الحمد لله يا شباب انا ركبت السنسور بارك النهاردة في التوكيل وملاحظاتى كالتالي:
1- انا رحت الساعة 9:20 ولما دخلت للاستقبال استغرب انى حاجز موعد لتركيب السنسور - وقاللى حضرتك تروح علطول لقسم السمكرة والدهان وهو بيعمل امر شغل
2- رحت فعلاً لقسم السمكرة وعمل لى امر شغل ودخل العربية الورشة الساعة 9:30 - والمهندس قاللى انه هيخلص الساعة 2 - فلت اكيد بيبالغ
3- انتظرت للاسف فعلا كتير واستلمت العربية الساعة 1:40 بعد 4 ساعات وكنت عامل حسابي على ساعتين او تلاتة بالكتير
5- بسبب تأخيرهم ده مشيت بسرعة لان ابنى كان تعبان وكان المفروض اوديه للدكتور الصبح - وللاسف مجربتش السنسور هناك كويس
4- السنسور صيني ودفعت بالظبط 566.5 للخزينة ولما روحت ملقيتش اى كرتونة معايا ولا حاجة
6- بعد ما خلصت مشوار ابنى نزلت اجرب العربية - لقيت انه بيشتغل اول ما اجيب الفتيس ل r وابدأ ادوس بنزين بيدي صفارة مستمرة طويلة حتى لو فيه 20 متر ورايا - وفضلت ارجع بضهري والصوت مستمر زي ما هو بدون تقطيع لحد ما كنت هاخبط بالاكصدام الخلفي في الرصيف وانا باركن - ومش عارف اجرب السنسور من ناحية اجناب العربية
المحصلة: اني شاكك جداً كده انه مش شغال وانه في مشكلة - لاني مسمعتش منه اى صفارة متقطعة زي ما الاستاذ عادل ادريس قال في موضوعه - وانا بس عايز حد يأكد لى انه مش شغال فعلاً عشان انا خبرتي قليلة جداً عشان اكلمهم في فرع العبور واشوف هيصلحوا الدنيا ازاى
وشكرا ليكم يا رجالة
والله المستعان
المفضلات