السلام عليكم ورحمة الله وبركاته
ما هى احسن رياضه لفنون الدفاع عن النفس
الواحد يتعملها على كبر
وتكون حاجه عمليه مش نظام حركات استعراضيه
ولو فيه اقتراح لمركز كويس لتعلمها
وشكراً
عرض للطباعة
السلام عليكم ورحمة الله وبركاته
ما هى احسن رياضه لفنون الدفاع عن النفس
الواحد يتعملها على كبر
وتكون حاجه عمليه مش نظام حركات استعراضيه
ولو فيه اقتراح لمركز كويس لتعلمها
وشكراً
ام ام ايه, او مواى تاى او كيك بوكسينج, المراكز ابتدت تنتشر فى مصر بس السعر غالى شوية , حوالى 250 جنيه شهريا, و الكورس 6 شهور تقريبا, انا ساكن فى المقطم و عندنا حوالى 3 او اربع مراكز تقريبا
والايكيدو؟
ممكن برده بس مش حتلاقى مدرب محترف ايكيدو بسهولة, الام ام ايه دلوقتى هو المنتشر و المطلوب, و هو الأصلح لخناقات الشوارع لو ده هدفك, ممكن تنزل جيم كام شهر كده و بعدين تشترك فى فايتنج كلب
متابع بشدة فين في المقم
ياريت لو فيه مراكز قريبه من الهرم
وهل بيحتاج الواحد يوصل لوزن معين الاول
فيه عندك اكستريم جيم خلف الاندلس, و فيه فى شارع 9 فى شارع جانبى بعد العزبى , و فيه احسن مركز بعد متعدى كشرى التحرير و انت طالع على النافورة ادخل الشارع اللى على الشمال, حتلاقى النادى على شمالك مش فاكر اسم المراكز ايه بس لو حابب اسألك, المركز الأخير ده كنت رحت اسال و اتفرج لقيتهم جايبين مدربين اسيويين و نازلين طحن فى العيال, هههههههههه انا و الله نفسى اروح اتدرب بس مفيش وقت خالص اليومين دول بسبب شغل الماستر
مش عارف والله بالنسبة للهرم, بس اعتقد فيه واحد اسمه الصاوى بطل مشهور عنده مركز اسمه هيرو اعتقد انه فى الجيزة بس مش عارف مكانه, اعمل سيرش, بالنسبة للوزن هما بيعرفو ازاى يخسسوك كويس جدا, معدل الحرق فى اللعب دى بيبقى عالى جدا, بس لو حتقدر تستحمل اللى حيحصلك :8954[1]:
متابع جداااااا
لو حاجة نواحي جسر السويس أو النزهة ياريت حد يفيدنا يا جماعة
يبقى كده نركز فى رياضة الـ mma
ياريت كله اللى عنده عنوان مركز كويس يكتبه