صوت عالى جداااا فى الفليشيا

**حسن محمود احمد** · 09-04-2014 12:01 AM

يا عم وليد اولا انت اول ما سألت نوع الزيت ايه عرفت انك مش متابع لمواضيعك لان انا لية مشاركة في موضوعك الخاص بزيت شل ولسة امس انا قولت انني باستخدم شل الاصفر ونصحتك ان تخليك معاه الي ان ينعدم وجوده
ثانيا الصوت زي ما انا قولت ماكينة الاري الزراعية بالظبط بوب بوببببببببببببببببببو من الجكمان ورحت لهنداوي قال بعد الكشف علي الجكمان العيب مش منه وبعدين البوجهات اللي انا رمتها كانت مهببة
والعربية ما بتكلش زيت ولكن هناك ملحوظة كل ما اجي اشيك علي البوجيهات اجد تاني بوجيه من علي اليمين القلاوز بتاعه بيلمع واشم ريحته فلم اجد ريحة زيت وهما زي ما انت عارف ترتييب 1423

**ابوابراهيم323** · 09-04-2014 12:12 AM

اولا كل الشكر على الاهتمام
فى البداية انا لسه مغير تيل فرامل خلفى وجايب الاصلى
كمان مغير زيت فرامل dot 4 وزيت موتور شل الاحمر وكمان لسه مزود زيت الفتيس
مفيش دخان من الشكمان
الموضوع اما بكون على سرعة 60 صوت عادى اول 70 صوت مثل الطيارة او مثلا صوت شكمان من بتوع الشباب اللى بيخلى فيه صوت
هو الكهربائى قال لى حاجة
قال طرمبة المياه هى السبب وهى اللى عمله الصوت ده الكلام ده صح

**aw2100** · 09-04-2014 01:06 AM

المشاركة الأصلية كتبت بواسطة حسن محمود احمد

ياعم وليد انت ليه محير نفسك خليك في شل الي ات ينعدم الوجود من المحلات وبعدين غير وطلما انت طلعت من سيدي بشر فيوجد اكتر من محل عنده شل الاصفر 5000 وانا لسة مغيره يوم الخميس

خلى بالك ياحاج حسن اغلب المحلات دى بيضرب الزيت ويخلطوة على زيوت رديئه وخصوصا شل الأصفر وفية واحد زميل ليا كانت نهاية موتور عربيتة بسبب جركن شل اصفر مضروب انصحك تشترى اى نوع زيت بس من البنزينه حتى لو مصر للبترول ارحم من زيوت المحلات دى وبالنسبة لعربيتك صراحه انا ماعنديش فكرة عن الأنجكشن والحساسات والحجات اللى تخوت دى وربنا يديم نعمه الكاربراتير علينا والحمد لله

المشاركة الأصلية كتبت بواسطة ابوابراهيم323

اولا كل الشكر على الاهتمام
فى البداية انا لسه مغير تيل فرامل خلفى وجايب الاصلى
كمان مغير زيت فرامل dot 4 وزيت موتور شل الاحمر وكمان لسه مزود زيت الفتيس
مفيش دخان من الشكمان
الموضوع اما بكون على سرعة 60 صوت عادى اول 70 صوت مثل الطيارة او مثلا صوت شكمان من بتوع الشباب اللى بيخلى فيه صوت
هو الكهربائى قال لى حاجة
قال طرمبة المياه هى السبب وهى اللى عمله الصوت ده الكلام ده صح

ممكن طرمبة المية تكون السبب فى الصوت العالى ده وهو بيبقى شبة خشونة او صوت صريخ وده بيبقى سببه ان حضرتك بتحط مية حنفية للعربية او مية خضراء مضروبة وده اللى بيبوظ طرمبة المية وفيه سبب تانى ان سير الدينامو بيبقى مشدود زياده عن اللازم وده بيبوظ الرولمان بلى عموما تغير الطرمبة سهل بتاخد ساعة عند الميكانيكى وربنا يقويك !!