صيانة ال 1000 ل mg5

**RedBull_30** · 08-04-2014 09:24 PM

السلام عليكم

امبارح الحمد لله عملت صيانة ال 1000 لل mg 5 في المركز الرئيسي في 6 اكتوبر , و ببساطة الموضوع مأخدش ساعة و نص من الاستقبال لغاية ما استلمت العربية مغسولة , و كنت فاكر ان هروح وألاقي نفسي لوحدي في المركز ولكن لقيت عربيات كتير وكانت المفاجئة لما لقيت عربيات كتير mg750 .
المهم الصيانة كانت تغيير زيت وهو شل 10000 كيلو + فلتر زيت + تربيط للعفشة = 440 جنيه و بالمناسبة العربية بتاخد تقريبا 5 ليتر زيت .
اثناء الصيانة عرفت من المهندس ان اسكندرية فيها مركزين صيانة للعربية و واحد منهم قريب جدا من بيتي في الساحل والمكان في الكيلو 21 .
من ضمن المعلومات اللي عرفتها عن عربيتي هي ان الجير بوكس بتاعها نظام التشغيل بتاعه هو نفس نظام تشغيل جير بوكس الفولكس (dsg) و ده شيء انا كنت شاكك فيه من اول كيلو اتحركت بيها والسبب يرجع لنعومة سواقتها وبانك مش بتحس بالنقلات و خصوصا ثاني و ثالث نقلة

صيانة ال 1000 عموما مش بتظهر اي توكيل على حقيقته ..
بس انا شايف انهم ناس محترمة و كان كل المنتظرين هناك بيشكر فيهم .

ده اللي حصل معايا يا حضرات و ان شاء الله لو في جديد أكيد هنقله هنا .

لكم تحياتي

**د.عماد صلاح** · 08-04-2014 09:50 PM

بس dsg ده قلق الصراحه

**RedBull_30** · 09-04-2014 05:38 PM

المشاركة الأصلية كتبت بواسطة د.عماد صلاح

بس dsg ده قلق الصراحه

طبعا ال dsg قلق بس الفتيس بتاع ال mg مش هو ال dsg , المهندس عرفني انه نفس الفكرة و لكن مش هو ..
بالمناسبة اللي فهمته بعد كده ان خلاص الجيل الجديد للفتيس الاتو بيبقى على كلاتشات و بختلف بس من نوع لنوع على حسب طريقة التبريد وكمية الزيت .

**Astra Lovers** · 09-04-2014 06:37 PM

فعلا

**Astra Lovers** · 09-04-2014 06:37 PM

واخبار العربيه معاك ايه فالتسارع والثبات

**Astra Lovers** · 09-04-2014 06:38 PM

ومتابع

**RedBull_30** · 10-04-2014 03:49 PM

المشاركة الأصلية كتبت بواسطة astra lovers

واخبار العربيه معاك ايه فالتسارع والثبات

بالنسبة للتسارع هتلاقي بجوار عصاية الفتيس زرار بتختار منه اسلوب القيادة ( اقتصادية او معتدلة او رياضية ) بالنسبة ليا بفضل الاقتصادية وبحس في الاختيار ده انك سايق عربية اوتو عادية , بالنسبة للقيادة الرياضية هتلاقي ديما العربية معزّمة وجاهزة لاي دوسة بنزين و بتشعر بتسارع يرضيك .
و لو اتكلمنا عن الثبات فمش موقف او اثنين هعرف احكم عليها بيهم , لاني لسة مجبتش بيها سرعات عالية , بس احب اطمنك من حاجة وهي الفرامل مثلا ( بامانة مش هتلاقيها غير في مركات غالية ) .

**hagag_ab** · 12-04-2014 03:45 AM

والعفشة الله يكرمك أخبارها ايه في شوارعنا الجميلة

**RedBull_30** · 12-04-2014 04:32 PM

المشاركة الأصلية كتبت بواسطة hagag_ab

الف مبروك للعربية
ممكن سؤال
هو فيها esp
أو بديل ليه

الفئة الكاملة هي اللي فيها , لكن عربيتي مفهاش ..

الموضوع: صيانة ال 1000 ل mg5

LinkBack

أدوات الموضوع

عرض

-

المواضيع المتشابهه

صيانة 1000 ك

صيانة 1000 كم

صيانة ال 1000 كم

صيانة ال 1000

اعمل صيانة ل/1000 كيلو ولا استنا واعمل صيانة ال/5000وخلاص ؟؟؟ايهما افضل

الكلمات الدلالية لهذا الموضوع

المفضلات

المفضلات

ضوابط المشاركة