الموضوع: ان شاء الله هستلم ال 301 بكرة وهرخص ... شوية استفسارات بقى ؟؟

المشاركة الأصلية كتبت بواسطة Mohamed_301

الحمد لله اباظه كلمنى وقالى الورق جاهز ممكن تستلم وترخص بكره
المهم هطلع بالعربية من مرغم وهروح على مرور محرم بك
وانا فى السكه بقى اعمل اية
طبعا هحط بنزين 92 بس ينفع احط فى الاول 95 وبعد كدة ارجع احط 92 ولا لازم ابقى ثابت على نوع معين وينفع اخلط بين الاتنين ولا لا
حط 92 ملوش لازمة التكاليف
لأنك كده كده هتحط 92 في النهاية
السؤال التانى
احط نيتروجين ولا اسيب الهواء العادى واظبطه على 30 ؟؟
ولو هحط نيتروجين اعمل 30 برضوا مع العلم ان الكاوتش مقاس 15
هواء
النيتروجين تكاليف على الفاضي
و مش عايز أدخل في تفاصيل عشان الموضوع يطول شرحه
وبالنسبه للضمان هستلمه مع العربية ولا دة لازم بعد الترخيص واستلمه من التوكيل كمان ؟
مش عارف المعارض نظامها ايه
لكن بالنسبة للتوكيل بتستلم الضمان و بيفعله من تاريخ الترخيص
واسؤال التالت
المندوب ادفعله كام بعد ما يخلص مع العلم انه هيطلع معايا من مرغم وهسيبه هو اللى يسوق عشان لو فى حاجة تبقى بتاعتهم وانا ماليش دعوة
لو هو اللي هيخلص إجراءات الترخيص يبقى 150 جنيه تمام
50 حلاوة العربية
100 أتعاب ترخيص
و أتفق معاه عشان في منهم نصابين و هيقعد يقولك أديت للموظف الفلاني كام و للعلاني كام
في واحد أعرفه مندوب الطارق ضحك عليه و خد منه 500 جنيه
أنا رخصت في محرم بك و كل اللي دفعته أتعاب 100 جنيه
لو عايز نمرة المخلصاتي أبقى أبعتلي على الخاص
السؤال الرابع
انا روحت امبارح ابص على عربيتى فى بابين مش بيقفلوا الا لما ارزعهم شوية يعنى مش جامد دة عادى ولا اية ؟؟
العربية للي كنت شفتها فالتوكيل و أنا لسه بتفرج كانت كده
لكن بفضل الله عربيتي مش كده
المعرض مش هبقدر يعملك حاجة
أبقى قول للتوكيل عليها في صيانة 2500
خامس سؤال
اية افضل بنزينه ممكن احط منها يعنى موبيل ولا مصر ولا امارات مصر ولا اية وياريت اللى يكون عارف يقولى اقرب بنزينه من فرع اباظه اللى فى مرغم ؟؟
أنا مش عارف فرع أباظة مكانه فين بالضبط
لكن في بنزينة شل عند توكيل بيجو في مرغم
و كل البنزينات اللي أنت قلت عليهم كويسين بإستثناء مصر و الوطنية كمان كويسة
السؤال السادس
اية اللى بيتعمل فى الترخيص
يعنى لازم اخد معايا صور او اى حاجة بتتاخد ورق مثلا ؟
بطاقتك و صورتها
و الورق بتاع العربية (إفراج-مبايعات) و دول مفترض يكونوا مع مندوب المعرض
1500 تكاليف ترخيص
150 حلاوة و أتعاب
100 بنزين
بس كدة واسف على الاطاله ولو افتكرت حاجة هسألها
كفاية كده عليك النهاردة
أي سؤال تاني بفلوس

ألف ألف مبروك و ربنا يبارك لك فيها و يجعلها لك عوناً على طاعته
و متنساش سي دي سورة البقرة و تقول دعاء الركوب
سبحان الذي سخر لنا هذا و ما كنا له مقرنين و إنا إلى ربنا لمنقلبون
و دعاء الدابة الجديدة
اللهم إني أسألك خيرها و خير ما جبلتها عليه و أعوذ بك من شرها و من شر ما جبلتها عليه

ههههههههههههههههه حبيبى والله يا ابو هند بجد مش لاقى حاجة اقولهالك
ربنا يبارك فيك وفى عربيتك وفى هند الصغيره ان شاء الله :))
واباظه قالى انه هيطلع معايا واحد وهدفعله 100 او 150 ان شاء الله :))
واى حاجة ماتغلاش عليك والله على ذوقك دة ربنا يكرمك ان شاء الله :))
وسؤال انا اسف
بعد ما يخلص الترخيص هستلم الرخصه بس ولا فى ورق هستلمه مع الرخصه والنمر
والباب التوكيل هيعملها عادى ولا دى حاجة صعبه
بس كدة
شكرا جدا كدة وكفايا كدة ان شاء الله مايبقاش فى اسأله تانى

المشاركة الأصلية كتبت بواسطة mohamed_301

ههههههههههههههههه حبيبى والله يا ابو هند بجد مش لاقى حاجة اقولهالك
ربنا يبارك فيك وفى عربيتك وفى هند الصغيره ان شاء الله :))
واباظه قالى انه هيطلع معايا واحد وهدفعله 100 او 150 ان شاء الله :))
واى حاجة ماتغلاش عليك والله على ذوقك دة ربنا يكرمك ان شاء الله :))
وسؤال انا اسف
بعد ما يخلص الترخيص هستلم الرخصه بس ولا فى ورق هستلمه مع الرخصه والنمر
والباب التوكيل هيعملها عادى ولا دى حاجة صعبه
بس كدة
شكرا جدا كدة وكفايا كدة ان شاء الله مايبقاش فى اسأله تانى

ربنا يخليك
إحنا إخوات

مش هتستلم غير الرخصة و الورق هيتحط في ملف العربية في المرور
لكن الأفضل تصور الإفراج و المبايعات عشان لو لا قدر الله حصل حاجة (زي حرق المرور و الملفات في 25 يناير)
ساعتها مش هيبقى معاك أي مستند ملكية للعربية غير الرخصة (يعني لو ضاعت يبقى كأنك ماشي بعربية مسروقة لأن العربية ملهاش ملف)

موضوع الباب أظن بسيط
بس مش هفتي لأني مش عارف ايه المشكلة بالضبط و يمكن إنت بتقارن بعربية تانية بابها أنعم
إن شاء الله التوكيل يحلها بسهولة

المشاركة الأصلية كتبت بواسطة abohend

ربنا يخليك
إحنا إخوات

مش هتستلم غير الرخصة و الورق هيتحط في ملف العربية في المرور
لكن الأفضل تصور الإفراج و المبايعات عشان لو لا قدر الله حصل حاجة (زي حرق المرور و الملفات في 25 يناير)
ساعتها مش هيبقى معاك أي مستند ملكية للعربية غير الرخصة (يعني لو ضاعت يبقى كأنك ماشي بعربية مسروقة لأن العربية ملهاش ملف)

موضوع الباب أظن بسيط
بس مش هفتي لأني مش عارف ايه المشكلة بالضبط و يمكن إنت بتقارن بعربية تانية بابها أنعم
إن شاء الله التوكيل يحلها بسهولة

تمام انا ان شاء الله هصور الورق قبل ما يتحط فى الملف
ويارب يكون الباب دة حاجة سهله عشان مضايقانى جدا

المشاركة الأصلية كتبت بواسطة Ashraf Fawzy

أولاً الف مبروك عليك و ربنا يرزقك خيرها و يكفيك شرها

ثانياً عند الترخيص نبه على فنى المرور لما يجى ياخد نمرة الماتور إنه مايزحش خرطوم مية الردياتير ناحية مروحة الردياتير عشان مايتقطعش (حصل معايا و مع العديد من ملاك البيجو 301).

فى موضوعات و تقارير كتيرة هنا فى المنتدى عن إستلام العربية و تاخد بالك من إيه.

الله يبارك فيك ياباشا

تمام دة انا مش هسيبه اصلا فى حاله هفضل لازق فى قفاه
وكمان طابع 3 ورقات ازاى استلم العربية ^_^