الموضوع: ادامي هوندا سيتي 2005 اوتوماتيك اخبارها ايه العربيه دي

معلش يعنى ياباشا مع احترامى لوجهة نظر حضرتك

هو بيقولك honda city تقولة verna !!!!!!!!

ازاى يعنى ؟؟؟

الهوندا سيتى تمتاز عن الفيرنا فى كل حاااااااااااااااااااااجة , وطبيعى لازم الفيرنا تكون اقل منها فى التكاليف والصيانة عشان فرق التكنولوجيا

يعنى الهوندا سيتى فيها ( ِabs - ebd - air bags - immoblaizer ) دة غير بقى ( اعلى - اوسع - اكبر - فرامل افضل - تقفيل احسن - شكل تابلوة افضل بكتير - خامات احسن بمراحل مع ان الاتنين بلاستيك بس هناك فرق شاسع - النعومة فى صوت المحرك- والاوبشن داخل السيارة افضل- موفرة فى البنزين جدا عن الفيرنا - لو المحرك ال1500 سى سى انت هتحس انك معاك عربية قوية جداااا على الارض كفاية ال vtec لما يفتح بس ) معلش يعنى دية فئة ودية فئة تانية خالص

عموما لصاحب السؤال , كل اللى يعيب السيتى :

1- انها مش ثابتة على سرعة اعلى من سرعة 130 كم , ودية امرها بسيط انك تسقط العربية شوية عن طريق مساعدين رياضى - وبتجيب جنط مقاس 15 وبتعرض مقاس الكاوتش

2- قطع غيارها غالية ومش اى حد بيشتغل فيها ( لازم متخصص هوندا )

3- موديل 2005 من الخارج شكلة غير محبب لناس كتير خصوصا من الامام

فى النهاية ( السيتى سيارة محترمة جداااااااااااااا وسعرها مناسب جدااا لمواصفاتها وامكانيتها

لو مش مشكلة معاك الصيانة ( على فكرة هية اعتمادية اوى ) هانها مش هتلاقى الاوبشن بتاعها بالسعر دة