الموضوع: مشكلة الكاسيت الكينوود و خروج السي دي + كمان العدسة بااظت

انا مشكلتي يا جماعه انه الكاسيت علي طول بيعلق في خروج او دخول السي دي و ده بيخلي السيديهات تتجرح علي طول و مش بتقعد كتير معايا المهم انا عملت ايه

طلعت الكاسيت وقولت هافتحه عشان انضفه و امسح العدسه لو مش نضيفة ولا حاجة

لاقيت الكاسيت مقفول علي العدسه قافله بنت حرام يعني لازم عشان انضف العدسه افكر البورده من تحت و حورات المهم انا نفضت قولت مش لسه هافك لحامات البورده و كده و خليت الكاسيت زي ماهو وجيت من قدام جبت فوطه صفرا و لفيتها علي السي دي كده ودخلت نصها في الكاسيت عشان قولت تنضف الكاوتش بتاع الكاسيت

وبعد كده ماعرفش ايه اللي خلاني روحت رشيت علي الفوطه WD وعملت نفس الفكره تاني بتاعت التنضيف
المهم طبعا بقي بعد الحورات ديه كلها الكاسيت بقي تمام التمام وسبت الكاسيت يوم كامل قولت ليكون في WD دخل جواه ولا حاجة
ركبت الكاسيت بقي بعديها بيوم و هوووووووووووووووووووب الكاسيت لسه بيعلق في السي دي
هههههههههههه و فوق ده كله كمان لو زقيت السي دي و دخلته و تمام التمام الكاسيت يبفضل معلق كانه لسه بيدخل في السي دي و كاتبلي IN في الشاشه

طبعا انا بعد لاقيته كده قولت خلاص اوديه لبتاع كاسيتات يشوفلنا صرفه نعمل ايه
بتاع الكاسيتات انا حسيت انه مش عايز يصلح عشان قعد يقولي انا عندي واحد صيني زي الفل ب 280 جنيه و عندي مش عارف سوني بكام و سيبك من القديم ده بتاع السي ديهات
المهم حكيتله علي المشكله و فتح الجهاز قالي في WD وصل للعدسه و كده شكررررررررررررررااااااااا ااااا

انا بقي قولت عليا و علي اعداااااااااااااااااءي روحت البيت طبعا انا و زعلان وحاسس انه انا لمؤاخذه حماااااااار بسبب ال wd اللي علي العدسه وبوظت الجهاز الاصلي بتاع العربيه اللانسر البومه
روحت مطلع الكاسيت تاني و فكيت امه و ابواه كمان و قولت لازم اطلع العدسه بنت التيت ديه و روحت جبت المكووواه و فكيت لحامات الموتور و لحامات في الجنب و فكيت الورده و بعد كده فكيت كمان ام العدسه و نضفتها تمام بالمناديل كده و قفلت الجهاز تاني بس في حتت بلاستيك كده المفروض انها بتقفل علي السي دي هي بس اللي بتعلق
المفروض هاغيرلها السوسته او هاشفلهم صرفه عشان اخليهم بعد مالعدسه تخش دولا يقفلوا عليها بعد كده و يا مسهل لما نشوف



انا بس عايزكم كلكم تدعولي و لو العدسه ليها صرفه قولوا و كمان هو ال wd فعلان ممكن يبوظها ولا ايه ؟


انا رغاي معلش انا اسف

صدقني انا ماكنش قصدي انضف ام العدسه بال wd انا كنت بنضف الحته بتاعت الباب و الكاوتش عشان يطلع و يخش السي دي كويس
دلوقتي بقي المشكله انه الكاسيت في الاول كان بيحس بالسي دي و يبتدي يسحبه دلوقتي لا خالص مش بيحس انه في سي و مش بيبتدي يسحب اي حاجة
انا لما انزل القاهره انشالله هاشوف اي حد يعرف يصلحهولي ولا اي حاجة