-2014 04:37 PM

غالية جداااا خصوصا انها عاوزة مصاريف العربية دى بتلعب فى 45 الى 55 على حسب الحالة العامة و 55 تجيب حالة فوق الممتازة مش محتاجة مصاريف و كيلو متر قليل كمان

**J A G U A R** · 07-04-2014 04:42 PM

نزل السعر شويه

**ahmed elsahhar** · 08-04-2014 09:04 AM

العربيه مش محتاجه سمكره كتير باب الى ورا السائق كان مردود على البارد عاوز تظبيط والكماليات الى فيها زجاج كهرباء ومرايات كهرباء وسنتر العربيه منوال وريتها لسمكرى قالى انها مش متهانه وميكانيكى قالى ان الماتور حالته حلوه بس انا لسه ما إستش كبس الماتور كلمت صاحبها على السعر وكان اخره 55 على العلم بان السمكرى ده حبيبيى اوى
بس العربيه مفيهاش وحده رفع وتقريبا مفيهاش انزار
فتنصحونى باييه

**ahmed elsahhar** · 09-04-2014 08:48 AM

هيا يا شباب اشترى ولا استنى شويه يمكن يظهر حاجه افضل

**ahmedalaahosny** · 09-04-2014 12:23 PM

حلو اوي سيبك من الانذار ووحده الرفع الحاجات دي تركب عادي يعني مكنة الرفع دي للبابين ب 65 جنية ولو عايز للاربعه هتجيب اتنين والانذار هتنزل التوفيقية تجيب واحد ولف محترم وتركب عليه السنتر ووحده الرفع بحيث لما تضغط قفل يقفل السنتر ويرفع الازاز وطبعا الانذار بيتفاوت ف أسعاره حسب كمالياته من فتح الشنطه لغاية قطع الكهربا عن العربية كلها لما تقفل بيه منعا ان حد يدورها المهم بقي ان حضرتك تروح تركب العربية دي وتمشي بيها ف شوارع داخلية عشان تجربها ف الحفر والمطبات ان كان في اصوات تزييق وتخبيط من العفشة ولا لا وبرده تحاول تاخد اي ملف ع الضيق ( يعني حاول علي قد ماتقدر تجيب الدركسيون للاخر ف الملف ) وشوف هل في اصوات طقطقه ولا لا وجرب برده انك تجري بيها شوية تشوف هل الدركسيون بيتهز ف ايدك او في غربله ف العربية وجرب الفرامل برده وخلي حد يبصلك ع الكاوتش كويس طبعا اي حاجة مش مظبوطه من اللي انا كاتبهم تعرف تمنها وتخصمه من تمن العربية