ان شاء الله هستلم ال 301 بكرة وهرخص ... شوية استفسارات بقى ؟؟
الحمد لله اباظه كلمنى وقالى الورق جاهز ممكن تستلم وترخص بكره
المهم هطلع بالعربية من مرغم وهروح على مرور محرم بك
وانا فى السكه بقى اعمل اية
طبعا هحط بنزين 92 بس ينفع احط فى الاول 95 وبعد كدة ارجع احط 92 ولا لازم ابقى ثابت على نوع معين وينفع اخلط بين الاتنين ولا لا
السؤال التانى
احط نيتروجين ولا اسيب الهواء العادى واظبطه على 30 ؟؟
ولو هحط نيتروجين اعمل 30 برضوا مع العلم ان الكاوتش مقاس 15
وبالنسبه للضمان هستلمه مع العربية ولا دة لازم بعد الترخيص واستلمه من التوكيل كمان ؟
واسؤال التالت
المندوب ادفعله كام بعد ما يخلص مع العلم انه هيطلع معايا من مرغم وهسيبه هو اللى يسوق عشان لو فى حاجة تبقى بتاعتهم وانا ماليش دعوة
السؤال الرابع
انا روحت امبارح ابص على عربيتى فى بابين مش بيقفلوا الا لما ارزعهم شوية يعنى مش جامد دة عادى ولا اية ؟؟
خامس سؤال
اية افضل بنزينه ممكن احط منها يعنى موبيل ولا مصر ولا امارات مصر ولا اية وياريت اللى يكون عارف يقولى اقرب بنزينه من فرع اباظه اللى فى مرغم ؟؟
السؤال السادس
اية اللى بيتعمل فى الترخيص
يعنى لازم اخد معايا صور او اى حاجة بتتاخد ورق مثلا ؟
بس كدة واسف على الاطاله ولو افتكرت حاجة هسألها
وياريت الاجابه تكون تحت السؤال بلون تانى :shyy:
شكراً مقدماً
