عفشة الانسر الخليجى

**عمرو عبيد** · 14-07-2007 10:11 AM

انا لاحظت حاجة فى العفشة و مش عارف دة طبيعى و لا لا اليبيحصل ان لما ادوس فى مطب جامد او باعدى على (عيون القط ) و هى المطبات الحديد اليبيحطوها على مداخل الأنفاق زى نفق الازهر متلا بسمع صوت مش طبيعى من العفشة يشبة صوت خبط الحديد فى بعضة فحد منكم لاحظ حاجة زى كدة

**اسلام المصرى** · 14-07-2007 12:37 PM

صوت حديد على حديد هذا طبعا مش طبييعى أبدا !!! أنا معايا لانسر برده و يوميا بمر على هذا النوع من المطبات - عيون القطة - لو بهدى جدا مفيش أى صوت فقط العربية بتتمرجح خفيف جدا كأنك بتهز العربية و هى واقفة , أما لو ورايا صواريخ جاية - سيارات مسرعة - فبعدى عليها و أمرى لله , ماينفعش أهدى طبعا و اللى جاى ورايا يركب فى الشنطة :D و الصوت الذى يصدر هو صوت أحتكاك الكاوتش بعيون القطة فقط لا غير . أنصحك بالكشف على العفشة يمكن فى حاجة مش مربوطة أو سايبة والله أعلم. و أنا تحت أمرك فى أى أستفسار أخر.

وتقبل خالص تحياتى

**عمرو عبيد** · 14-07-2007 11:21 PM

الف شكر يا باشا

**hamada2010** · 15-07-2007 11:29 AM

وها قد بدأت العيوب التى انوه عنها بالظهور فى السيارات الخليجى

ولا عزاء لهذه السيارات ...............................................

الله معك اخى

انصحك ان تكشف عليها بسرعة لمعرفة ما يؤدى الى ذلك

هل عيب صناعة ام السيارات الخليجى كلها هكذا .................

سؤال محير ...................... ارجو الا جابه

**إسلام شاهين** · 16-07-2007 09:28 AM

السيد المحترم :- عمرو عبيد
سيدي الفاضل لا تقلق مطلقا من الصوت اللي حضرتك سمعته إنت معاك جنيه دهب مهما قيل عنه ، الموضوع أبسط مما تتخيل ، السيارة الزيرو بعد لما تمشي في شوارعنا المحروسه من الطبيعي إن الصواميل والمسامير تريح من المشي فطبيعي إنك هتلاقي العفشه عند حضرتك محتاجه تربيط وده حصل معايا بالضبط أي عفشجي كويس وبعشرة جنيه هيربطلك العفشه قدام وورا وهتلاقي الموضوع بعد كده فل إن شاء الله غن راكب يايباني يا باشا والأكثر انتشارا في مصر ومش راكب عربية تكيفها يفصل سخن علشان يشتغل ساقع ولا تيل بيصفر ولا زجاج بيسرطن ولا علبة دريكسيون بتتعدل ولا أبصر إيه ومش عارف أيه يا راجل أنت من المميزين لركوبك مثل هذه السياره بارك الله لك فيها .

**hamada2010** · 16-07-2007 11:49 AM

تم مسح المشاركة بمعرفتى
د/ أحمد

**إسلام شاهين** · 16-07-2007 11:59 AM

تم مسح المشاركة بمعرفتى
د/ أحمد

**hamada2010** · 16-07-2007 12:11 PM

تم مسح المشاركة بمعرفتى
د/ أحمد

**memo_hefnawy** · 16-07-2007 12:17 PM

العضو المبجل (ZAZA2020) أرجوا عدم الدخول فى هذا النوع من المهاترات و لعبتى أحلى من لعبتك و الكلام إللى أعتقد إن كل الأعضاء أكبر من هذا الإسلوب سناً و عقلا و أنا واثق إن ده يمكن حصل فى لحظة غضب منك ولكن أرجوا منك الإلتزام بالروح الطيبة و عدم الدخول فى مثل هذه المهاترات مره أخرى

**عمرو عبيد** · 16-07-2007 12:37 PM

فى البداية احب اشكر كل الأخوة على ردهم على سؤالى خصوصا الأخ اسلام شاهين و كل الأخوة الأخرين و انا فعلا رحت لواحد بتاع عفشة و ربطلى المسامير و الصوت دة اختفى تماما و على فكرة انا مبسوط من العربية جدا و انا جربتها على طريق مصر اسكندرية الصحراوى و انا مسافر بصراحة حاجة تفرح خصوصا الموتور قوى جدا و ايضا ثبات العربية ممتاز حتى على السرعات العالية (140كم او اكثر) و اتمنى ان الخلاف الى حصل بين الأخوة اسلام و zaza يزول بسرعة لأن كلنا لينا هدف واحد و هو مساعدة الناس على معرفة المشاكل الموجودة فى سياراتهم بدلا من اللجوء الى الميكانيكى ألى غالبا بيعمل شغل على الناس