بفكر فى الكارينز

**masryxt** · 10-04-2014 09:48 AM

المشاركة الأصلية كتبت بواسطة haitham fares

شكرا على الاهتمام ..انت حاسس ان العربية تستاهل تمنها؟ ..العربية عالية عن الارض بالقدر الكافي؟ الدخول للكراسي الاخيرة سهل عشان لما شفتها لفيت فى صعوبة بصراحة.. مساحة الشنطة والصف الاخيرة مستحدم ممكن ياخد شنط سفر ولا اية؟ كمان اخبار استهلاك البنزين فى الزحمة ..واخيرا اسعار قطع الغيار والصيانات؟

السلام عليكم
اولا بالنسبة للسعر وهل تستاهل تمنها ؟؟؟؟
لو انت عاوز سيارة عائلية يبقي مافيش منافس في نفس الفئة السعرية وخصوصا لان المساحات متوزعة بشكل زكي جدا وعملي جدا وارجع تاني اقول اية البديل بالنسبة لصاحب عائلة كبيرة

ثانيا العلو عن الارض؟؟
بالنسبة لتجربتي وانا ماشي بيها 21 الف كيلو حتي اليوم الارتفاع معقول جدا بالنسبة لجميع السيارات فيما عدا ال suv وال 4x4 طبعا
المطبات اللي ممكن تحك فيها اما مطب غشيم وواقف وانت محمل او انت داخل بسرعة علي مطب وبتفرمل جامد وانت في المطب.

ثالثا الدخول للصف التالت؟؟
الكرسي الاوسط الظهر بتاعة بينحني للامام زائد ان الكرسي بيتحرك للامام لحد الكرسي الامامي ودة بيديلك مساحة ممتازة للدخول وعن تجربة كافية جدا.

رابعا مساحة الشنطة والصف الاخير مستخدم؟؟
لو انت مستخدم الصف الاخير كلة يبقي الاجابة طبعا مش هاتاخد اكتر من بضعة اكياس وشنط صغير ودة علي فكرة ينطبق علي كل الفئة دى والا كانت هاتبقي طويلة جدا "حتي التاون اند كانتري والفويجر ودي اكبر عربية ممكن تتركب في الفئة دي هاتلاقي نفس الوضع
اما لو عاوز اللس انا بعملة انا باستخدم كرس واحد من الاتنين الي ورا لان انا العدد 6 افراد وبسيب الكرسي الثاني مش مفرود ودة بيديني مساحة تحميل اكبر من اكبر شنطة لسيارة سيدان طولا وارتفاعا وسعة

خامسا استهلاك البنزين في الزحام؟؟
اكيد بتستهلك
انا المعدل بتاعي 190-220 كم في الصفيحة "20 لتر"
زحام يبقي 190 - 200 كم في الصفيحة
سفر بتكون موفرة وممكن توصل ل 220-240 في الصفيحة
وصدقوني المعدلات دي بتتاثر بالطريق وبطريقة سواقتك
خد بالك ان المعدلات اللي انا كاتبها تقريبية باحاول اقرب بيها الصورة

سادسا اسعار قطع الغيار والصيانات؟؟
اولا :انا ماشي 21000 كم فمادخلتش في الصيانات الكبري
ثانيا انا وكيل فاللي بيقول علية بتبصم وتدفع وانت زي الباشا
لو ليا الاختيار فاعمل كل صياناتي برة وهاتوفر اكتر من 50 % بس للاسف كدة يخرجك برة الضمان اللي هو 5 سنين يعني مش قليل

اتمني اكون جاوبت علي تساؤلاتك وتحت امرك في اي سؤال اخر

كل ماكتبتة بالاعلي هو عن تجربة شخصية خاضعة للصواب او الخطاء وهي محاولة مني لايصال المعلومة بدون غرض او هوي

**masryxt** · 10-04-2014 09:54 AM

المشاركة الأصلية كتبت بواسطة fouad ezz

... أنا عن نفسى كان نفسى أجيبها بس لما ركبتها فى معرض .. معرفتش أشوف أي حاجة من الكابوت بتاعها .. مختفى تماما ... رغم إن طولي 186 ورفعت الكرسى للأخر
أعتقد إن ده عيب كبير جدا .. مش عارف إللى صمممها عملها كدة إزاي؟ ... المندوب فى المعرض بيقولي (أصل دى كدة مواصفات إوروبي) ...؟؟؟ مش فاهم يعتى إية مواصفات أوروبي أن السائق لا يرى أي شيئ من أبعاد العربية ...
طب والميكروباصات والتوكتوك .. نعمل فيهم إية؟

انا طولي فوقك ب 10 سم وبرضة مش باشوف المقدمة بتاعت العربية
في البداية بتكون صعبة لحد ماتاخد عليها
معظم العربيات كدة دلوقت علشان الايرو دايناميك لتقليل مقاومة الهواء
وكمان بيدي ميزة تانية ان مقدمة العربية بتكون صغيرة ودة بيسمح بمرونة في المناورة اثناء الركن

**masryxt** · 10-04-2014 10:02 AM

ودة راي موقع اجنبي

"It's for people who want a car that can seat seven people - not an SUV, because it is easier to get in and out of, plus it's not bulky when trying to manoeuvre in tight city streets and car parks."

OUR VERDICT: Is it an SUV? A people-mover? A wagon? Who cares? The most important thing about this new Kia Carens is quality new product that deserves consideration by a wider spread of motorists.

**haitham fares** · 10-04-2014 10:45 PM

المشاركة الأصلية كتبت بواسطة masryxt

السلام عليكم
اولا بالنسبة للسعر وهل تستاهل تمنها ؟؟؟؟
لو انت عاوز سيارة عائلية يبقي مافيش منافس في نفس الفئة السعرية وخصوصا لان المساحات متوزعة بشكل زكي جدا وعملي جدا وارجع تاني اقول اية البديل بالنسبة لصاحب عائلة كبيرة

ثانيا العلو عن الارض؟؟
بالنسبة لتجربتي وانا ماشي بيها 21 الف كيلو حتي اليوم الارتفاع معقول جدا بالنسبة لجميع السيارات فيما عدا ال suv وال 4x4 طبعا
المطبات اللي ممكن تحك فيها اما مطب غشيم وواقف وانت محمل او انت داخل بسرعة علي مطب وبتفرمل جامد وانت في المطب.

ثالثا الدخول للصف التالت؟؟
الكرسي الاوسط الظهر بتاعة بينحني للامام زائد ان الكرسي بيتحرك للامام لحد الكرسي الامامي ودة بيديلك مساحة ممتازة للدخول وعن تجربة كافية جدا.

رابعا مساحة الشنطة والصف الاخير مستخدم؟؟
لو انت مستخدم الصف الاخير كلة يبقي الاجابة طبعا مش هاتاخد اكتر من بضعة اكياس وشنط صغير ودة علي فكرة ينطبق علي كل الفئة دى والا كانت هاتبقي طويلة جدا "حتي التاون اند كانتري والفويجر ودي اكبر عربية ممكن تتركب في الفئة دي هاتلاقي نفس الوضع
اما لو عاوز اللس انا بعملة انا باستخدم كرس واحد من الاتنين الي ورا لان انا العدد 6 افراد وبسيب الكرسي الثاني مش مفرود ودة بيديني مساحة تحميل اكبر من اكبر شنطة لسيارة سيدان طولا وارتفاعا وسعة

خامسا استهلاك البنزين في الزحام؟؟
اكيد بتستهلك
انا المعدل بتاعي 190-220 كم في الصفيحة "20 لتر"
زحام يبقي 190 - 200 كم في الصفيحة
سفر بتكون موفرة وممكن توصل ل 220-240 في الصفيحة
وصدقوني المعدلات دي بتتاثر بالطريق وبطريقة سواقتك
خد بالك ان المعدلات اللي انا كاتبها تقريبية باحاول اقرب بيها الصورة

سادسا اسعار قطع الغيار والصيانات؟؟
اولا :انا ماشي 21000 كم فمادخلتش في الصيانات الكبري
ثانيا انا وكيل فاللي بيقول علية بتبصم وتدفع وانت زي الباشا
لو ليا الاختيار فاعمل كل صياناتي برة وهاتوفر اكتر من 50 % بس للاسف كدة يخرجك برة الضمان اللي هو 5 سنين يعني مش قليل

اتمني اكون جاوبت علي تساؤلاتك وتحت امرك في اي سؤال اخر

كل ماكتبتة بالاعلي هو عن تجربة شخصية خاضعة للصواب او الخطاء وهي محاولة مني لايصال المعلومة بدون غرض او هوي

بشكرك على اهتمامك ووقتك ..وربنا يباركلك فى عربيتك