متقلقش هي الفيرنا كده
اللي حضرتك هاتعمله كالتالي تزن عليهم في تغيير الجنوط و بعد متغيرهم تروح تشتري جنط (أسبور) و كاوتش جديد علشان العربيه تظبط و تعمل رينجات عند الخراط للجنوط
للعلم الفيرنا ما بتظبتش بجنوطها و لا كوتشها الأستوك
عرض للطباعة
متقلقش هي الفيرنا كده
اللي حضرتك هاتعمله كالتالي تزن عليهم في تغيير الجنوط و بعد متغيرهم تروح تشتري جنط (أسبور) و كاوتش جديد علشان العربيه تظبط و تعمل رينجات عند الخراط للجنوط
للعلم الفيرنا ما بتظبتش بجنوطها و لا كوتشها الأستوك
متقلقش من ساعة ما جبتها وهى كدة لحد ما اضطريت اشترى اربع جنوط حديد كورى اصلى وعلى فكرة هما نفس الشكل بس اصلى وهتلاقى الدنيا اتظبطت والمشكلة انتهت نهائى للعلم الجنوط دى مش كورى دى مصرى عشان كدا هتلاقيها معووجة وللعلم انا كان عندى الخمس فرد يعنى حتى الاستبن كمان كان معوجيين بدون استثناء ودا موجود فى اغلب الفيرنا وجنوطها ... ملهاش حل غير التغيير
ياشا روح فرع العبور بس قبل ماتروح كلمنى لان فعلا الجنوط مش متوفره حاليا
والله يا شباب مش عارف أقول لكم إيه على تفاعلكم الجميل مع الموضوع .. ولكن الحمد لله الكلام هنا وعلى الفيس بوك كمان جاب نتيجة مبدئية بفضل الله وهو إن أحد الأشخاص اتصل بي من قسم الشكاوى في هيونداي واتكلم معايا باحترام شديد وتفاعل ممتاز جداً وقاللي أروح لهم بكرة بإذن الله عشان أغير الجنوط دي في الفرع بتاع أبو رواااااااااااااش ...
هروح بكرة بإذن الله وهبلغكم بكل اللي هيحصل بإذن الله ويا رب تكون النتيجة مرضية
انت عربيتك مانيوال ولا اتوماتيك
مشكلة الفيرنا الازلية . كنت بعاني منها برده لغاية ما غيرتهم بجنوط 14 وكاوتش بريدجستون
طمنى ايه الاخبار
لا حول ولا قوة الا الله ...ان شاء الله تحل مشكلتك باقرب وقت
الحمد لله أنا لسه راجع المحلة من شوية وقلت أطمنكم:
الحمد لله تم الاستجابة من قسم الشكاوى في هيونداي باحترافية شديدة وسرعة رائعة ... والحمد لله العربية بقت تمام ... لذلك بعدل نصيحتي لكم "اشتروا وانتوا قلبكم جامد لأن فيه قسم اسمه قسم الشكاوى بيسعى فعلاً لرضا العميل، ومهما حد في غبور ضايقك أو زعلك تأكد برده إن فيه ناس محترمين جداً ... ومن هنا ببعت شكر خاص للمهندس "نور الحموي" في قسم الشكاوى وجزاه الله خير على تفاعله السريع معايا ... وربنا يجزيكم خير يا رب على تفاعلكم معايا ... بصراحة إنتوا زي الأخوة بالضبط .. ومنتدى أكثر من رائع ..